୫୦ ଜଣଙ୍କୁ ପଚରା ଉଚରା ଓ ୬୦ ସିସିଟିଭି ଯାଞ୍ଚ ପରେ ପୋଲିସ ହାତରେ ଲାଗିଥିବା ସୁରାକୁ ନେଇ ବଢୁଛି ପୀତବାସ ହତ୍ୟା ତଦନ୍ତ । ତେବେ ୬ ଦିନ ପରେ ବି ଅପରାଧୀ କିଏ ସ୍ପଷ୍ଟ କରିନି ପୋଲିସ । କେଉଁ କାରଣରୁ ପୀତବାସଙ୍କୁ କିଏ ମାରିଲା ଗୁଳି, ତା ଉପରୁ ହଟିନି ପରଦା । ଏହା ଭିତରେ କିଛି ପେସାଦାର ସୁପାରି କିଲରଙ୍କ ପୁରଣା ଫାଇଲ ଓଲଟାଇଛି ପୋଲିସ ।

ସୁଚନା ଅନୁସାରେ ପେସାଦାର ଅପରାଧି ଏହି ହତ୍ୟାକାଣ୍ଡରେ ସାମିଲ ଥିବାରୁ ଗଞ୍ଜାମର କିଛି ସୁପାରି କିଲରଙ୍କ କୁଣ୍ଡଳୀକୁ ଘାଣ୍ଟୁଛି ପୋଲିସ । ବିଗତ ୨୫ ବର୍ଷ ଭିତରେ ହୋଇଥିବା ହାଇପ୍ରୋଫାଇଲ ମର୍ଡରର ଫାଇଲକୁ ତନ୍ନ ତନ୍ନ କରି ଯାଞ୍ଚକରୁଛି ପୋଲିସ । କେଉଁ ପେସାଦର ଅପରାଧୀ ଜେଲରେ ଅଛନ୍ତି, କିଏ ବାହାରେ ବୁଲିଛି, କାହା ପାଖରେ କଣ ମାରଣାସ୍ତ୍ର ଅଛି ତାର ବି ତାଲିକା କରୁଛି ପୋଲିସ ।

ଏହା ସହ ପଢ଼ନ୍ତୁ:- ୪ ଦିନ ବର୍ଷିବ ! ତାପରେ ଶୀତ ଆସିବ...

ଏହା ଭିତରେ ପୀତାବାସଙ୍କ ଜଣେ ସହଯୋଗୀ କରିଛନ୍ତି ଆଉ ଏକ ଖୁଲାସା । ୭-୮ ବର୍ଷ ତଳେ ପୀତବାସଙ୍କ ଉପରେ ମରଣାନ୍ତକ ଆକ୍ରମଣ ହୋଇଥିବା ଖବର ଅଛି ବୋଲି କହିଛନ୍ତି ତାଙ୍କ ସହଯୋଗୀ ଆଇନଜୀବୀ ଅସିତ ଶତପଥୀ । ଅସିତ ଏକଥା ବି କହିଛନ୍ତି ମଝିରେ ମଝିରେ ତାଙ୍କୁ ଧମକ ପୂର୍ଣ କଲ ଆସୁଥିଲା ବୋଲି ସେ ଶୁଣିଛନ୍ତି । ତେବେ କିଏ ଓ କାହିଁକି ଧମକ ଦେଉଥିଲା ପୋଲିସ ତାର ମୁଳ ପର୍ଯ୍ୟନ୍ତ ଗଲେ ହତ୍ୟାର କାରଣ ଜଣାପଡ଼ିବ ବୋଲି କହିଛନ୍ତି ତାଙ୍କ ସହଯୋଗୀ ।

ଏହା ସହ ପଢ଼ନ୍ତୁ:- ବାଇକରେ ଯାଉଥିବା ବେଳେ ଟାର୍ଗେଟ କରି ଦଳିଦେଲା ହାତୀ

ଏହା ଭିତରେ ପୀତବାସଙ୍କ ପୋଷ୍ଟମଷ୍ଟମ ରିପୋର୍ଟ ବି ପୋଲିସର ହସ୍ତଗତ ହୋଇଛି । ରିପୋର୍ଟ ରେ ପ୍ରଚୁର ରକ୍ତ ସ୍ରାବ ଯୋଗୁ ପୀତବାସଙ୍କର ମୃତ୍ୟ ହୋଇଥିବା କୁହାଯାଇଛି । ଘଟଣା ୬ ଦିନ ଭିତରେ ପୋଲିସ ସନ୍ଦେହରେ ଥିବା କିଛି ଅପରାଧୀଙ୍କୁ ଜେରା କରିଥିବା ବେଳେ କିଛି ଲୋକଙ୍କୁ ଏବେ ବି ଅଟକ ରଖି ପଚରା ଉଚରା କରୁଛି ।