ଅର୍ଗସ ବ୍ୟୁରୋ : ବ୍ଲାକମେଲର କୁଇନ ଅର୍ଚ୍ଚନା ନାଗଙ୍କୁ ମିଳିଲା ହତ୍ୟା ଧମକ । ଲ' ପରୀକ୍ଷା ଦେବାକୁ ଆସିଥିବା ବେଳେ କଲେଜ ସାମ୍ନାରେ ଖୋଲାଖୋଲି ଧମକ ଦେଲେ ଦୁର୍ବୃତ୍ତ । ପରୀକ୍ଷା ହଲରୁ ବାହାରି ସୂଚନା ଦେଲେ ଅର୍ଚ୍ଚନା ନାଗ । କହିଲେ କାହାକୁ ଡରିନି । ମୋ ବିରୋଧରେ ଲାଗିଥିବା ଅଭିଯୋଗ ବିରୋଧରେ ଲଢିବି । ମୋ ପାଖରେ ଯେତିକି ପ୍ରମାଣ ଅଛି ସମୟ ଆସିଲେ ସବୁତକ ଖୋଲିବି ବୋଲି କହିଛନ୍ତି ହନିଟ୍ରାପ୍ କୁଇନ ।

କିଏ କଣ ପାଇଁ ଏମିତି ଦେଲେ ଧମକ । ଏ ଧମକ ପଛରେ ରହିନି ତ ଶାସକ ଦଳର ନେତା ଓ ମନ୍ତ୍ରୀ ମାନଙ୍କ ହାତ । କାଳେ ଖୋଲିଯିବ ନେତା ଓ ମନ୍ତ୍ରୀଙ୍କ ଭିତରି ଗୁମର । ସେଥି ପାଇଁ ମିଳିଲା କି ହତ୍ୟା ଧମକ । ଏହି ଧମକ ପରେ ଅର୍ଚ୍ଚନା କହିଛନ୍ତି, ମୁଁ ଡରିବିନି । ମୁଁ ମୋ ନିଜ ଉପରେ ବହୁତ ଉପରେ ଭରସା ରଖିଛି । ଏହଂ ବିଶ୍ୱାସ ଅଛି ମୋତେ ନ୍ୟାୟ ମିଳିବ । ସେ ଆହୁରି କହିଛନ୍ତି ମୋତେ ଦୁଇ ଜଣ ଆସି ଧମକ ଦେଇଛନ୍ତି । ଯଦି ସତ୍‌ସାହାସ ଅଛି ଆଗକୁ ଆସ ବୋଲି କହିଛନ୍ତି ।

ପରୀକ୍ଷା ଦେବାକୁ ଆସିବା ବେଳେ ୨ ଜଣ ଆସି ଅର୍ଚ୍ଚନାଙ୍କୁ ଧମକ ଦେଉଛନ୍ତି । ଘର ପାଖକୁ ଯାଇ ମଧ୍ୟ ଧମକ ଚମକ ଦେଉଛନ୍ତି । ଯେଉଁମାନେ ଧମକ ଦେଉଛନ୍ତି ସେମାନେ ଜାଣିବା ଦରକାର ଡରିବା ପିଲା ନୁହେଁ ବୋଲି କହିଲେ ଅର୍ଚ୍ଚନା ନାଗ । ଜେଲ୍‌ରୁ ବାହାରିବା ପରେ କ୍ୟାପିଟାଲ ‘ଲ’ ମଙ୍ଗଳବାର ଦିନ ଅର୍ଚ୍ଚନାଙ୍କର ‘ଲ’ ପରୀକ୍ଷା ଦେଇଥିଲେ ଅର୍ଚ୍ଚନା ନାଗ୍ ।

ସୂଚନା ଥାଉକି, ବ୍ଲାକମେଲିଂ ମାମଲାରେ ଝାରପଡ଼ା ଜେଲ୍‌ରେ ଥିଲା ଅର୍ଚ୍ଚନା ନାଗ । ଦୀର୍ଘ ୧୪ ମାସ ପରେ ଜେଲ୍‌ରୁ ବାହାରିଛନ୍ତି ଅର୍ଚ୍ଚନା । ହାଇକୋର୍ଟଙ୍କ ସର୍ତ୍ତମୂଳକ ଜାମିନ ବଦଳରେ ଜେଲ୍‌ରୁ ମୁକୁଳିଛନ୍ତି ଅର୍ଚ୍ଚନା । ୨ ଲକ୍ଷ ଟଙ୍କାର ୨ ଜଣ ଜାମିନଦାରଙ୍କ ବଦଳରେ ସେ ଜାମିନ ପାଇଛନ୍ତି । ତେବେ ସାକ୍ଷୀଙ୍କୁ ପ୍ରଭାବିତ ନକରିବା, ପ୍ରମାଣ ନଷ୍ଟ ନକରିବା ଏବଂ ପ୍ରତ୍ୟେକ ତାରିଖରେ କୋର୍ଟରେ ହାଜିରା ଦେବା ଲାଗି ସର୍ତ୍ତ ରଖିଛନ୍ତି ମାନ୍ୟବର ହାଇକୋର୍ଟ । ତେବେ ଏହି ହତ୍ୟା ଧମକ ପଛରେ କଣ ରହିଛି କାରଣ । କିଏ ଦେଲା ଏଭଳି ଧମକ । ଦେଖିବାକି ରହିଲା, ଏ ଧମକ ପଛରେ କାହାର ରହିଛି ହାତ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV