ବହୁ ଚର୍ଚିତ ପିହୁ ନିଖୋଜ ଘଟଣା । ପିହୁର ମା'କୁ ଫୋନ କଲରେ ଆସୁଛି ହତ୍ୟା ଧମକ । ଯାହାକୁ ନେଇ ବିଞ୍ଝାରପୁର ଥାନାରେ ଲିଖିତ ଅଭିଯୋଗ କରିଛନ୍ତି ପିହୁର ମା' ମୋନାଲିସା ନାୟକ । ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ମଧୁସୁଦନପୁର ଗ୍ରାମର କୁନି ଝିଅ ପିହୁ ଗାଁ ଦାଣ୍ଡରେ ଖେଳୁଥିବା ବେଳେ ନିଖୋଜ ହୋଇଯାଇଥିଲା ଯାହାକୁ ନେଇ ମା' ମୋନାଲିସା ନାୟକ ଆଜି ପର୍ଯ୍ୟନ୍ତ ଝିଅର ସନ୍ଧାନ ନିମନ୍ତେ ସରକାରଙ୍କ ନିକଟରେ ଦାବି କରିଆସୁଛନ୍ତି ।

କିନ୍ତୁ ଗତ 2 ମାସ ହେବ ତାଙ୍କ ମୋବାଇଲ ନମ୍ବରକୁ ଦୁଇ ତିନୋଟି ଭିନ୍ନ ଭିନ୍ନ ନମ୍ବରରୁ ଫୋନ ଆସୁଥିବା ବେଳେ ସେମାନେ ଅସଭ୍ୟ ଭାଷାରେ ଗଳିଗୁଲଜ କରିବା ସହ ତାଙ୍କୁ ଜୀବନରୁ ମାରିଦେବାକୁ ଧମକ ଦେଉଛନ୍ତି । ଯାହାକୁ ନେଇ ଗତ 4 ତାରିଖ ଦିନ ମୋନାଲିସା ନାୟକ ବିଞ୍ଝାରପୁର ଥାନାରେ ଲିଖିତ ଅଭିଯୋଗ କରିଛନ୍ତି । ଅନ୍ୟପଟେ ବିଞ୍ଝାରପୁର ପୋଲିସ ଅଭିଯୋଗ ଆଧାରରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ପିହୁ ମା’ଙ୍କୁ କିଏ ଦେଉଛି ହତ୍ୟା ଧମକ ? କାହିଁକି ପିହୁ ମା’ଙ୍କୁ ମାରିଦେବାକୁ କିଏ ଚାହୁଁଛି ? ଏହା ପଛରେ କଣ ରହିଛି କି କିଛି ଷଡ଼ଯନ୍ତ୍ର ? ଏସବୁ ପ୍ରଶ୍ନ ଭିତରେ ତଦନ୍ତ ଆରମ୍ଭ କରିଛି ବିଞ୍ଝାରପୁର ଥାନା ପୋଲିସ ।

ଏଥିସହ ପଢ଼ନ୍ତୁ: ହସିନା ଯେତେ ଦିନ ଚାହିଁବେ ଭାରତରେ ରହିପାରିବେ: ଜୟଶଙ୍କର

ରାଜଧାନୀ ହାଇ ସିକ୍ୟୁରିଟି ଜୋନ ଭିତରୁ ଦୃଷ୍ଟି ବାଧିତ ମାଆ କୋଳରୁ ଅପହୃତ ହୋଇଥିବା ଦୁଇ ବର୍ଷର ଶିଶୁ ପୁତ୍ରକୁ ଖୋଜି ବାହାର କରିବା ପୋଲିସ ପାଇଁ ଥିଲା ବଡ଼ ଚ୍ୟାଲେଞ୍ଜ । ଥାନାରେ ଅଭିଯୋଗ ପରେ ସଙ୍ଗେ ସଙ୍ଗେ ଆକ୍ସନମୋଡକୁ ଆସିଥିଲା ପୋଲିସ । ନିଜେ ମୁଖ୍ୟମନ୍ତ୍ରୀ ଓ ସିଏମଓ ଅଫିସ ମଧ୍ୟ ଘଟଣାକୁ ବେଶ ଗୁରୁତର ସହ ନେଇଥିଲେ ।ଏବେ ବି ପିହୁ ଭଳି ଅନେକ ପିଲାଙ୍କର ମିଳୁନି ପତ୍ତା । ସେହିପରି ପରୀ ନିଖୋଜ ହେବାର କିଛି ଦିନ ପରେ ତାର ମୃତଦେହ ଠାବ ହୋଇଥିଲା ।

ସେତେବେଳେ ତତ୍ପରତା ପ୍ରକାଶ କରୁନଥିଲା ପୋଲିସ । ଏପରିକି ଏଫଆଇଆର ମଧ୍ୟ ରଖୁନଥିଲା ପୋଲିସ । ୨୦୨୦-୨୪ ମଧ୍ୟରେ ଶିଶୁ ନିଖୋଜର ବିଧାନସଭା ତଥ୍ୟ କହୁଛି ୪ ବର୍ଷରେ ୮ହଜାର ୪୦୩ ଜଣ ଶିଶୁ ନିଖୋଜ ହୋଇଛନ୍ତି । ୪ ବର୍ଷରେ ମାତ୍ର ୧୮ ଶହ ୫୭ ଶିଶୁଙ୍କୁ ଉଦ୍ଧାର କରାଯାଇଛି । ୬ ହଜାର ୫୦୦ରୁ ଅଧିକ ଶିଶୁଙ୍କର ମିଳୁନି ପତ୍ତା । ୬ ହଜାର ୫୦୦ ଶିଶୁ ଏବେ ବି ନିଖୋଜ । ଏବେ ବିଜେପି ସରକାର କ୍ଷମତାକୁ ଆସିବା ପରେ ତତ୍ପର ହୋଇଛି ପୋଲିସ । ଦିନ ରାତି ଏକ କରି ଶିଶୁପୁତ୍ରରୁ ଖୋଜି ପାଇଛି ପୋଲିସ ।

ଅଧିକ ପଢ଼ନ୍ତୁ ଓଡ଼ିଶା ଖବର: