ଅର୍ଗସ ବ୍ୟୁରୋ:  କିଭଳି ଜୀବନକୁ ବାଜି ଲଗାଇ ନାଳ ପାର ହେଉଛନ୍ତି ଲୋକେ । ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ ସଦରମହକୁମାଠାରୁ ମାତ୍ର ୩ କିମି ଦୂରରେ ଥିବା ଘୋଡାଡିଆଁ ଗାଁରେ ଲକ୍ଷ୍ମୀନାଳ ସାଜିଛି କାଳ । ଗାଁରେ ଅନେକ ଦିନ ହେବ ଏକ ପୋଲ ସହ ସ୍କୁଲ ଓ ଅଙ୍ଗନୱାଡି କେନ୍ଦ୍ର ନିର୍ମାଣ ଦାବି ହୋଇ ଆସୁଥିଲେ ମଧ୍ୟ ସବୁ କେବଳ ପ୍ରତିଶୃତିରେ ସିମିତି ରହିଛି । ବ୍ଲକ କାର୍ଯ୍ୟାଳୟ ଠାରୁ ମାତ୍ର ୩ କିମି ଦୂରରେ ଥିଲେ ମଧ୍ୟ ଘୋଡାଡିଆଁ ଗାଁ ଉପରେ କୌଣସି ଅଧିକାରୀଙ୍କ ନଜର ପଡୁନଥିବା ଅଭିଯୋଗ ହୋଇଛି । ଖରା ଓ ଶୀତ ଦିନେ କଷ୍ଟେ ମଷ୍ଟେ ଲୋକେ ନାଳ ପାର ହେଉଥିବାବେଳେ ବର୍ଷା ଦିନ କଥା ନକହିଲେ ଭଲ ।

ଗାଁରେ ୩୦ ରୁ ଅଧିକ ପରିବାର ବସବାସ କରୁଛନ୍ତି ।  ବ୍ଲକ ପ୍ରଶାସନ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ପର୍ଯ୍ୟନ୍ତ କେହି ବି ସମସ୍ୟା ସମାଧାନ ଉପରେ ଗୁରୁତ୍ବ ଦେଉନଥିବା ଅଭିଯୋଗ ହୋଇଛି । କେବଳ ନାଳ କାହିଁକି ବିଭିନ୍ନ ମୌଳିକ ସୁବିଧାରୁ ବଞ୍ଚିତ ଅଛନ୍ତି ଘୋଡାଡିଆଁ ଗାଁ ଲୋକେ । ସେପଟେ ନାଳ ଉପରେ ପୋଲ ନିର୍ମାଣ କାମ ଆରମ୍ଭ କରିବାକୁ ପ୍ରତିଶ୍ରୁତି ଦେଇଛନ୍ତି ହରଭଙ୍ଗା ବ୍ଲକ ଉନ୍ନୟନ ଅଧିକାରୀ । 24 ବର୍ଷର ବିଜେଡି ସରକାର ଘୋଡାଡିଆଁ ଗାଁ ଲୋକଙ୍କ ସମସ୍ୟା ସମାଧାନ କରିପାରିଲାନାହିଁ । ଏବେ ନୂଆ ସରକାରରେ ଖୁବଶୀଘ୍ର ନାଳ ଉପରେ ପୋଲ ବନ୍ଧାଯିବ ବୋଲି ଆଶା ବାନ୍ଧିଛନ୍ତି ଘୋଡାଡିଆଁ ଗାଁଲୋକେ ।

ଅଧିକ ପଢ଼ନ୍ତୁ ଓଡିଶା ଖବର: