ଆବାସିକ ଘର ପାଲଟୁଛି କମର୍ସିଆଲ ଷ୍ଟେ ହୋମ୍ । ବେଆଇନ୍ ଲଜିଂ ମାଲିକଙ୍କ ଧଡଧଡ଼ ହେଲାଣି ଛାତି । ୮ ବେଆଇନ ଲଜିଂକୁ କାରଣ ଦର୍ଶାଅ ନୋଟିସ୍ । ଘଟୁଛି ରାଜସ୍ଵ ହାନି, ବଢୁଛି କ୍ରାଇମ୍ । ଗୋଟିଏ ବର୍ଷ ଭିତରେ ୨୭୦୦ ଆବାସିକ ଘର କୋଠା ବ୍ୟବସାୟିକ କୋଠାରେ ରୂପାନ୍ତରିତ ହୋଇଛି । ବ୍ୟବସାୟିକ ହୋଲ୍ଡିଂ ନାହିଁ, ଟ୍ରେଡ ଲାଇସେନ୍ସ ନାହିଁ, ତଥାପି ପର୍ଯ୍ୟଟନ ନଗରୀରେ କେମିତି ଚାଲିଛି ମାଳ ମାଳ ବେଆଇନ ଷ୍ଟେ ହୋମ ।

ହୋଲଡ଼ିଂ ଟିକସ ଖୋଳତାଡ ପରେ ଆଳୁ ଖୋଳୁ ଖୋଳୁ ବାହାରିଲେ ମହାଦେବ। ପୁରୀ ପୌରାଞ୍ଚଳରେ ୨୭ ହଜାର ୮୭୪ ହୋଲ୍ଡିଂ ରୁ ଟିକସ ଆଦାୟ ହେଉଛି । ପୌର ସଂସ୍ଥା ସର୍ଭେ ମୁତାବକ ୨୭ ଶହ ଆବାସିକ କୋଠା ବ୍ୟବସାୟିକ କୋଠାରେ ରୂପାନ୍ତରିତ ହୋଇଛି । ଦୋକାନ ଘରଠାରୁ ଅଧିକ ବେଆଇନ ଲଜିଂ ନହେଲେ ଷ୍ଟେ ହୋମ ରହିଛି । ଏବେ ଆକ୍ସନ ମୋଡରେ ପ୍ରଶାସନ ।

ଏଥିସହ ପଢ଼ନ୍ତୁ:  ବଢୁଛି କିଡ଼ନୀ ରୋଗୀଙ୍କ ସଂଖ୍ୟା: ୮୦ରୁ ଅଧିକ କିଡ଼ନୀ ରୋଗୀ ଚିହ୍ନଟ

ସେପଟେ ପ୍ରାଥମିକ ପର୍ଯ୍ୟାୟରେ ଶ୍ରୀମନ୍ଦିର ସନ୍ନିକଟ ଶ୍ୟାମକୁଞ୍ଜ ଗଳିର ୮ ଷ୍ଟେ ହୋମକୁ ହୋଇଛି ନୋଟିସ୍ । ଅନ୍ୟ ବେଆଇନ ଲଜିଂ କୁ ମଧ୍ୟ ପର୍ଯ୍ୟାୟ କ୍ରମେ ନୋଟିସ୍ କରାଯାଉଛି । ବ୍ୟବସାୟିକ ହୋଲ୍ଡିଂ ନାହିଁ, ଟ୍ରେଡ୍ ଲାଇସେନ୍ସ ନାହିଁ, ଅଗ୍ନି ନିରାପତ୍ତା ମଧ୍ୟ ନାହିଁ । ୫ ବଖରା ଘର ଥିଲେ, ୨ ବଖରାକୁ ରଖି ବାକି ୩ ବଖରାକୁ ଷ୍ଟେ ହୋମ୍ କରୁଛନ୍ତି ମାଲିକ । ୮୦ ପ୍ରତିଶତ ବେଆଇନ୍ ଲଜିଂରେ ସୂଚନା ଫଳକ ନାହିଁ । ସିଜିନ ସମୟରେ ଘର ଭର୍ତ୍ତି, ବେପାର ଜମୁଛି । ଅନେକ ମାଲିକ ନିଜ ଘରେ ରୋଷେଇ କରି ଖାଇବାକୁ ବି ଦେଉଛନ୍ତି । ପ୍ରଶାସନ କିମ୍ବା ପୋଲିସ ପାଖରେ ତଥ୍ୟ ରହୁ ନଥିବାରୁ କ୍ରାଇମ୍ ଘଟାଇ ଫେରାର ହେବାର ମଧ୍ୟ ସମ୍ଭାବନା ରହୁଛି । କୌଣସି ଅଘଟଣ ଘଟିଲେ କିଏ ଦାୟୀ ରହିବ ପ୍ରଶ୍ନ କରିଛନ୍ତି ବୁଦ୍ଧିଜୀବୀ ।

ପୂର୍ବରୁ ପର୍ଯ୍ୟଟନ ନଗରୀରେ ମାଳ ମାଳ ବେଆଇନ ଲଜିଂକୁ ନେଇ ଖବର ପ୍ରସାରଣ କରିଥିଲା ଅର୍ଗସ୍ । ପର୍ଯ୍ୟଟନ ନଗରୀରେ ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟି କୋଣରୁ ପ୍ରଶାସନ ଆଉ କଣ କଣ ପଦକ୍ଷେପ ନେବାକୁ ଯାଉଛି । ତାହା ଦେଖିବାକୁ ବାକି ରହିଲା ।

ଅଧିକ ପଢ଼ନ୍ତୁ ଓଡ଼ିଶା ଖବର...