ଅର୍ଗସ ବ୍ୟୁରୋ: ପୁଣି ରତ୍ନଭଣ୍ଡାର ପ୍ରସଙ୍ଗରେ କୋଟି କୋଟି ଜଗନ୍ନାଥ ପ୍ରେମୀଙ୍କୁ ଲଲିପପ୍ ଧରାଇଲେ ରାଜ୍ୟ ସରକାର । ବିଧାନସଭା ଭଳି ପବିତ୍ର ଗୃହରେ ପ୍ରକୃତ ଉତ୍ତର ନରଖି ବିଭ୍ରାନ୍ତକର ଉତ୍ତର ରଖିଲେ ଆଇନମନ୍ତ୍ରୀ ଜଗନ୍ନାଥ ସାରକା । ବିଧାୟକ ଦାସରଥୀ ଗମାଙ୍ଗଙ୍କ ରତ୍ନଗଣତି ପ୍ରଶ୍ନରେ ସିଧା ଉତ୍ତର ନରଖି ପୁଣି ରତ୍ନଚୋରି ସନ୍ଦେହକୁ ଦୃଢୀଭୂତ କରିଛନ୍ତି ଆଇନମନ୍ତ୍ରୀ । ରତ୍ନଭଣ୍ଡାର ମରାମତି ପ୍ରସଙ୍ଗରେ ଆଇନମନ୍ତ୍ରୀ କହିଛନ୍ତି, ଏବେ ASI ରତ୍ନଭଣ୍ଡାର ମରାମତି କଲେ ଶ୍ରୀଜୀଉଙ୍କ ନୀତି ଓ ଭକ୍ତଙ୍କ ଦର୍ଶନ ବାଧାପ୍ରାପ୍ତ ହେବ ।

ସେହିପରି ରତ୍ନଗଣତି ପ୍ରଶ୍ନରେ ଅଜବ ଉତ୍ତର ରଖି ମନ୍ତ୍ରୀ କହିଛନ୍ତି, ଲେଜର ସ୍କାନିଂ ଶେଷ ହୋଇଛି ଓ ରିପୋର୍ଟ ଆସିବା ପରେ ସ୍ଥିତି ଅନୁଧ୍ୟାନ କରାଯାଇ ଚଳିତ ବର୍ଷ ରଥଯାତ୍ରା ସମୟରେ ଭିତର ଭଣ୍ଡାର ଖୋଲାଯାଇ ମରାମତି କରାଯିବ । ସେପଟେ ଗତବର୍ଷ ଅଗଷ୍ଟ 4 ତାରିଖରେ ଅନୁଷ୍ଠିତ ହୋଇଥିବା ପରିଚାଳନା କମିଟିର ନିଷ୍ପତ୍ତି କୁଆଡେ ଗଲା ବୋଲି ପ୍ରଶ୍ନ କରିଛନ୍ତି ଜଗନ୍ନାଥ ସେନାର ଆଵାହକ । ଆଇନମନ୍ତ୍ରୀଙ୍କ ଉତ୍ତରରେ କ୍ଷୋଭ ପ୍ରକାଶ କରିଛନ୍ତି ପୁରୀ ବିଧାୟକ । ଅନ୍ୟପଟେ ରତ୍ନଭଣ୍ଡାର ପ୍ରସଙ୍ଗରେ ପରେ ଆଲୋଚନା କରିବା କହି ନିଜର ଅସହାୟତା ପ୍ରକାଶ କରିଛନ୍ତି ଖୋଦ୍ ପରିଚାଳନା କମିଟିର ସଦସ୍ୟ ଦୁର୍ଗାଦାସ ମହାପାତ୍ର ।

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV