Maoist Encounter / ଲାଲ୍ ଗଡ଼ରେ ପୋଲିସ ବନ୍ଧୁକର ଗର୍ଜନ, ଟଳୁଛି ମାଓ ଗଡ଼
Key Points
ବିଜାପୁରରେ କୋବ୍ରା ଓ CRPF ଯବାନଙ୍କ ମିଳିତ ଅପରେସନ ।
କୁମ୍ବିଂ ବେଳେ ଜବତ ବିପୁଳ ପରିମାଣର ବିସ୍ଫୋରକ ସାମଗ୍ରୀ ।
ମାଓ ଲୁଚାଇ ରଖା ଥିବା ୫୧ଟି ବିଜିଏଲ୍ ଓ ୫ଟି IED ଉଦ୍ଧାର ।
ମାଓ ଗଡ଼ ଧ୍ୱଂସ ମିଶନରେ ସୁରକ୍ଷା ବାହିନୀଙ୍କୁ ବଡ଼ ସଫଳତା ।
ଲାଲ୍ ଗଡ଼ରେ ପୋଲିସ ବନ୍ଧୁକର ଗର୍ଜନ । ଟଳୁଛି ମାଓ ଗଡ଼ । କୁମ୍ବିଂ ବେଳେ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ ବିଜାପୁରରେ କୋବ୍ରା ଓ CRPF ଯବାନଙ୍କ ମିଳିତ ଅପରେସନ ମାଓବାଦୀ ଲୁଚାଇ ରଖାଯାଇଥିବା ବିପୁଳ ପରିମାଣର ବିସ୍ଫୋରକ ଜବତ ।
ସୁରକ୍ଷାକର୍ମୀଙ୍କୁ ବଡ଼ ସଫଳତା । କୁମ୍ବିଂ ବେଳେ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ । ମାଓବାଦୀଙ୍କ ଲୁଚାଇ ରଖାଯାଇଥିବା ବିସ୍ଫୋରକ ଜବତ କରିଛନ୍ତି ସୁରକ୍ଷାକର୍ମୀ । ଛତିଶଗଡ଼ ବିଜାପୁରରେ କୋବ୍ରା ଓ CRPF ଯବାନଙ୍କ ମିଳିତ ଅପରେସନରେ ଏ ସଫଳତା ମିଳିଛି । ତାଡପାଲା ବେସ୍ କ୍ୟାମ୍ପରୁ ନକ୍ସଲମାନଙ୍କ ଦ୍ବାରା ଲୁଚାଇ ରଖାଯାଇଥିବା ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ ହୋଇଛି ।
୫୧ଟି ଜୀବନ୍ତ ବିଜିଏଲ୍, ୧୦୦ଟି HT ଆଲୁମିନିୟମ୍ ତାର ବଣ୍ଡଲ୍, ୫୦ଟି ଷ୍ଟିଲ୍ ପାଇପ୍ , ବିପୁଳ ପରିମାଣର ବୈଦ୍ୟୁତ ତାର, ୨୦ଟି ଲୁହା ଚାପ ଏବଂ ୪୦ଟି ଲୁହା ପ୍ଲେଟ୍ ଉଦ୍ଧାର କରାଯାଇଛି । ସର୍ଚ୍ଚ ଅପରେସନ୍ ସମୟରେ, ନକ୍ସଲମାନଙ୍କ ଦ୍ୱାରା ଲଗାଯାଇଥିବା ପାଞ୍ଚଟି IED ମଧ୍ୟ ଉଦ୍ଧାର କରାଯାଇଛି । ଯାହାକୁ ସୁରକ୍ଷା ବାହିନୀଙ୍କ ଦ୍ବାରା ନିଷ୍କ୍ରିୟ କରାଯାଇଛି ।
