Capital Hospital / ଶିଶୁ ମୃତ୍ୟୁ ଘଟଣାରେ ତଦନ୍ତ କରିବ ସ୍ୱତନ୍ତ୍ର କମିଟି

କ୍ୟାପିଟାଲ ହସ୍ପିଟାଲରେ ଶିଶୁ ମୃତ୍ୟୁ ଘଟଣାର ପ୍ରାଥମିକ ତଦନ୍ତ ଆରମ୍ଭ ହୋଇଛି । ଏକ ସ୍ବତନ୍ତ୍ର କମିଟି ଏହାର ତଦନ୍ତ କରିବ । ଶବ ବ୍ୟବଚ୍ଛେଦ ପରେ ସ୍ପଷ୍ଟ ଚିତ୍ର ସାମନାକୁ ଆସିବ । ସ୍ୱାସ୍ଥ୍ୟ ନିର୍ଦ୍ଦେଶକ ଅମରେନ୍ଦ୍ର ମହାନ୍ତି ଏନେଇ ସୂଚନା ଦେଇଛନ୍ତି ।

ଅନ୍ୟପଟେ କ୍ୟାପିଟାଲ ହସ୍ପିଟାଲ ନର୍ସ କହିଛନ୍ତି "ଆମେ ଚିକିତ୍ସା କରିଛୁ । ମୃତ୍ୟୁ ଆମ ହାତରେ ନାହିଁ ଆମେ ପୁରା ଚେଷ୍ଟା କରିଛୁ"।

ସେହିପରି ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଗଭୀର ଶୋକ ପ୍ରକାଶ ସହ ପରିବାର ବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ।

ସୂଚନାଯୋଗ୍ୟ, ଗତକାଲି ଦେଢ଼ ବର୍ଷ ଛୁଆ ଆୟୁସ ସାହୁର ଦେହ ଖରାପ ହେବାରୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ଚିକିତ୍ସା କରି ଶିଶୁଟିକୁ ଘରକୁ ପଠାଇ ଦେଇଥିଲେ । କିନ୍ତୁ ପରେ ଶିଶୁଟିର ମୃତ୍ୟ ହୋଇଥିଲା । ମୃତ ଶିଶୁର ବାପା ଜଣେ ଅଟୋ ଡ୍ରାଇଭର । ଶିଶୁର ମୃତ୍ୟୁ ପରେ ପରିବାର ବର୍ଗଙ୍କ ପକ୍ଷରୁ ହସ୍ପିଟାଲରେ ଭୁଲ ଚିକିତ୍ସା କରିଛନ୍ତି, ଭୁଲ ଇଞ୍ଜେକସନ୍ ଦିଆଯାଇଥିବା ହେତୁ ମୃତ୍ୟୁ ହୋଇଥିବା ବୋଲି ଅଭିଯୋଗ କରାଯାଇଥିଲା । ମେଡିକାଲରେ ଧସେଇ ପଶିଲେ ଶତାଧିକ ଲୋକ । କ୍ୟାପିଟାଲ ହସ୍ପିଟାଲ ପରିସରରେ ଆନ୍ଦୋଳନ ବସିଛନ୍ତି ପରିବାର ଓ ଅଟୋ ଆସୋସିଏସନ ସଦସ୍ୟ ।

ସିକୁରୀଟି ଗାର୍ଡ ଓ ସ୍ମାର୍ଟ ସିଟି ଅଟୋ ଚାଳକ ସଙ୍ଘ ହାତାହାତି ହୋଇଛନ୍ତି । ରାଜରାସ୍ତା ଟ୍ରାଫିକ ଠୁ ଆରମ୍ଭ କରି ହସ୍ପିଟାଲ ଭିତରେ ରୋଗୀ ସେବା ସବୁ କିଛି ଠପ୍ ହୋଇଯାଇଛି ।

ଆହୁରି ପଢନ୍ତୁ ଶିଶୁ ମୃତ୍ୟୁ ପରେ ଉତ୍ତେଜନା, କ୍ୟାପିଟାଲ ହସ୍ପିଟାଲରେ ଧସେଇ ପଶିଲେ ଶତାଧିକ ଲୋକ