ଅର୍ଗସ ବ୍ୟୁରୋ :  ଆଜି ପୁଣି ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।  ମୟୂରଭଞ୍ଜ ବାରିପଦା, ବାଲେଶ୍ବରର ରେମୁଣା ଓ କେନ୍ଦ୍ରାପଡ଼ାରେ ବିଶାଳ ଜନସଭାକୁ ସମ୍ବୋଧନ କରିବେ ମୋଦି । ପ୍ରଧାନମନ୍ତ୍ରୀ ମୋଦି ଦିନିକିଆ ଗସ୍ତରେ ଆସି ବାରିପଦା ଛଉ ପଡିଆରେ ବିଶାଳ ଜନ ସଭାରେ ଉଦବୋଧନ ଦେବେ । ଏଥିସହ ବାଲେଶ୍ବରର ରେମୁଣା ଏବଂ ପରେ ଅପରାହ୍ଣ ସାଢ଼େ ୩ଟାରେ କେନ୍ଦ୍ରାପଡାର ବାରୁଅ ପଡିଆରେ ଜନସଭା କରିବେ ପ୍ରଧାନମନ୍ତ୍ରୀ । ଶେଷ ପର୍ଯ୍ୟାୟ ମତଦାନ ପୂର୍ବରୁ ପ୍ରଚାରରେ ଭରିବେ ତାତି । ସମଗ୍ର ଉତ୍ତର ଓ ଉପକୂଳ ଓଡ଼ିଶାରେ ପଡ଼ିବ ମୋଦିଙ୍କ ଗସ୍ତର ପ୍ରଭାବ।

ଅଧିକ ପଢନ୍ତୁ : ୬ ସଂସଦୀୟ କ୍ଷେତ୍ରରେ କରିବେ ୬ଟି ବିଶାଳ ଜନସଭା

ବିଜେପି ଶିବିରରେ ଜୋରଦାର ଉତ୍ସାହ ।  ପୂର୍ବରୁ 2 ଥର ଓଡ଼ିଶା ଗସ୍ତରେ ଆସି  ସିଧାସଳଖ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍ କରିଛନ୍ତି  ପ୍ରଧାନମନ୍ତ୍ରୀ । 25 ବର୍ଷର କଣ ବିକାଶ କରିଛନ୍ତି ନବୀନ ସରକାର ତାକୁ ନେଇ ପ୍ରଶ୍ନ ଉଠାଇବା ସହ ଓଡ଼ିଶାର ଅସ୍ମିତା ଓ ଭାବାବେଗକୁ ମୋଦି କରିଛନ୍ତି ପ୍ରସଙ୍ଗ। ଭ୍ରଷ୍ଟାଚାର, ରତ୍ନଭଣ୍ଡାର ଚାବି, ଚିଟଫଣ୍ଡ, ମାଫିଆରାଜକୁ ନେଇ ନବୀନ ସରକାରଙ୍କୁ ଟାର୍ଗେଟ୍ କରିଛନ୍ତି ମୋଦି ।