ଅର୍ଗସ ବ୍ୟୁରୋ: ୪୯ ନମ୍ବର ଜାତୀୟ ରାଜପଥ ରେ ପେଟ୍ରୋଲିଙ୍ଗ ବେଳେ ତିନି ଗୋରୁ ବୋଝେଇ ପିକଅପ ଭ୍ୟାନ ସହ ଏକ ବୋଲେରୋ ଗାଡି କୁ ଗୋଡାଇ ଗୋଡାଇ ତେଲକୋଇ ପୁଲିସ ଧରିଛି।ବୋଲେରୋ ଗାଡିରେ ଥିବା ୪ ଗୋମାଫିଆ ଙ୍କୁ ମଧ୍ୟ ଗିରଫ କରିଛି ପୋଲିସ। ଗୋରୁ ଗୁଡିକୁ ଅମାନୁଷିକ ଭାବେ ଚାରି ଗୋଡକୁ ଏକାଠି ବାନ୍ଧି ଆଳୁ ବସ୍ତା ଭଳି ଲଦି ଗୋ ମାଫିଆ ମାନେ ନେଉଛନ୍ତି।

ଗତକାଲି ବିଳମ୍ବିତ ରାତିରେ ବଜରଙ୍ଗ ଦଳର କର୍ମୀ ଓ ପୁଲିସ ଜଗମୋହନପୁର ଛକରେ ଗୋରୁ ବୋଝେଇ ପିକଅପ ଗୁଡିକୁ ଅଟକାଇବାକୁ ଚେଷ୍ଟା କରିଥିଲେ।ହେଲେ ମାଫିଆ ମାନେ ଅଟକି ନଥିଲେ।ଫଳରେ ପୁଲିସ ଓ ବଜରଙ୍ଗ କର୍ମୀ ମାଫିଆଙ୍କୁ ଗୋଡାଇ ଥିଲେ। ବାରହାଦେବତା ଘାଟି ନିକଟରୁ ପିକଅପ ଭ୍ୟାନ ସହିତ ବୋଲେରୋକୁ ଧରି ଥାନାକୁ ଆଣିଥିଲେ ଏବଂ ତିନି ବୋଲେରୋରୁ ୨୨ ଟି ଗୋରୁ ଉଦ୍ଧାର କରାଯାଇଛି। ଆଉ କିଛି ଗୋରୁ ବୋଝେଇ ଗାଡି ଖସିଯାଇଥିବା ସୂଚନା ରହିଛି।

ଅଧିକ ପଢ଼ନ୍ତୁ ଓଡ଼ିଶା ଖବର