Modi Odisha Visit / କାଲି ଓଡ଼ିଶା ଆସିବେ ପ୍ରଧାନମନ୍ତ୍ରୀ ମୋଦି, ଜଟଣୀରେ RBI ଡାଟା ସେଣ୍ଟରର ଉଦ୍‌ଘାଟନ କରିବେ

ଭୁବନେଶ୍ବର,୨୩/୧୦: ଆସନ୍ତା କାଲି ଓଡିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଓଡ଼ିଶାରେ ଆରବିଆଇ ଡାଟା ସେଣ୍ଟର ଉଦଘାଟନ କାର୍ଯ୍ୟକ୍ରମରେ ଯୋଗ ଦେବେ । ୧୭୦ କୋଟି ବ୍ୟୟରେ ଜଟଣୀ ଠାରେ ନିର୍ମାଣ ହୋଇଥିବା ଡାଟା ସେଣ୍ଟରକୁ ଉଦଘାଟନ କରିବେ । ସମସ୍ତ ଭାରତୀୟଙ୍କ ତଥ୍ୟ କିଭଳି ସୁରକ୍ଷିତ ରହିବ ସେଥିପାଇଁ ଓଡ଼ିଶାରେ ଦେଶର ଦ୍ଵିତୀୟ ଡାଟା ସେଣ୍ଟର ନିର୍ମାଣ ହୋଇଛି।

ପ୍ରଧାନମନ୍ତ୍ରୀଙ୍କ ଗସ୍ତସୂଚୀ

ଆସନ୍ତା କାଲି ଅପରାହ୍ନ ୪ଟା ୧୦ରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବେ । ୪ଟା ୧୫ରେ ହେଲିକପ୍ଟରରେ ଖୋର୍ଦ୍ଧା ହେଲିପ୍ୟାଡକୁ ଯିବେ । ସେଠାରୁ ବାହାରି ୪ଟା ୪୫ରେ ଆରବିଆଇ କାର୍ଯ୍ୟକ୍ରମ ସ୍ଥଳରେ ପହଞ୍ଚିବେ । ୪ଟା ୪୫ରୁ ୫ଟା ୪୫ ପର୍ଯ୍ୟନ୍ତ କାର୍ଯ୍ୟକ୍ରମ ସ୍ଥଳରେ ଉପସ୍ଥିତ ରହିବେ ପ୍ରଧାନମନ୍ତ୍ରୀ। ସନ୍ଧ୍ୟା ୫ଟା ୫୦ରେ ଭୁବନେଶ୍ବର ବିମାନବନ୍ଦର ଅଭିମୁଖ ପ୍ରତ୍ୟାବର୍ତ୍ତନ କରିବେ । ସନ୍ଧ୍ୟା ୬ଟା ୩୦ରେ ଦିଲ୍ଲୀ ଫେରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ପଢନ୍ତୁ ଏହି ଖବର: ପ୍ରଥମେ ଆସିବେ ପ୍ରଧାନମନ୍ତ୍ରୀ ମୋଦି, ତା'ପରେ ରାଷ୍ଟ୍ରପତି; ଆସିଲା ଗସ୍ତସୂଚୀ

ଜଟଣୀରେ ଡାଟା ସେଣ୍ଟରର ଉଦଘାଟନ
ଭୁବନେଶ୍ୱର ଉପକଣ୍ଠ ଜଟଣୀରେ ଗଢ଼ିଉଠିଛି ଡାଟାର ନୂଆ ‘ପାୱାର୍ ସେଣ୍ଟର’। ନାଁ ଯେତିକି ବଡ଼, ଏହାର କାମ ମଧ୍ୟ ସେତିକି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ହେଉଛି ଭାରତୀୟ ରିଜର୍ଭ ବ୍ୟାଙ୍କର ଗୁରୁତ୍ୱପୂର୍ଣ୍ଣ ଡିଜିଟାଲ୍ ତଥ୍ୟ ଓ କମ୍ପ୍ୟୁଟର ସିଷ୍ଟମ୍‌କୁ ସୁରକ୍ଷିତ ରଖିବାର ଏକ ଅତ୍ୟାଧୁନିକ ହାଇଟେକ୍ ଭିତ୍ତିଭୂମି । ଏହି ସେଣ୍ଟର ଦ୍ୱାରା ଦେଶର କରେନ୍ସି ମ୍ୟାନେଜମେଣ୍ଟ, ପେମେଣ୍ଟ ଓ ସେଟଲମେଣ୍ଟ ସିଷ୍ଟମ୍ ସହ ବିଭିନ୍ନ ଡିଜିଟାଲ୍ ଅପରେସନ୍‌କୁ ସିଧାସଳଖ ସପୋର୍ଟ ମିଳିବ । ଏହି ଅତ୍ୟାଧୁନିକ ଡାଟା ସେଣ୍ଟରର ଉଦ୍‌ଘାଟନ ପାଇଁ ଆସନ୍ତା କାଲି ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।