Historic Baliyatra Cuttack / କଟକ ଐତିହାସିକ ବାଲିଯାତ୍ରାର ଉଦ୍‌ଘାଟନ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

କଟକ: ଓଡ଼ିଶା ଗସ୍ତରେ ଆସିବେ ରାଷ୍ଟ୍ରପତି । କଟକର ଐତିହାସିକ ବାଲିଯାତ୍ରାର କରିବେ ଉଦ୍‌ଘାଟନ । ଚଳିତ ବର୍ଷ ବାଲିଯାତ୍ରାକୁ ପ୍ରଥମ ଥର ପାଇଁ ଉଦଘାଟନ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଆସନ୍ତା ୨୪ ତାରିଖରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୁଖ୍ୟ ଅତିଥି ଭାବେ ଯୋଗ ଦେଇ କଟକର ଐତିହାସିକ ବାଲିଯାତ୍ରାକୁ ଉଦଘାଟନ କରିବାର କାର୍ଯ୍ୟକ୍ରମ ରହିଛି ।

ଏନେଇ ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ରାଷ୍ଟ୍ରପତିଙ୍କ ଆଗମନକୁ ନେଇ କଟକବାସୀଙ୍କ ମଧ୍ୟରେ ଉତ୍ସାହ ଓ ଉତ୍କଣ୍ଠା ବଢ଼ିଛି । ଚଳିତ ନଭେମ୍ବର ୨୪ରୁ ଡିସେମ୍ବର ୧ ତାରିଖ ପର୍ଯ୍ୟନ୍ତ ଆଠ ଦିନ ଧରି ଚାଲିବ କଟକର ଐତିହାସିକ ବାଲିଯାତ୍ରା ।

ଚଳିତବର୍ଷା ମହାନଦୀ ପଠାର ଉପର ଓ ତଳ ପଡ଼ିଆରେ ଆୟୋଜିତ ହେବ ବାଲିଯାତ୍ରା । ଉଦଘାଟନୀ ଉତ୍ସବରେ ରାଷ୍ଟ୍ରପତିଙ୍କ ସହ ରାଜ୍ୟପାଳ ଓ ମୁଖ୍ୟମନ୍ତ୍ରୀ ମଧ୍ୟ ଉପସ୍ଥିତ ରହିବାର କାର୍ଯ୍ୟକ୍ରମ ରହିଛି । ଏଥର ରାଷ୍ଟ୍ରପତିଙ୍କ ଉପସ୍ଥିତି ବାଲିଯାତ୍ରାର ଗୌରବମୟ ଇତିହାସରେ ଏକ ନୂଆ ଅଧ୍ୟାୟ ଯୋଡ଼ିବ ବୋଲି କହିଛନ୍ତି ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ।

ଏଥିସହ ପଢ଼ନ୍ତୁ: ନାତି ନାତୁଣୀଙ୍କୁ ବଞ୍ଚାଇବାକୁ ଯାଇ ଆଖି ବୁଜିଲେ ଅଜା, ଆଈ 

ପୂର୍ବରୁ ବଦଳିଥିଲା ଗସ୍ତ ସୂଚୀ

ପୂର୍ବରୁ ନଭେମ୍ବର ୨୮ ଓ ୨୯ ତାରିଖରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨ ଦିନିଆ ମୟୂରଭଞ୍ଜ ଗସ୍ତରେ ଆସିବାର ଥିଲା । ତେବେ, ପରବର୍ତ୍ତୀ ସମୟରେ ନଭେମ୍ବର ୪ ଓ ୫ ତାରିଖକୁ କାର୍ଯ୍ୟକ୍ରମ ପରିବର୍ତ୍ତନ ହୋଇଥିଲା । ଏହାପରେ ପୁଣି ଥରେ ନଭେମ୍ବର ୩, ୪ ଓ ୫ ତାରିଖ ତିନିଦିନିଆ ଗସ୍ତ ନେଇ ସୂଚନା ମିଳିଥିଲା । ପରବର୍ତ୍ତୀ ସମୟରେ ରାଷ୍ଟ୍ରପତିଙ୍କ ଗସ୍ତ କାର୍ଯ୍ୟକ୍ରମକୁ ସ୍ଥଗିତ ରଖା ଯାଇଥିଲା ।

ଇତିହାସରେ ବାଲିଯାତ୍ରା

କାର୍ତ୍ତିକ ପୂର୍ଣ୍ଣିମାରୁ ପ୍ରତିବର୍ଷ ଆରମ୍ଭ ହୁଏ ଐତିହାସିକ କଟକ ବାଲିଯାତ୍ରା । କଟକ ବାଲିଯାତ୍ରା ହେଉଛି ଓଡ଼ିଶାର ସର୍ବବୃହତ ତଥା ଦକ୍ଷିଣପୂର୍ବ ଏସିଆର ବୃହତ ବାଣିଜ୍ୟ ମେଳା ।

ହଜାର ହଜାର ବର୍ଷର ପରମ୍ପରାକୁ ଉଜ୍ଜୀବିତ ରଖି କଟକର ମହାନଦୀ ପଠାରେ ଆୟୋଜିତ ହୁଏ ବାଲିଯାତ୍ରା । ଯାହାକି ଓଡ଼ିଶା ସହ ବାଲିର ସମ୍ପର୍କକୁ ପ୍ରତିଫଳିତ କରେ । ଦକ୍ଷିଣ-ଏସିଆର ଦେଶ ସହ ଓଡ଼଼ିଶାର ସୁଦୀର୍ଘ ସମ୍ପର୍କକୁ ମନେ ପକାଏ । ବାଲିଯାତ୍ରା ଆମକୁ ସେହି ନୌବାଣିଜ୍ୟ ଇତିହାସକୁ ଫେରାଇ ନିଏ । ବାଲିଯାତ୍ରା ମାଧ୍ୟମରେ ସୁଦୃଢ଼ ହୁଏ ସଂସ୍କୃତି, ପୁନର୍ଜୀବିତ ହୁଏ ପରମ୍ପରା, ଲୋକକଳାକୁ ମିଳେ ଆଦର, ଐତିହ୍ୟକୁ ମିଳେ ପରିଚୟ । ବାଲିଯାତ୍ରା କରେ କଳିଙ୍ଗର ଶୋଭା ବର୍ଦ୍ଧନ, ପର୍ଯ୍ୟଟନକୁ ଦିଏ ପ୍ରୋତ୍ସାହନ ।