ସୁନ୍ଦରଗଡ: ମମତା ଯୋଜନାରେ ଟଙ୍କା ମିଳିବ କହି ଦିଲ୍ଲୀରୁ ଆସିଲା ଗର୍ଭବତୀ ମହିଳାଙ୍କ ପାଖକୁ ଫୋନ ଆଉ ଓଟିପି ଦେବା ପରେ ଖାତାରୁ ଚାଲିଗଲା ତିନି ଥରରେ 20ହଜାର ଟଙ୍କା । ଏନେଇ ଥାନାରେ ଏତଲା ଦେଇଛନ୍ତି ଗର୍ଭବତୀ ।  ସୁନ୍ଦରଗଡ଼ ଜିଲ୍ଲା ଲହୁଣୀପଡା ଥାନା ଅର୍ନ୍ତଗତ ଗୁଡ଼ିଆଳି, କପଣ୍ଡ, ଶରଧାପୁର ଅଂଚଳରେ ଘଟିଛି ଏହି ଘଟଣା । 

ଗାଁର କିଛି ଗର୍ଭବତୀ ମହିଳାଙ୍କୁ ଆସି ଥିଲା ଫୋନ୍ । କହିଲେ ଦିଲ୍ଲୀରୁ ଫୋନ କରୁଛି ମୁଁ ଡାକ୍ତର ଏହା ପରିଚୟ ଦେଇ ଫୋନ କଲେ । ମମତା ଯୋଜନାରେ ଟଙ୍କା ପାଇଲ କି ନାହିଁ ବୋଲି ପଚାରିଲେ । ଗର୍ଭବତୀ ଜଣଙ୍କ ନାହିଁ କହିବା ସହ ବିଭିନ୍ନ ଯୋଜନା କଥା ପଚାରିଥିଲେ ଉକ୍ତ ବ୍ୟକ୍ତି ଜଣଙ୍କ । ପରେ ଓଟିପି ଦିଅ ତୁମ ଖାତାକୁ ଟଙ୍କା ଯିବ କହିବାରୁ ଓଟିପି ଦେବା ପରେ ଆକାଉଣ୍ଟରୁ ରଜାମୁଣ୍ଡା ଗ୍ରାମର ମାଳତୀ କିସାନଙ୍କ ଆକାଉଣ୍ଟରୁ ପଇସା ଗାଏବ୍ ହୋଇଯାଇଥିଲା ।  

ତିନି ଥରରେ 20 ହଜାର ଟଙ୍କା କଟିଯିବା ପରେ ଏହା ଏକ ଠକ ବୋଲି ଜାଣି ପାରି ବ୍ୟାଙ୍କ୍ ରେ ଥିବା ଖାତାକୁ ବନ୍ଦ କରିବା ସହ ଲହୁଣୀପଡା ଥାନାରେ ମହିଳା ଜଣଙ୍କ ଏତଲା ଦେଇଛନ୍ତି । ସେପଟେ ଏନେଇ ତଦନ୍ତ କରୁଛି ପୋଲିସ । 

ଆହୁରି ପଢନ୍ତୁ ଓଡିଶା ଖବର...