ଭଦ୍ରକ: ପୋଖରୀରେ ବିଷ ପକାଇଲେ ଦୁର୍ବୁତ୍ତ । ଫଳରେ ଲକ୍ଷାଧିକ ଟଙ୍କାର ମାଛ ମରିକି ଭାସୁଥିବା ଦେଖିବାକୁ ମିଳିଛି।  ଏଭଳି ଅଘଟଣ ଘଟିଛି ବାସୁଦେବପୁର ପୌରପାଳିକାର 8ନମ୍ବର ୱାର୍ଡରେ । ପ୍ରବୋଧପୁର ଠାରେ ଅକ୍ଷୟ ମଲ୍ଲିକଙ୍କର ଏକ ପୋଖରୀ ରହିଛି । ତେବେ ସେହି ପୋଖରୀରେ କେହି ଦୁର୍ବୁତ୍ତ ବିଷ ପକାଇଦେଇଥିଲେ । ଆଜି ସକାଳେ ମାଛ ଭାସୁଥିବା ବେଳେ ପରିବାର ଲୋକ ଜାଣିପାରିନଥିଲେ । ଫଳରେ ସେହି ମାଛକୁ ଅକ୍ଷୟ ମଲ୍ଲିକଙ୍କ ପରିବାର ଲୋକ ଖାଇଥିଲେ ।  

ଏଥିସହିତ ଗାଁର କିଛି ଲୋକେ ଭାସୁଥିବା ମାଛକୁ ମଧ୍ୟ ନେଇଯାଇଥିଲେ । ତେବେ ଖାଇବାର କିଛି ସମୟ ପରେ ଅକ୍ଷୟ ମଲ୍ଲିକଙ୍କ ପରିବାରର 3ଜଣ ଅସୁସ୍ଥ ହେଇପଡିଥିଲେ । ଫଳରେ 3ଜଣଙ୍କୁ ପରିବାର ଙ୍କ ବାସୁଦେବପୁର ମେଡିକାଲ ରେ ଭର୍ତି କରିଥିଲେ । ସେଠାରେ ତାଙ୍କର ଚିକିତ୍ସା ଜାରି ରହିଛି । ଅନ୍ୟପଟରେ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଅଭିଯୋଗ କରିଛନ୍ତି ପରିବାର ଲୋକ । 

ଅଧିକ ପଢନ୍ତୁ  ଓଡ଼ିଶା ଖବର