ଅର୍ଗସ ବ୍ୟୁରୋ : ରାଜନଗରେ ବିଜେଡି ଝଡ଼ । ବିଜେଡ଼ିକୁ ଜୋରଦାର ପ୍ରତିବାଦ କଲେ ବିଜେଡ଼ି ନେତା ଓ କର୍ମୀ । କହିଲେ ଯାହା ହେଲା ଭୁଲ ହେଲା । ବିଜେଡିର କେନ୍ଦ୍ରାପଡ଼ା ଲୋକସଭା ଆସନରୁ ସାଂସଦ ପ୍ରାର୍ଥୀ ଭାବେ ଅଂଶୁମାନ ମହାନ୍ତିଙ୍କ ନାମ ଘୋଷଣା ପରେ ରାଜନଗର ବିଜେଡିରେ ପ୍ରତିବାଦ ଜୋର ଧରିଛି । ରାଜନଗରରୁ ବିଧାନସଭା ଆସନରୁ ଲଢ଼ିବା ପାଇଁ ଅଂଶୁମାନ ଓ ତାଙ୍କ ସମର୍ଥକ ମାନେ ବେଶ ଆଶାବାଦୀ ରହିଥିଲେ । କିନ୍ତୁ ବଦଳିଗଲା ପାଣିପାଗ ଯାହାକୁ ନେଇ ଏବେ ରାଜନଗରରେ ଝଡ଼ ।

ଏଠି ପ୍ରଶ୍ନ ଉଠୁଛି, କଣ ପାଇଁ ଅସନ୍ତୁଷ୍ଟ ବିଜେଡି ନେତା ଓ କର୍ମୀ । କଣ ପାଇଁ ବିଜେଡି ସୁପ୍ରିମୋଙ୍କ ମୋହର ଉପରେ ପ୍ରଶ୍ନବାଚୀ । କିଛି ମାସ ତଳେ ଧ୍ରୂବ ସାହୁ ଓ ଅଂଶୁମାନଙ୍କ ରାଜନୈତିକ ଗୋଷ୍ଠୀକନ୍ଦଳ ଉଗ୍ର ରୂପ ନେଇଥିଲା । ତେବେ ଅଂଶୁମାନ କଂଗ୍ରେସ ଛାଡି ତାଙ୍କ ହଜାର ହଜାର ସମର୍ଥକଙ୍କ ସହ ବିଜେଡିରେ ସାମିଲ ହୋଇଥିଲେ । ତେବେ ୨୦୨୪ନିର୍ବାଚନରେ ରାଜନଗରର ବିଜେଡିରୁ ବିଧାୟକ ପ୍ରାର୍ଥୀ ହେବେ ବୋଲି ଆଶାବାଦୀ ଥିଲେ । କିନ୍ତୁ ମଉଳି ଯାଇଥିଲା ସବୁ ଆଶାଭରସା

ତେବେ ଅନେକ ବାଦ ବିବାଦ ପରେ ଅଂଶୁମାନ ଓ ଧ୍ରୂବ ଗୋଟିଏ ମଞ୍ଚରେ ସଭା କରିବାର ଆୟୋଜନ କରାଯାଇଥିଲା । ତେବେ ଅଂଶୁମାନଙ୍କୁ ସାଂସଦ ପ୍ରାର୍ଥୀ ବିଜେଡି ଘୋଷଣା ପରେ ଅଧାରୁ ଭାଙ୍ଗିଲା ସଭା । ଅଂଶୁମାନଙ୍କୁ ସାଂସଦ ଟିକେଟ ମିଳି ଥିବାରୁ ଆଜିର ମିଶ୍ରଣ ପର୍ବରେ ଯୋଗ ନଦେଇ ଅଧା ବାଟରୁ ଫେରି ଗଲେ ଅଂଶୁମାନ । ଅଂଶୁମାନ ସମର୍ଥକ ମାନେ ରାଲିରୁ ଦେଲେ ଛତ୍ରଭଙ୍ଗ । ବିଜେଡି ସୁପ୍ରିମୋ ଅଂଶୁମାନଙ୍କୁ ଧୋକା ଦେଇଥିବା ଅଭିଯୋଗ କରିଛନ୍ତି କର୍ମୀ ଓ ନେତା ।

Argus News | argus news | Odisha Latest News, Breaking News, Trending News, Live TV