ଅର୍ଗସ ବ୍ୟୁରୋ: ପାଣ୍ଡିଆନଙ୍କୁ ପୋଲିସ ସୁରକ୍ଷାର ଆରଟିଆଇ ତଥ୍ୟକୁ ଥମୁନି ବିବାଦ । ପ୍ରଥମ ଆରଟିଆଇ ରିପୋର୍ଟ । ଯେଉଁଥିରେ ପାଣ୍ଡିଆନଙ୍କୁ ୭୪ ପୋଲିସ ଜଗିଥିବା ତଥ୍ୟ ଉଲ୍ଲେଖ ରହିଛି । ଏ ତଥ୍ୟକୁ ମାର୍ଚ୍ଚ 29 ତାରିଖରେ ସୁଚନା ଅଧିକାରୀ ସାମ୍ବାଦିକ ସମ୍ମିଳନୀ କରି ଗଣମାଧ୍ୟମକୁ ଦେଇଥିଲେ । ଆଉ ଏହାକୁ ଏବେ ଫେକ୍ ବୋଲି କହୁଛି ପୋଲିସ ।

ଏପ୍ରିଲ ୧ ରେ ପୋଲିସ ଦେଇଥିବା ଏ ଆରଟିଆଇ ତଥ୍ୟରେ ଉଲ୍ଲେଖ ଅଛି । ଆରଟିଆଇ ଆକ୍ଟ ସେକ୍ସନ 8 (1) (g) ଅନୁସାରେ ପାଣ୍ଡିଆନଙ୍କ ସୁରକ୍ଷା ତଥ୍ୟ ଦେଇ ହେବ ନାହିଁ । ତେବେ ପ୍ରଶ୍ନ ମୁଖ୍ୟମନ୍ତ୍ରୀଙ୍କ ସୁରକ୍ଷାଠୁ ପାଣ୍ଡିଆନଙ୍କ ସୁରକ୍ଷା ଅଧିକ ସମ୍ବେଦନଶୀଳ । ଏ ନେଇ ସୋସିଆଲ ମେଡିଆରେ ପୋଷ୍ଟ କରି ସରକାରଙ୍କୁ ପ୍ରଶ୍ନ ପଚାରିଛନ୍ତି ବରିଷ୍ଠ ସାମ୍ବାଦିକ ରୁବେନ ବାନାର୍ଜୀ। ଏପଟେ ବିରୋଧୀ ସରକାର ପ୍ରଶ୍ନ କରିଛନ୍ତି ପାଣ୍ଡିଆନଙ୍କ ସୁରକ୍ଷା କଣ ମୁଖ୍ୟମନ୍ତ୍ରୀଙ୍କ ସୁରକ୍ଷା ଠାରୁ ବଡ ।

ମୁଖ୍ୟମନ୍ତ୍ରୀଙ୍କୁ କେତେ ସୁରକ୍ଷା କର୍ମୀ ଦିଆଯାଇଛି ତାର ଆରିଟିଆଇ ତଥ୍ୟ 2023 ଏପ୍ରିଲ 15ରେ ଦେଇଥିଲା କମିଶନରେଟ ପୋଲିସ । ଦେଖନ୍ତୁୁ ମୁଖ୍ୟମନ୍ତ୍ରୀଙ୍କ ସୁରକ୍ଷାର ତଥ୍ୟକୁ । ତେବେ ପ୍ରଶ୍ନ ଯଦି ମୁଖ୍ୟମନ୍ତ୍ରୀଙ୍କ ସୁରକ୍ଷା ତଥ୍ୟ ପୋଲିସ ଦେଇପାରିଲା କାହିଁଁକି ଏବେ ପାଣ୍ଡିଆନଙ୍କ ତଥ୍ୟ ଦେଇହେବନି ବୋଲି କହୁଛି । ପାଣ୍ଡିଆନଙ୍କ ସୁରକ୍ଷା ତଥ୍ୟ କୁ ଜାଣି ଶୁଣି ଲୁଚାଉଛି କି ପୋଲିସ ।

ଏବେ ପ୍ରଶ୍ନ ଯଦି ୭୪ ସୁରକ୍ଷାକର୍ମୀ ଜଗିଥିବା ଆରଟିଆଇ ରିପୋର୍ଟ ଭୁଲ ତେବେ ଠିକ କଣ ? ମୁଖ୍ୟମନ୍ତ୍ରୀଙ୍କ ସୁରକ୍ଷା ତଥ୍ୟ ମିଳୁଥିବା ବେଳେ କହିଁକି ମିଳୁନି ପାଣ୍ଡିଆନଙ୍କ ସୁରକ୍ଷ ତଥ୍ୟ ? ସୂଚନା ଅଧିକାର କର୍ମୀ ଦେଖାଇଥିବା ରିପୋର୍ଟ ର ଫରେନସିକ ଯାଞ୍ଚ କରିବ କି ପୋଲିସ ?

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV