Fever Outbreak / ଗାଁକୁ ଘାରିଛି ଜ୍ଵର ଚିନ୍ତା; ୨ ଛୁଆଙ୍କ ମୃତ୍ୟୁ, ୨୦ରୁ ଅଧିକ ଆକ୍ରାନ୍ତ

ରାୟଗଡ଼ା (କଲ୍ୟାଣସିଂହପୁର): ଗାଁରେ ବ୍ୟାପିଛି ଜ୍ଵର । ପିଲାଠୁ ବୁଢ଼ା ସମସ୍ତେ ଜ୍ଵରରେ ଆକ୍ରାନ୍ତ । ରାୟଗଡ଼ା ଜିଲ୍ଲା କାଶୀପୁର ବ୍ଲକରେ ଅଞ୍ଚଳରେ ଜ୍ଵରର ପ୍ରକୋପ ବଢ଼ି ଚାଲିଛି । ଗୋରଖପୁର କୁଚେଇ ପଦର ପଞ୍ଚାୟତ ଯୁବାପଦର ଗାଁରେ ଜ୍ଵରରେ ଗୋଟିଏ ଦିନରେ ୨ ଛୁଆଙ୍କ ମୃତ୍ୟୁ ସମସ୍ତଙ୍କୁ ଆତଙ୍କିତ କରିଛି ।

ଏବେ ଗାଁରେ ଜ୍ଵରରେ ୨୦ରୁ ଅଧିକ ଜଣ ଆକ୍ରାନ୍ତ ଅଛନ୍ତି । ଶନିବାର ଜ୍ଵରରେ ଥିବାବେଳେ ଦୁଇ ଛୁଆଙ୍କ ମୃତ୍ୟୁ ହୋଇଛି । ଜ୍ବରରେ ପୀଡ଼ିତ ଦୂର୍ଯ୍ୟ ପୂଜାରୀଙ୍କ ପାଞ୍ଚ ବର୍ଷର ପୁଅ ପିଙ୍କୁ ପୂଜାରୀ ଏବଂ ଖଗେଶ୍ବର ମାଝୀଙ୍କ ପୁଅ ୭ ବର୍ଷର ଶିବୁ ମାଝୀ ଆଖି ବୁଜିଛନ୍ତି ।

ଏଥିସହ ପଢ଼ନ୍ତୁ: ପୁରୀ ଆସିଥିଲେ ଜଗା ଦର୍ଶନ ପାଇଁ ଫେରିପାରିଲେନି ଘରକୁ 

ପରିବାର ଲୋକେ ଶିବୁକୁ ଚିକିତ୍ସା ପାଇଁ ନିକଟସ୍ଥ ଦଶମନ୍ତପୁର ବ୍ଲକ ଡୁମ୍ବାଗୁଡ଼ା ଗାଁରେ ରହୁଥିବା କ୍ବାକ ନିକଟକୁ ନେଇଥିଲେ । ଶିବୁକୁ ଇଞ୍ଜେକ୍ସନ୍ ଦେଇ ଚିକିତ୍ସା କରିବାର କିଛି ଘଣ୍ଟା ପରେ ତାର ମୃତ୍ୟୁ ହୋଇଥିବା ଗ୍ରାମବାସୀମାନେ କହିଛନ୍ତି । ଗତକାଲି ଅପରାହ୍ଣରେ ଶିବ ମାଝୀଙ୍କ ମୃତ୍ୟୁ ହୋଇଥିଲା । ଏହାର କିଛି ଘଣ୍ଟା ପରେ ରାତିରେ ପିଙ୍କୁ ପୂଜାରୀଙ୍କ ମୃତ୍ୟୁ ହୋଇ ଥିବାର ଜଣା ପଡ଼ିଛି ।

#Rayagada | Two children died and more than 20 people are reportedly suffering from an unidentified fever in Yuvapadar village under Kucheipadar panchayat in Kashipur block, according to local reports.

The deceased have been identified as Pinku, son of Durjya Pujari, and… pic.twitter.com/GvqOngNFQx

— Argus News (@ArgusNews_in) August 23, 2026

ସ୍କ୍ରବ୍ ଟାଇଫସ୍ ଆତଙ୍କ

ସେପଟେ ମୁନିଗୁଡ଼ା ଅଞ୍ଚଳରେ ଏବେ ପୁଣି ଥରେ ସ୍କ୍ରବ୍ ଟାଇଫସ୍ ରୋଗକୁ ନେଇ ଆତଙ୍କ ଦେଖା ଦେଇଛି । ଜଣେ ଯୁବକ ଏହି ରୋଗରେ ଆକ୍ରାନ୍ତ ହୋଇ ବିଷମକଟକ ଖ୍ରୀଷ୍ଟିଆନ ହସ୍ପିଟାଲରେ ଚିକିତ୍ସିତ ହେଉଛନ୍ତି ।

କିଛିଦିନ ତଳେ ଯୁବକ ଜଣକ ବାହାରକୁ ଶୌଚ ପାଇଁ ଯାଇଥିବା ସମୟରେ ତାଙ୍କୁ ଏକ ବିଷାକ୍ତ କୀଟ କାମୁଡ଼ି ଦେଇଥିଲା । ଏହା ପରେ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବା ସହ ଅସୁସ୍ଥତା ଅନୁଭବ କରିଥିଲେ । ପରିବାର ଲୋକେ ବିଳମ୍ବ ନକରି ତୁରନ୍ତ ତାଙ୍କୁ ବିଷମକଟକ ଖ୍ରୀଷ୍ଟିଆନ ମେଡ଼ିକାଲରେ ଭର୍ତ୍ତି କରିଥିଲେ । ବର୍ତ୍ତମାନ ଯୁବକଙ୍କ ସ୍ଵାସ୍ଥ୍ୟାବସ୍ଥାରେ ସୁଧାର ଆସିଥିବା ଜଣାପଡ଼ିଛି ।