ଭୁବନେଶ୍ୱର: ବିଜେପିର ପ୍ରଥମ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ପାଇଁ ଚାଲିଛି ଜୋରଦାର ପ୍ରସ୍ତୁତି । ଆଉ ଏକ ଇତିହାସର ସାକ୍ଷୀ ହେବାକୁ ଯାଉଛି ଅନେକ ଇତିହାସର ସାକ୍ଷୀ ଥିବା ଭୁବନେଶ୍ବରର ଜନତା ମଇଦାନ । 24 ବର୍ଷ ପରେ ଶପଥ ନେବେ ଓଡ଼ିଆ କହୁଥିବା ମୁଖ୍ୟମନ୍ତ୍ରୀ । 24 ମହାଲଢ଼େଇରେ ଥିଲା ପ୍ରଚାରର ସବୁଠାରୁ ବଡ଼ ପ୍ରସଙ୍ଗ ଥିଲା- ଓଡ଼ିଆ ନା ବାହାରିଆ ।...
ଭବ୍ୟ...ଐତିହାସିକ...ଚିରସ୍ମରଣୀୟ । ରାଜଧାନୀର ସବୁଠୁ ବଡ ପଡିଆରେ ହେବ, ସବୁଠାରୁ ବଡ ଶପଥ ଗ୍ରହଣ ଉତ୍ସବ । ଆସନ୍ତା ୧୦ ତାରିଖ ଦିନ ଜନତା ମଇଦାନରେ ଶପଥ ନେବେ ଓଡିଶାରେ ବିଜେପିର ପ୍ରଥମ ମୁଖ୍ୟମନ୍ତ୍ରୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ଶପଥ ନେବେ ରାଜ୍ୟର ନୂଆ ମୁଖ୍ୟମନ୍ତ୍ରୀ । ୨୪ ନିର୍ବାଚନରେ ବିଜେପିକୁ ମିଳିଛି ସଂଖ୍ୟା ଗରିଷ୍ଠତା ଓଡ଼ିଶାରେ ପ୍ରଥମ ଥର ପାଇଁ ସରକାର ଗଢିବ ବିଜେପି । ଜନତା ମୈଦାନରେ ହେବ ଲକ୍ଷାଧିକ ଜନ ସମାଗମ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶପଥ ଗ୍ରହଣ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ଥିବା ବେଳେ ଅମିତ ଶାହ , ରାଜନାଥ ସିଂହ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ମଡା ଧ୍ୟ ଯୋଗ ଦେଇପାରନ୍ତି । ସେହିପରି ଅନେକ କେନ୍ଦ୍ର ମନ୍ତ୍ରୀ ମାନଙ୍କ ଠାରୁ ଆରମ୍ଭ କରି ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଏବଂ ସମାଜର ପ୍ରତିଷ୍ଠିତ ବ୍ୟକ୍ତି ମାନେ ଓଡିଶାର ନୂଆ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ସମାରୋହରେ ଯୋଗଦେବେ । ଗୋଟିଏ ମୁଖ୍ୟ ମଞ୍ଚ ସମେତ ତିନୋଟି ବିଶାଳ ଟେଣ୍ଟରେ ବିଜେପି ନେତା କାର୍ଯ୍ୟକର୍ତ୍ତା ଏବଂ ସାଧାରଣ ଜନତା ମଧ୍ୟ ଏହି ଶପଥ ଗ୍ରହଣ ଉତ୍ସବର ସାକ୍ଷୀ ହେବେ । ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବ ପାଇଁ ସୁରକ୍ଷା ବ୍ୟବସ୍ଥା କଡାକଡି କରିଛି କମିଶନରେଟ ପୋଲିସ । ଏବେ ଠାରୁ ଜନତା ମଇଦାନରେ ନିୟୋଜିତ ହେଲେଣି ପୋଲିସ । ବମ୍ ସ୍କ୍ଵାଡ, ଡଗ୍ ସ୍କ୍ଵାଡ ପୁରା ପଡିଆକୁ ନୀରିକ୍ଷଣ କରିବେ । ଭିଭିଆଇପିଙ୍କ ସମେତ ଲକ୍ଷାଧିକ ଲୋକଙ୍କ ସମାଗମ ହେବାକୁ ଥିବାରୁ ଟ୍ରାଫିକ ଏବଂ ପାର୍କିଂ ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯାଉଛି ।
ଖୁବଶୀଘ୍ର ଓଡ଼ିଶାରେ ଜଣେ ଓଡ଼ିଆ ମୁଖ୍ୟମନ୍ତ୍ରୀ ହେବେ । ବିଜେପିର ପାର୍ଲିଆମେଣ୍ଟାରୀ ବୋର୍ଡ ବୈଠକରେ ଚୂଡାନ୍ତ ହେବା ପରେ ଘୋଷଣା ହେବ ମୁଖ୍ୟମନ୍ତ୍ରୀଙ୍କ ନାଁ ।

ଅଧିକ ପଢନ୍ତୁ ଓଡ଼ିଶା ଖବର

Argus News | argus news | -Argusnews Home: Odisha Latest News, Breaking News, Trending News, Live TV and more