ସେପଟେ ଛତିଶଗଡ଼ ବିଜାପୁରରେ IED ବ୍ଲାଷ୍ଟ । ବିସ୍ଫୋରଣରେ ଜଣେ STF ଯବାନ ଗୁରୁତର ଆହତ ହୋଇଛନ୍ତି । ବିଜାପୁର ଭୋପାଲପାଟନମ ଥାନା କାଣ୍ଡଲାପର୍ତ୍ତି ଜଙ୍ଗଲରେ drg ଓ stf ଯବାନଙ୍କ ମିଳିତ କୁମ୍ବିଙ୍ଗ ଅପରେସନ ସମୟରେ ପ୍ରେସର ied ବିସ୍ଫୋରଣ ହୋଇଥିଲା । ଆହତ ଯବାନଙ୍କୁ ଏୟାର ଲିଫ୍ଟ କରି ରାୟପୁର ସ୍ଥାନାନ୍ତର କରାଯାଇଛି ।
📱 Get Argus News App
✨ଆହୁରି ପଢ଼ନ୍ତୁ: ପାର୍ଟ ପ୍ଲଟ ପଞ୍ଜୀକରଣ ପାଇଁ ଆସିଲା SOP
ପୂର୍ବରୁ ମଧ୍ୟ ଅସ୍ତ୍ର ବିରତି ପାଇଁ ମାଓ ସଂଗଠନ ପକ୍ଷରୁ ବାରମ୍ବାର ଜାରି ହୋଇଛି ପତ୍ର । ମାତ୍ର କିଛି ଦିନ ପରେ ପୁନର୍ବାର ସଂଗଠନ ନିଜ ହିଂସା ମନୋଭାବ ରେ କୌଣସି ପରିବର୍ତ୍ତନ ଆଣିନଥିଲା । ୨୦୧୬ ମାର୍ଚ୍ଚ ୩୧ ସୁଦ୍ଧା ସମଗ୍ର ଦେଶରୁ ମାଓବାଦୀଙ୍କୁ ମୂଳପୋଛ କରାଯିବା ନେଇ ଘୋଷଣା କରିଥିଲେ ଅମିତ ଶାହ । ଆଉ ତା ପରେ ଛତିଶଗଡ଼, ଆନ୍ଦ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, ମଧ୍ୟପ୍ରଦେଶ ଓ ଓଡିଶା ରେ ଉଭୟ କେନ୍ଦ୍ରୀୟ ସୁରକ୍ଷା ବାହିନୀ ଓ ରାଜ୍ୟ ସୁରକ୍ଷା ବାହିନୀର ମିଳିତ ଅପରେସନ ରେ ମାଓ ଗଡ଼ ଧ୍ବଂସ ହେଉଛି ।
କେବଳ ଏହି ୨୦ ମାସ ମଧ୍ୟରେ ୪୦୦ରୁ ଉର୍ଦ୍ଧ ମାଓବାଦୀ ନିପାତ ହୋଇଛନ୍ତି । ୧୭୦୦ ଜଣ ଆତ୍ମସମର୍ପଣ କରିଛନ୍ତି ଓ ୧୫୦୦ ଜଣଙ୍କୁ ଗିରଫ କରାଯାଇଛି । ଏମାନଙ୍କ ମଧ୍ୟରେ ୬ ଜଣ କେନ୍ଦ୍ରୀୟ କମଟି ସଦସ୍ୟ ,୧୮ ଜଣ ରାଜ୍ୟ କମିଟି ସଦସ୍ୟ ଓ ଜଣେ ପଲିଟ ବ୍ୟୁରୋ ସଦସ୍ୟ। ପ୍ରାୟ ୨୫ କୋଟି ରୁ ଉର୍ଦ୍ଧ ଇନାମ ରାଶି ଘୋଷଣା କରାଯାଇଥିଲା । ଜାନୁଆରୀ ରେ ଛେଲାପତି, ମେ ରେ ବାସବରାଜୁ , ସେପ୍ଟେମ୍ବର ରେ ବାଲାକ୍ରିଷ୍ଣାଙ୍କ ମୃତ୍ୟୁ । କିଛି ଦିନ ପୂର୍ବରୁ ମାଓ ନେତ୍ରୀ ସୁଜାତା ଆତ୍ମସମର୍ପଣ ପରେ ସଂଗଠନ ସମ୍ପୂର୍ଣ୍ଣ ଭୁଶୁଡିବାରେ ଲାଗିଛି । ତେଣୁ ମାଓ ସଂଗଠନ ପାଖରେ ଏବେ ଆଉ ଚାରା ନାହିଁ । ବାଧ୍ୟ ହୋଇ ଅସ୍ତ୍ର ବିରତି ପାଇଁ ନିବେଦନ କରୁଛି ।
Related Topics
Explore more stories