ଅର୍ଗସ ବ୍ୟୁରୋ: ଅର୍ଗସ୍ ପ୍ରଭାବ । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଅଫିସର ତାଲିକାରୁ ହଟିଲେ ଭି. କେ ପାଣ୍ଡିଆନ। ସିଏମଓ ୱେବସାଇଟ ଅଫିସର ଲିଷ୍ଟରେ ଏକ ନମ୍ବରରେ ଥିଲେ ଭି.କେ. ପାଣ୍ଡିଆନ । ଏହାକୁ ନେଇ ମୁଖ୍ୟ ନିର୍ବାଚନ ଅଧିକାରୀ ଓ ମୁଖ୍ୟ ଶାସନ ସଚିବଙ୍କ ନିକଟରେ ଅଭିଯୋଗ କରିଥିଲା ବିଜେପି। କାର୍ଯ୍ୟାନୁଷ୍ଠାନ ପାଇଁ ହୋଇଥିଲା ଦାବି। ଏ ନେଇ ଅର୍ଗସରେ ଖବର ପ୍ରସାରଣ ପରେ ସିଏମଓ ୱେବସାଇଟର ଅଫିସର ଲିଷ୍ଟରୁ ପାଣ୍ଡିଆନଙ୍କ ନାଁ ହଟାଇ ଦିଆଯାଇଛି। ପାଣ୍ଡିଆନ ରାଜନୈତିକ ନେତା ନା ଅଫିସର ଏ ନେଇ ପ୍ରଶ୍ନ କରିଥିଲା ବିଜେପି।

ସିଏମଓ ୱେବ ସାଇଟ ଅଫିସର ଲିଷ୍ଟରେ କେମିତି ଅଛନ୍ତି ଭି.କେ. ପାଣ୍ଡିଆନ ? ସମଗ୍ର ଦେଶରେ ନିର୍ବାଚନ ଆଦର୍ଶ ଆଚରଣ ବିଧି ଲାଗୁ ହୋଇଛି । ସିଏମଓ ଅଫିସର ତାଲିକାରେ ପାଣ୍ଡିଆନଙ୍କ ନାଁ କେମିତି ରହିଛି । ଅଫିସର ଲିଷ୍ଟରେ ରହି ବିଜେଡିର ଦଳୀୟ କାର୍ଯ୍ୟକ୍ରମ, ଟିକେଟ ବଣ୍ଟନରେ ପ୍ରମୁଖ ଭୂମିକା ଏବଂ ନିର୍ବାଚନ ପରିଚାଳନା କରିପାରିବେ କି ? ଏହାକୁ ନେଇ ପ୍ରଶ୍ନ ଉଠାଇଥିଲା ବିଜେପି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଅଫିସର ଟିକେଟ ବାଣ୍ଟିବା କିମ୍ବା ଦଳୀୟ ସଭାରେ ଭାଷଣ ଦେବା କେବେ ଅନ୍ୟ କୌଣସି ରାଜ୍ୟରେ ଦେଖାଯାଇ ନାହିଁ । ପାଣ୍ଡିଆନ ଅଫିସର ନା ନେତା ରାଜ୍ୟ ସରକାର ସ୍ପଷ୍ଟ କରନ୍ତୁ ବୋଲି ଦାବି କରିଥିଲା ବିଜେପି ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV