ଅର୍ଗସ ବ୍ୟୁରୋ: ଲଗାଣ ବର୍ଷାରେ ଭୁଶୁଡ଼ିଲା ରାଇସ ମିଲ l ନଷ୍ଟ ହେଲା କ୍ୱିଣ୍ଟାଲ କ୍ୱିଣ୍ଟାଲ ଚାଉଳ ଏବଂ ଧାନ। ଆଉ ଅଳ୍ପକେ ବର୍ତିଲେ କର୍ମଚାରୀ । ନବରଙ୍ଗପୁର ଜିଲ୍ଲାରେ ପ୍ରବଳ ବର୍ଷା ଯୋଗୁଁ ଏଭଳି ଘଟଣା ଦେଖିବାକୁ ମିଳିଛି। ଗତ ତିନି ଦିନ ଧରି ନବରଙ୍ଗପୁରରେ ପ୍ରବଳ ମାତ୍ରାରେ ବର୍ଷା ଲାଗିରହିଛି । ଯାହାର ପ୍ରଭାବରେ ନବରଙ୍ଗପୁର ପ୍ରାଇଭେଟ ବସ ଷ୍ଟାଣ୍ଡ ନିକଟସ୍ଥ ବଜରଙ୍ଗୀ ରାଇସ ମିଲ ଭୁଶୁଡି ପଡିଛି । ବର୍ଷା ପାଣି ପସି ରାଇସ ମିଲ ଭିତରେ ଥିବା ତିନି ହଜାର କ୍ୱିଣ୍ଟାଲର ସରକାରୀ ଚାଉଳ ଏବଂ ଧାନ ସବୁ ନଷ୍ଟ ହୋଇଯାଇଛି । 

ସୂଚନା ଅନୁଯାୟୀ ପ୍ରାୟ ୩୦ ଲକ୍ଷ ଟଙ୍କାର ଚାଉଳ ମିଲରେ ଥିଲା ଯାହା ସରକାରଙ୍କ ତରଫରୁ ହିତାଧିକାରୀଙ୍କୁ ଯୋଗାଣ ପାଇଁ ରହିଥିଲା । ଦୁଇ ମହଲା ବିଶିଷ୍ଟ ସେହି କୋଠାରେ ୫ ଜଣ କର୍ମଚାରି ରୁହନ୍ତି । ସମସ୍ତ କର୍ମଚାରୀ ରାତ୍ରି ଭୋଜନ ପାଇଁ ଘରକୁ ଯାଇଥିବାରୁ ଅଘଟଣରୁ ବର୍ତ୍ତୀ ଯାଇଛନ୍ତି ।  ତେବେ ଘଟଣା ବାବଦରେ ଯୋଗାଣ ବିଭାଗ ଅଧିକାରୀଙ୍କୁ ଅବଗତ କରାଯାଇବେଳେ ଧାନ ଗୁଡିକୁ କିପରି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇପାରିବ ସେନେଇ ଆବଶ୍ୟକ ପଦକ୍ଷେପ ଗ୍ରହଣ କରିବା ଓ ତାଙ୍କ କ୍ଷୟକ୍ଷତିର ଆକଳନ କରି କ୍ଷତିପୂରଣ ଦେବା ପାଇଁ ଅନୁରୋଧ କରିଛନ୍ତି ମିଲ ମାଲିକ ବିକାଶ ଅଗ୍ରୱାଲ। ଅପରପକ୍ଷରେ ସ୍ଥାନୀୟ ଅଞ୍ଚଳର ସମସ୍ତ ମିଲ ମାଲିକ ପହଞ୍ଚି କ୍ଷତି ପୂରଣ ଦେବା ପାଇଁ ଅନୁରୋଧ କରିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର