ପାହାଳ ଭୀମପୁରରେ ଚାଞ୍ଚଲ୍ୟ... ଘରୁ ଡାକି ନେଇ ଦୁଇ ବାଲି ମାଫିଆ ନିର୍ମମ ଭାବରେ ହତ୍ୟା କରିଥିବା ସଂଗିନ ଅଭିଯୋଗ ଆଣିଛନ୍ତି ପରିବାର । ସେପଟେ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ପାଇଁ ସେମାନ ପ୍ରତିବାଦ କରିଥିଲେ । ଏହି ଘଟଣାରେ ଦୁଇ ଜଣଙ୍କୁ ଅଟକ ରଖି ପୋଲିସ ପଚରା ଉଚରା କରୁଛି ।

ହତ୍ୟାକାଣ୍ଡ ଘଟଣାରେ ନ୍ୟାୟ ପାଇଁ ଜୋରଦାର ଆନ୍ଦୋଳନ । ମୃତ ଦେହ କୁ ରାସ୍ତା ଉପରେ ରଖି ପ୍ରତିବାଦ । ଭୁବନେଶ୍ୱର ପାହାଳ ଥାନା ଭୀମପୁର କେନାଲ ପଠାରେ ପ୍ରଭାତ ବେହେରାଙ୍କ ମୃତ ଦେହ ଉଦ୍ଧାର ପରେ ଚାଞ୍ଚଲ୍ୟ ଖେଳିଯାଇଛି । ଅନନ୍ତପୁର ଗ୍ରାମର ପ୍ରଭାତ ବେହେରାଙ୍କ ହତ୍ୟାର କାରଣ ଅସ୍ପଷ୍ଟ ଥିବା ବେଳେ ମୁଣ୍ଡ ଓ ମୁହଁରେ ଏକାଧିକ ଜାଗାରେ ଗଭୀର କ୍ଷତ ଚିହ୍ନ ରହିଛି । ତାଙ୍କୁ ଅତି ନୃଶଂସ ଭାବରେ ପିଟି ପିଟି କରାଯାଇଥିବା ସନ୍ଦେହ କରାଯାଉଛି । ତେବେ ମୃତଦେହ ପାଖରେ ଏକ ପ୍ଲାଷ୍ଟିକ ପାଇପ ଓ ଭଙ୍ଗା ମଦ ବୋତଲ ବି ଜବତ କରିଛି ପୋଲିସ । ତେବେ ହତ୍ୟାର କିଛି ଘଣ୍ଟା ଭିତରେ ସଂଗିନ ଅଭିଯୋଗ ଆଣିଛନ୍ତି ପ୍ରଭାତଙ୍କ ପରିବାର । ଘରୁ ଡାକି ନେଇ ତାଙ୍କ ମାଲିକ ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି ।

ଏଥିସହ ପଢ଼ନ୍ତୁ: ଉପବାଚସ୍ପତିଙ୍କ ନକଲି ଦସ୍ତଖତରେ ବଦଳି ଷଡ଼ଯନ୍ତ୍ରରେ ଆକ୍ସନ୍,ସହକାରୀ ଯନ୍ତ୍ରୀ ଲକ୍ଷ୍ମଣ ହେମ୍ବ୍ରମଙ୍କୁ ଉଠାଇନେଲା ପୋଲିସ, ମୋନାଲିସା ଫେରାର

ପ୍ରଭାତ ବେହେରା ହତ୍ୟା ଘଟଣା ରେ ସାମନାକୁ ଆସିଲା ଅଭିଯୁକ୍ତ ମାନଙ୍କର ଫଟୋ I ଖଣ୍ଡା ଭୁଜାଲି ଧରି ଦୁଇ ଭାଇ କରୁଥିଲେ ରାଜୁତି । ରାତିରେ ଚୋରା ବାଲି ଚାଲାଣ କରୁଥିଲେ । ଯାହାଙ୍କ ପାଖରେ କାମ କରୁଥିଲା ମୃତ ପ୍ରଭାତ ବେହେରା । କାମ ଛାଡିବା ପାଇଁ ଧମକ ତାପରେ ଝଗଡ଼ା କାଳ ହେଲା ବୋଲି କୁହାଯାଉଛି ।

ମୁଖ୍ୟ ଅଭିଯୁକ୍ତ କୁହାଯାଉଥିବା ବାଲି ମାଫିଆ ଦେବାଶିଷ ପାତ୍ର ଓ ତାର ଭାଇ ପ୍ରୀତୀଶ ପାତ୍ରକୁ ଅଟକ ରଖି ଅଧିକ ପଚରା ଉଚରା କରଯାଉଛି । ଦୀର୍ଘ ବର୍ଷ ଧରି ଦେବାଶିଷ ପାତ୍ର ଓ ତାର ଭାଇ ପ୍ରୀତୀଶ ପାତ୍ର ପାଖରେ ରହି କାମ କରୁଥିଲା ପ୍ରଭାତ । ବାଲି ଉଠାଇବା ସହିତ ସମସ୍ତ ଗାଡି ମାନଙ୍କର ସବୁ କିଛି ଦାୟିତ୍ୱ ବୁଝା ବୁଝି କରୁଥିଲା ପ୍ରଭାତ I ପ୍ରଭାତ ହତ୍ୟାକାଣ୍ଡରେ ଆଉ କାହାର ସଂପୃକ୍ତି ଅଛି କି ନାହିଁ ସେ ନେଇ ପୋଲିସ ଛାନଭିନ୍ କରୁଛି ।