Argus News - ବୌଦ୍ଧରେ ଭୋଟ୍ ଗଣତି ପାଇଁ ପ୍ରସ୍ତୁତି ଆରମ୍ଭ

ବୌଦ୍ଧ :ଆସନ୍ତା ୪ ତାରିଖରେ କନ୍ଧମାଳ ସଂସଦୀୟ କ୍ଷେତ୍ର ବୌଦ୍ଧ ଓ କଣ୍ଟାମାଲ ବିଧାନସଭା ପାଇଁ ବୌଦ୍ଧ ପଂଚାୟତ ମହାବିଦ୍ୟାଳୟରେ ସକାଳ ଆଠ ଘଣ୍ଟା ଠାରୁ ଭୋଟ ଗଣତି ପ୍ରକ୍ରିୟା ଅନୁଷ୍ଠିତ ହେବ l କଣ୍ଟାମାଳ ପାଇଁ ୧୪ ଗୋଟି ଟେବୁଲ ଓ ବୌଦ୍ଧ ପାଇଁ ୧୨ ଗୋଟି ଟେବୁଲ କରି ଗଣତି କରାଯିବ l ପ୍ରଥମେ ପୋଷ୍ଟାଲ ବେଲେଟ ଗଣତି ହେବା ନେଇ ଆଜି ପ୍ରଶାସନ ପକ୍ଷରୁ ସାମ୍ବାଦିକ ସଙ୍ଘର କର୍ମକର୍ତ୍ତା ମାନଙ୍କୁ ସୂଚନା ଦିଆଯାଇଛି l

ଅଧିକ ପଢନ୍ତୁ : ଇଭିଏମରେ ସିଲ ହୋଇଛି ଅନେକ ହେଭିୱେଟଙ୍କ ଭାଗ୍ୟ

ଭୋଟ ଗଣତି ସମୟରେ ସମସ୍ତ ଆନୁସାଙ୍ଗିକ ବ୍ୟବସ୍ଥା ସହ ସାମ୍ୱାଦିକ ମାନଙ୍କୁ ପ୍ରତି ରାଉଣ୍ଡ ରେ ସୂଚନା ଦେବାକୁ ଦାବି କରାଯାଇଛି l ଆଜିର ଉକ୍ତ ବୈଠକରେ ଅତିରିକ୍ତ ଜିଲ୍ଲାପାଳ ଦିଲୀପ କୁମାର ମହାପାତ୍ର ଓ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେନା, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିଆର ସିଂ ବୌଦ୍ଧ ବିଡ଼ିଓ ଯୁଧିଷ୍ଠିର ମେହେର ଉପସ୍ଥିତ ଥିଲେ ।