ପଥୁରିଆ ରାସ୍ତାରେ ପାଦେ ପାଦେ ବିପଦ
ଅର୍ଗସ ବ୍ୟୁରୋ: କୋରାପୁଟ ଜିଲ୍ଲା ପଟଙ୍ଗୀ ବ୍ଲକର ସମ୍ବାଇ ପଂଚାୟତ ଅନ୍ତର୍ଗତ ଉପାନ୍ତ ଇଲାକା ଟବାନାୟକଗୁଡା ଗାଁର ରାସ୍ତାର ଅବସ୍ଥା ନ କହିବା ଭଲ । ଗାଁକୁ ଯିବାକୁ ହେଲେ ମାଟି ଓ ପଥୁରିଆ ରାସ୍ତା ଦେଇ ଯିବାକୁ ପଡ଼େ । କାଦୁଅ ସର ସର ରାସ୍ତାରେ ପ୍ରତି ପାଦେ ପାଦେ ବିପଦ । ଏହି ରାସ୍ତା ଉପରେ 5ଟି ଗ୍ରାମର ଗ୍ରାମବାସୀ ନିର୍ଭର କରିଥାନ୍ତି । ମାତ୍ର ଏ ଖାଲ-ଢିପ ପଥୁରିଆ.. ଜଙ୍ଗଲ ରାସ୍ତା ଯୋଗୁଁ ବହୁ ଅସୁବିଧାର ସମୁଖୀନ ହେବାକୁ ପଡୁଛି । ଲୋକଙ୍କ ଅଭିଯୋଗ 25 ବର୍ଷ ଶାସନ କାଳରେ ବିଜେଡି ସରକାର କେବଳ ମିଛ ପ୍ରତିଶୃତି ଦିଅନ୍ତି । ସମସ୍ୟାର ସମଧାନ କଥା ଭୁଲି ଯାଆନ୍ତି । ଅନେକ ଥର ଅଭିଯୋଗ ପରେ ବି କେହି ଶୁଣୁନଥିବା କହିଛନ୍ତି ଗ୍ରାମବାସୀ ।
ଯାତାୟତ ପାଇଁ ଲୋକେ ଭୋଗୁଛନ୍ତି ଦୁର୍ଦ୍ଦଶା । ଅବହେଳାରୁ ଗ୍ରାମରେ ପହଁଚି ପାରିନି ସୁବିଧା । ପୂର୍ବ ବିଜେଡି ସରକାରଙ୍କ ଅପାରଗତା ଯୋଗୁଁ ଗାଁକୁ କାମ କେବଳ ପ୍ରହସନ ପାଲଟିଛି । ଏବେ ନୁଆ ସରକାରଙ୍କ ଉପରେ ଆସ୍ଥା ପ୍ରକଟ କରିଛନ୍ତି ଗ୍ରାମବାସୀ ।
ଅଧିକ ପଢ଼ନ୍ତୁ ଓଡିଶା ଖବର:
