ଅର୍ଗସ ବ୍ୟୁରୋ : ବିଧାନସଭାରେ ରେଭେନ୍ସା ତାତି । ରେଭେନ୍ସା ନାମ ପରିବର୍ତ୍ତନ ପ୍ରସଙ୍ଗରେ ଶୂନ୍ୟକାଳରେ ଶାସକ ବିରୋଧୀ ମୁହାଁମୁହିଁ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରେଭେନ୍ସାକୁ ନେଇ ଯେଉଁ ବ୍ୟକ୍ତିଗତ ମତ ଦେଇଛନ୍ତି ତାକୁ ରାଜ୍ୟବାସୀ ଗ୍ରହଣ କରିଛନ୍ତି ବୋଲି କହିଛନ୍ତି ବିଜେପି ବିଧାୟକ ଟଙ୍କଧର ତ୍ରିପାଠୀ । ଯିଏ ଦିନେ ରିମୋଟରେ ଚାଲୁଥିଲେ ସେ କଣ କହିବେ ? ରେଭେନ୍ସା କୁ ନେଇ ଅନେକ କଥା ରହିଛି। ଓଡ଼ିଶାର ଇତିହାସ ମହାନ୍। ଅନେକ ବରପୁତ୍ର ଅଛନ୍ତି।

ଅଧିକ ପଢନ୍ତୁ : ରେଭେନ୍ସାରେ ଅଣଛାତ୍ରଙ୍କ ପ୍ରବେଶକୁ ନେଇ ବିବାଦ

ଯଦି ବରପୁତ୍ରଙ୍କ ନାମରେ ରେଭେନ୍ସା ନାମିତ ହେଲେ ଅସୁବିଧା କେଉଁଠି ? ତାକୁ ନେଇ ରାଜନୀତି କରିବା ଠିକ୍ ନୁହେଁ। ସେନେଇ ବିତର୍କ ହେବାର ଆବଶ୍ୟକତା ରହିଛି। ଯିଏ ଆମ ରାଜ୍ୟକୁ କବଳିତ କରି ଲୁଣ୍ଠନ କରୁଥିଲେ ତାଙ୍କ ନାମ ରହିବା ଦରକାର ନା ଆମ ଗର୍ବ ଓ ଗୌରବ ମାନଙ୍କ ନାମ ରହିବା ଦରକାର, ତାକୁ ବିଚାର କରନ୍ତୁ ବୋଲି ଦାବି କରିଛନ୍ତି ବିଜେପି ବିଧାୟକ ଟଙ୍କଧର ତ୍ରିପାଠୀ।  ସେପଟେ ରେଭେନ୍ସା ପ୍ରସଙ୍ଗରେ ମୁଖ୍ୟମନ୍ତ୍ରୀ ଗୃହରେ ବିବୃତି ରଖନ୍ତୁ ବୋଲି ଦାବି କରିଛନ୍ତି ବିରୋଧୀ ଦଳ ।