ବିଜେଡି ସୁପ୍ରିମୋଙ୍କୁ ଦଳିତ ନେତାଙ୍କ ଖୋଲା ଚ୍ୟାଲେଞ୍ଜ
ରାଜନଗରରେ ବିଜେଡିରେ ବିଦ୍ରୋହ
ପଟ୍ଟାମୁଣ୍ଡାଇରେ ଦଳିତ ସଂଘର ଜୋରଦାର ବିକ୍ଷୋଭ
ଦଳିତ ନେତାଙ୍କୁ ଟିକେଟ ଦେବାକୁ କଲେ ଦାବି
ଅର୍ଗସ ବ୍ୟୁରୋ : ରାଜନଗର ନିର୍ବାଚନ ମଣ୍ଡଳୀରେ ମୁଣ୍ଡ ଟେକିଲାଣି ବିଜେଡି ବିଦ୍ରୋହ । ପଟ୍ଟାମୁଣ୍ଡାଇର ଅସ୍ମିତା ପାଇଁ ଆରମ୍ଭ ହେଲାଣି ଲଢେଇ । ଲଢେଇକୁ ସଫଳ କରିବାକୁ କିଛି ଏମିତି ଢଙ୍ଗରେ ଏକାଠି ହୋଇଥିଲେ ସ୍ଥାନୀୟ ଅଞ୍ଚଳର ମହିଳା । ଯାହା ଏବେ ଦେଖିବାକୁ ମିଳୁଛି କେନ୍ଦ୍ରାପଡ଼ା ବିଜେଡିରେ ।
ପଟ୍ଟାମୁଣ୍ଡାଇ ନିର୍ବାଚନ ମଣ୍ଡଳୀ ଅନୁସୂଚିତ ଜାତି ମାନଙ୍କ ପାଇଁ ସଂରକ୍ଷିତ ଥିଲା ଓ ଦଳିତ ନେତାମାନେ ଏହି ନିର୍ବାଚନ ମଣ୍ଡଳୀରେ ନେତୃତ୍ୱ ନେଇ ସମସ୍ତ ବର୍ଗଙ୍କ କଲ୍ୟାଣ ପାଇଁ କାମ କରିଥିଲେ । ମାତ୍ର ୨୦୦୯ରେ ନିର୍ବାଚନ ମଣ୍ଡଳୀ ଉଛେଦ ପରେ ପଟ୍ଟାମୁଣ୍ଡାଇର ନାମ କୁ ଲିଭାଇ ଦେଇ ରାଜନଗର ନିର୍ବାଚନ ମଣ୍ଡଳୀ ନାମିତ କଲେ ।
📱 Get Argus News App
✨ଏହି ନିର୍ବାଚନ ମଣ୍ଡଳୀ ସେହିଦିନ ଠାରୁ ସାଧାରଣ ବର୍ଗଙ୍କ ପାଇଁ ରହିଲା । ଫଳରେ ନେତୃତ୍ୱ ନେଉଥିବା ନେତା ମାନେ ଦଳିତଙ୍କ ସ୍ୱାର୍ଥକୁ ଅଣଦେଖା କଲେ ବୋଲି ଅଭିଯୋଗ କରିଛନ୍ତି । ଖାଲି ସେତିକି ନୁହେଁ ସେହିଦିନ ଠାରୁ ବିଜେଡି ଦଳ ରାଜନଗରର ନେତାଙ୍କୁ ପ୍ରାଧାନ୍ୟ ଦେଇ ଚାଲିଛନ୍ତି ଓ ପଟ୍ଟାମୁଣ୍ଡାଇ ନେତୃତ୍ୱକୁ ଅଣଦେଖା କରିଛନ୍ତି ।
ଚଳିତ ୨୦୨୪ ସାଧାରଣ ନିର୍ବାଚନରେ ଦଳିତ ମାନଙ୍କୁ ନେତୃତ୍ୱର ସୁଯୋଗ ନଦେଇଥିବାରୁ ପଟ୍ଟାମୁଣ୍ଡାଇ ଦଳିତ ସଙ୍ଘ ପକ୍ଷରୁ ଏକ ଶୋଭାଯାତ୍ରା ପଟ୍ଟାମୁଣ୍ଡାଇ ବଜାର ପରିକ୍ରମା କରିଛି । ବାଇପାସ ସ୍ଥିତ ଆମ୍ବେଦକର ପ୍ରତିମୂର୍ତ୍ତି ନିକଟରେ ବିକ୍ଷୋଭ ମଧ୍ୟ ପ୍ରଦର୍ଶନ କରିଥିଲେ । ଯଦି ଆଗାମୀ ଦିନରେ ରାଜନଗର ନିର୍ବାଚନ ମଣ୍ଡଳୀରେ ଦଳିତ ନେତାଙ୍କୁ ସୁଯୋଗ ଦିଆନଯାଏ ତେବେ ଆନ୍ଦୋଳନ ଆହୁରି ତୀବ୍ର ହେବ ବୋଲି ନବୀନ ପଟ୍ଟନାୟକଙ୍କୁ ଖୋଲାଖୋଲି ଚେତାବନୀ ଦେଇଛନ୍ତି ଦଳିତ ନେତା ।