ଅର୍ଗସ ବ୍ୟୁରୋ:  ଦୀର୍ଘ ୫ ଘଣ୍ଟା ଧରି ବିଦ୍ୟାଳୟରେ ତାଲା ପକାଇ ଶିକ୍ଷକ ଶିକ୍ଷୟିତ୍ରୀକୁ ଅଟକ ରଖିଲେ ଅଭିଭାବକ । ଏଭଳି ଘଟଣା ଦେଖିବାକୁ ମିଳିଥିଲା ବାସୁଦେବପୁର ବ୍ଲକ ପଢ଼ୁଆଁ ସରକାରୀ ହରିଜନ ପ୍ରାଥମିକ ବିଦ୍ୟାଳୟରେ । ତେବେ ଗତକାଲି ଅପରାହ୍ନରେ ବିଦ୍ୟାଳୟ ପରିସରରେ PTA କମିଟି ବୈଠକ ବସିଥିଲା । ତେବେ ଏହି କମିଟିରେ ପ୍ରଧାନ ଶିକ୍ଷକ କିଛି ଅଭିଭାବକଙ୍କୁ ନଜଣାଇ କମିଟିର ସଦସ୍ୟ ବାଛି ଥିବା ନେଇ ଆଉ କିଛି ଅଭିଭାବକ ଅଭିଯୋଗ କରିଥିଲେ ।

ତେବେ ତାଙ୍କୁ ବିଦ୍ୟାଳୟ ଭିତରକୁ ପ୍ରଧାନ ଶିକ୍ଷକ ଛାଡିନଥିଲେ । ଫଳରେ ବାଧ୍ୟହେଇ କିଛି ଅଭିଭାବକ ବିଦ୍ୟାଳୟର ବାହାର ପଟରୁ ମୁଖ୍ୟ ଗେଟ ରେ ତାଲା ପକାଇ ଦେଇଥିଲେ।  ବିଳମ୍ବିତ ରାତି ପର୍ଯ୍ୟନ୍ତ ବିଦ୍ୟାଳୟ ଭିତରେ ପ୍ରଧାନ ଶିକ୍ଷକଙ୍କ ସମେତ ଶିକ୍ଷକ ଶିକ୍ଷୟତ୍ରୀ ଅଟକ ରହିଥିଲେ । ଘଟଣା ସ୍ଥଳରେ ଉତେଜନା ଲାଗି ରହିଥିଲା । ଖବର ପାଇ ବାସୁଦେବପୁର ପୋଲିସ ଓ ଏବିଓ ପହଂଚି ଅଭିଭାବକଙ୍କୁ ବୁଝାସୁଝା କରିବା ପରେ ବିଦ୍ୟାଳୟର ଗେଟ ଫିଟିଥିଲା ।

ଅଧିକ ପଢ଼ନ୍ତୁ ଓଡିଶା ଖବର: