ଅର୍ଗସ ବ୍ୟୁରୋ:  ଛାତିଏ ପାଣିରେ ଗଲା ଶତାୟୁ ଶବ । କେନାଲ ଭିତରେ ଶବ ବୋହିଲେ ଲୋକେ । ଏଭଳି ଦୃଶ୍ୟ ଦେଖିବାକୁ ମିଳିଛି,   କଟକ ଜିଲ୍ଲା ନିଆଳି ବ୍ଲକ କୃଷ୍ଣପ୍ରସାଦ ପଞ୍ଚାୟତ ନୂଆ ବେତେଣ୍ଡା ଗାଁରେ । ଗାଁର ଜଣେ ଶତାୟୁ ମହିଳାଙ୍କ ମୃତ୍ୟୁ ଘଟିଥିବା ବେଳେ ଲୋକେ କୋକେଇ କାନ୍ଧେଇ ଛାତିଏ ପାଣିରେ ପଶି ଅତିକ୍ରମ ସଂସ୍କାର କରିବାକୁ ନେଇଛନ୍ତି । ଏହି ଅଞ୍ଚଳରେ କାକଟପୁର ବ୍ରାଞ୍ଚ କେନାଲ ଉପରେ ବ୍ରିଜ୍ ନଥିବା ହେତୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ ।  ଦୀର୍ଘ ଦିନ ଧରି ଦାବି ହୋଇ ଆସୁଥିଲେ ମଧ୍ୟ ସମସ୍ୟା ହୋଇପାରୁନି ସମାଧାନ ।

ରାସ୍ତା କି ପୋଲ ନଥିବା ହେତୁ ପାଣି ଭିତରେ ପଶି ଲୋକେ ଯିବା ଆସିବା କରୁଛନ୍ତି । ହେଲେ କେନାଲ ଭିତରେ ଶବ ବୋହିବା ଘଟଣା ବିଜେଡି ସରକାରର ମିଛ ବିକାଶର ପୋଲ୍ ଖୋଲି ଦେଇଛି । ଆଗାମୀ ଦିନରେ ସମସ୍ୟାର ସମାଧାନ କରାନଗଲେ ନିର୍ବାଚନରେ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି ଲୋକେ ।

ଅଧିକ ପଢ଼ନ୍ତୁ ଓଡ଼ିଶା ଖବର: