'ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ" ଷ୍ଟଲ୍ର ଉଦଘାଟନ କଲେ ପ୍ରଧାନମନ୍ତ୍ରୀ
କଟକ: ସାରା ଭାରତ ବର୍ଷରେ 85,000 କୋଟିରୁ ଅଧିକ ରେଳ ପ୍ରକଳ୍ପଳ୍ପର ଭିଭି ପ୍ରସ୍ତର ଓ ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ କଟକ ରେଳଷ୍ଟେସନରେ 'ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ" ଷ୍ଟଲ୍ର ଉଦଘାଟନ କରିଥିଲେ ପ୍ରଧାନମନ୍ତ୍ରୀ । ଅଭାସୀ ମାଧ୍ୟମରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
କଟକ ତାରକସୀ ଉତ୍ପାଦ ସହ ମାଣିଆବନ୍ଧ ଓ ସମ୍ବଲପୁରୀ ଶାଢ଼ୀ ସ୍ଥାନ ପାଇଛି ଏହି ଷ୍ଟଲରେ । କଟକର ରୂପା ତାରକସୀ କାମକୁ GI ଟ୍ୟାଗ ମିଳିବା ପରେ ଷ୍ଟେସନ ପରିସରରେ ସୁକ୍ଷ୍ମ କାରୁକାର୍ଯ୍ୟର ଉତ୍ପାଦ ଗୁଡିକୁ ଭାରତର କୋଣ ଅନୁକୋଣରେ ପହଞ୍ଚାଇବା ପାଇଁ ଏହି ଷ୍ଟଲ୍ ଏକ ବଡ ମାଧ୍ୟମ ବୋଲି କହିଛନ୍ତି ମୁଖ୍ୟ ବାଣିଜ୍ୟିକ ଅଧିକାରୀ ।
ମିଶନ ଶକ୍ତିର ମହିଳା ମାନଙ୍କ ଦ୍ୱାରା ପରିଚାଳିତ ହେବ ଏହି ଏକ ଷ୍ଟେସନ ଏକ ଉତ୍ପାଦ ଷ୍ଟଲ୍ । ଏଣିକି ସ୍ଥାନୀୟ ଉତ୍ପାଦ ରେଳ ସେବା ମାଧ୍ୟମରେ ଦେଶର ବିଭିନ୍ନ ପ୍ରାନ୍ତକୁ ଯାଇପାରୁ ଥିବାରୁ ଖୁସି ପ୍ରକାଶ କରିଥିଲେ ମିଶନ ଶକ୍ତିର ମହିଳାମାନେ । ଆଜିର ଏହି କାର୍ଯ୍ୟକ୍ରମରେ ରେଳବାଇର ମୁଖ୍ୟ ବାଣିଜ୍ୟ ପରିଚାଳକ ଅଶ୍ଵିନୀ କୁମାର, କଟକ ଷ୍ଟେସନ ମ୍ୟାନେଜର ମଳୟ କୁମାର ଆଚାର୍ଯ୍ୟ, ସହକାରୀ ବାଣିଜ୍ୟ ପରିଚାଳକ ଜି ଆର୍ ନାୟକ, ୱେଲଫେୟାରେ ଅଧିକାରୀ ସୁଶାନ୍ତ କୁମାର ପଣ୍ଡା ପ୍ରମୁଖ ଯୋଗ ଦେଇଥିଲେ ।
📱 Get Argus News App
✨ଆହୁରି ପଢନ୍ତୁ ଓଡିଶା ଖବର...