Argus News - ପୀତବାସ ହତ୍ୟା ମାମଲାରେ ନୂଆ ଟ୍ବିଷ୍ଟ, ହତ୍ୟାକାଣ୍ଡ ପଛରେ ଅଶ୍ଳୀଳ ଫଟୋ

ବ୍ରହ୍ମପୁରର ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ନୂଆ ଟ୍ବିଷ୍ଟ । ଆଲମିରାର ସିକ୍ରେଟ୍‌ ଚାମ୍ବରରୁ ମହିଳାଙ୍କ ସହ ବିକ୍ରମ ପଣ୍ଡାଙ୍କ ମିଳିଥିଲା ଆପତ୍ତିଜନକ ଫଟୋ । ପୋଲିସକୁ ପୀତବାସଙ୍କ ପତ୍ନୀ ଦେଇଥିବା ବୟାନକୁ ନେଇ ହଇଚଇ ସୃଷ୍ଟି ହୋଇଛି । ପରିବାର ଲୋକଙ୍କ ଅଭିଯୋଗ, ଫଟୋ ଓ ପେନଡ୍ରାଇଭ ପାଇଁ ହୋଇଛି ମର୍ଡର ।
ପୀତବାସ ପଣ୍ଡା ହତ୍ୟା ଘଟଣାର ଆଉ ଏକ ଚାଞ୍ଚଲ୍ୟକର ଖୁଲାସା । ପୀତବାସଙ୍କ ଘରେ ଥିବା ଆଲମିରାରୁ ମିଳିଲା ବନ୍ଦ ଲଫାଫା । ଆଉ ଲଫାଫା ଭିତରେ ୪ଟି ଫଟୋ । ଏହି ଫଟୋରେ ଅଂସଜତ ଅବସ୍ଥାରେ ମହିଳାଙ୍କ ସହିତ ବିକ୍ରମ ପଣ୍ଡା । ଏହି ଫଟୋ ପୀତବାସ ହତ୍ୟାକାଣ୍ଡର କାରଣ ନୁହେଁ ତ ?

ପୋଲିସ ଦେଇଥିବା ଚାର୍ଜସିଟରେ ପୀତବାସଙ୍କ ପତ୍ନୀ ସୁସ୍ମିତା ପଣ୍ଡା ଯେଉଁ ବୟାନ ରଖିଛନ୍ତି ତାହା ଅତ୍ୟନ୍ତ ସାଂଘାତିକ । ପୀତବାସଙ୍କ ପତ୍ନୀ କହିଛନ୍ତି , ସ୍ବାମୀଙ୍କ ପଇତାରେ ଲାଗିଥିବା ଚାବି ଆଣି ଦେଇଥିଲା ପୋଲିସ । ଚାବିଟି ମୋର ସ୍ଵାମୀଙ୍କର ଆଲମୀରାରେ ଥିବା ସିକ୍ରେଟ ଚାମ୍ବରର ଥିଲା । ସମ୍ପର୍କୀୟଙ୍କ ଉପସ୍ଥିତିରେ ଆଲମିରା ଖୋଲିଥିଲା । ଖୋଲିଥିଲା ସିକ୍ରେଟ ଚାମ୍ବର । ବଡ଼ ଲଫାଫାରେ ୪ଟି ଅପତ୍ତି ଜନକ ଫଟୋ । ଫଟୋରେ ବିକ୍ରମ ପଣ୍ଡା ମହିଳାଙ୍କ ସହ । ସେହିପରି ପେନଡ୍ରାଇଭରେ ମଧ୍ୟ ୪ଟି ରଙ୍ଗିନ ଫଟୋ ରହିଥିଲା ।

ଦୀର୍ଘ ବର୍ଷ ଧରି ପୀତବାସ ଏବଂ ବିକ୍ରମ ଦୁଇ ବନ୍ଧୁ ଥିଲେ । ୨୦୧୯ରୁ ଦୁହେଁ ରାଜନୈତିକ ଦଳ ଭିନ୍ନ କରିବା ସହ ଦୁହିଁଙ୍କ ଭିତରେ ଥିଲା ତୀବ୍ର ହେଲା ଶତ୍ରୁତା ମଧ୍ୟ । ଆରୋପ ଏବଂ ପ୍ରତ୍ୟାରୋପ । ଆଉ ଏହି ଫଟୋ ଦୁହିଁଙ୍କ ଶତ୍ରୁତାକୁ ଅଧିକ ତିକ୍ତ କରିନଥିଲା ତ । ଅନ୍ୟପଟେ କୋର୍ଟଙ୍କ ନିକଟରେ ସେହି ଫୋଟକୁ ଦାଖଲ କରିବାକୁ ବିକ୍ରମଙ୍କ ଓକିଲ ଏକ ପିଟିସନ ଦାଖଲ କରିଛନ୍ତି ।

ବଡ଼ ପ୍ରଶ୍ନ, କିଏ ଏହି ମହିଳା ? ବିକ୍ରମଙ୍କ ସହ ମହିଳାଙ୍କର ସମ୍ପର୍କ କ'ଣ ? ଏହି ଆପତ୍ତିଜନକ ଫୋଟ କେତେବେଳେ ଆଉ କିଏ ଉଠେଇଲା ? ପୀତବାସଙ୍କୁ କିଏ ଦେଇଥିଲା ଫଟୋ ?