ଅର୍ଗସ ବ୍ୟୁରୋ: ଗାଁରେ ନାହିଁ ସ୍କୁଲ । ପୋଲ ନଥିବାରୁ ଭରା ନାଳ ପାର କରି ପଡୋଶୀ ଗାଁକୁ ଯାଉଛନ୍ତି ଛାତ୍ରଛାତ୍ରୀ । ନାଳ ଓ ଦୁର୍ଗମ ଜଙ୍ଗଲିଆ ରାସ୍ତା ଅତିକ୍ରମ କରି ଗାଁକୁ ପ୍ରତିଦିନ ଯାତାୟତ କରୁଛନ୍ତି ଲୋକେ । ନାଳ ଉପରେ ପୋଲ ଖଣ୍ଡିଏ ନିର୍ମାଣ କରିବାକୁ ଗ୍ରାମବାସୀ ଦୀର୍ଘ ବର୍ଷ ହେଲା ପ୍ରଶାସନ ନିକଟରେ ହାରିଗୁହାରି କରି ଆସୁଥିଲେ ସୁଦ୍ଧା, ଏପର୍ଯ୍ୟନ୍ତ ସମସ୍ୟାର ସମାଧାନ ହୋଇପାରୁନାହିଁ । ପ୍ରାଶାସନିକ ଉଦାସୀନତାର ଏଭଳି ନଗ୍ନଚିତ୍ର ଦେଖିବାକୁ ମିଳିଛି ବୌଦ୍ଧ ଶଗଡା ପଂଚାୟତର ମୁଦିପଡ଼ାରେ।

ମୁଦିପଡ଼ା ଠାରୁ ମାଳତୀ ଗୋଛାପଡା ଗାଁକୁ ସଂଯୋଗ କରୁଛି କେରଣ୍ଡୀ ନାଳ। ଏହି କେରଣ୍ଡୀ ନାଳ ଉପରେ ଚାରିଖଣ୍ଡ ଗାଁ ଲୋକେ ନିର୍ଭର କରନ୍ତି l ମାତ୍ର ଯାତାୟତ ପାଇଁ ଏହି ନାଳ ସମସ୍ୟା ଶୃଷ୍ଟି କରୁଛି। ଏହି ନାଳ ପାଇଁ ସିଗାଡି ,ଗୁଚ୍ଛlପଡ଼ା,ମାଳତୀ ଗୁଚ୍ଛାପଡା,ବାତେପଙ୍ଗl, କୁଆକୁମୁମୁଣ୍ଡା,ଆଦି ପ୍ରାୟ 4 ଖଣ୍ଡ ଗାଁ ଲୋକ ବର୍ଷ ବର୍ଷ ଧରି ବହୁ ଅସୁବିଧାର ସମ୍ମୁଖୀନ ହେଉଛନ୍ତି I ଏହି ଅଞ୍ଚଳର ଛାତ୍ରଛାତ୍ରୀ ପାଠ ପଢିବା ପାଇଁ ପଞ୍ଚାୟତ ସ୍କୁଲକୁ ଯାଆନ୍ତି। ଏହି ସ୍କୁଲ ଯିବା ପାଇଁ ଏହା ହିଁ ଏକମାତ୍ର ରାସ୍ତା l ଟିକେ ଅଧିକ ବର୍ଷା ହେଲେ ନାଳରେ ଯାଇ ହୁଏ ନାହିଁ l ଅନେକ ସମୟରେ ଗୋଡ଼ ଖସିଯିବା ସହ ବହିପତ୍ର ଭିଜିଯାଏ l ଫଳରେ ବର୍ଷା ଚାରି ମାସ ଗୋଟିଏ ପ୍ରକାର ଜଳ ବନ୍ଦୀ ଜୀବନ ଅତିବାହିତ କରନ୍ତି ୪ ଖଣ୍ଡ ଗ୍ରାମବାସୀ l

ଖାଲି ବ୍ରିଜ କାହିଁକି ଗାଁକୁ ଯିବା ଆସିବା ପାଇଁ ଭଲ ରାସ୍ତାଟିଏ ମଧ୍ୟ ନାହିଁ। ବର୍ଷା ହେଲେ ଗାଁ ମାନଙ୍କ ଲୋକଙ୍କ ସମସ୍ୟା ଦ୍ଵିଗୁଣିତ ହୋଇ ଯାଏ | ଗାଡ଼ି ମୋଟର ତ ଦୂରର କଥା ଖାଲି ପାଦରେ ଚାଲି ଯିବା ମଧ୍ୟ କଷ୍ଟକର ହୋଇ ପଡେ। ଦୀର୍ଘ ବର୍ଷ ହେବ ଗ୍ରାମବାସୀ ମାନେ ସବୁବେଳେ ଏହି ରାସ୍ତା ପାଇଁ ସଂଘର୍ଷ କରୁଛନ୍ତି | ଲୋକଙ୍କ ଯାତାୟତକୁ ଦୃଷ୍ଟିରେ ରଖି ଖୁଵ ଶୀଘ୍ର ରାସ୍ତା ସହ ଏହି ନାଳରେ ଏକ ପୋଲ ନିର୍ମାଣ ସହ ପକ୍କା ରାସ୍ତା କରାଗଲେ ଲୋକ ମାନେ ସୁବିଧାରେ ଯିବା ଆସିବା କରି ପାରିବେ l

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV