ଅର୍ଗସ ବ୍ୟୁରୋ: ଦୀର୍ଘ ଦିନ ଧରି ଧାନ ବିକା ଟଙ୍କା ନ ପାଇବାରୁ ଚାଷୀମାନେ ରାସ୍ତାରୋକୋ କରିଛନ୍ତି। ଧାମରା ବାସୁଦେବପୁର ମୁଖ୍ୟ ରାସ୍ତାର ଚାନ୍ଦିମାଳ ନିକଟରେ ଚାଷୀ ମାନେ ମୁଖ୍ୟ ରାସ୍ତାକୁ ଅବରୋଧ କରିଛନ୍ତି ।  ବାସୁଦେବପୁର ବ୍ଲକର ଗଦି ସେବା ସମବାୟ ସମିତି ଅଧୀନରେ ଚାଷୀ ମାନେ ଧାନ ଦେଇଥିବାବେଳେ ଆଜକୁ ବର୍ଷେ ହେବାକୁ ବସିଲାଣି ହେଲେ ଧାନ ବିକା ଟଙ୍କା ଆଜି ପର୍ଯ୍ୟନ୍ତ ଚାଷୀଙ୍କୁ ମିଳିଲା ନାହିଁ। 

ଫଳରେ ଚାଷୀ ମାନେ ବାସୁଦେବପୁର- ଧାମରା ମୁଖ୍ୟ ରାସ୍ତାର ଚାନ୍ଦିମାଲ ଛକ ନିକଟରେ ରାସ୍ତାରୋକ କରିଥିଲେ । ଜାନୟାରୀ ମାସରେ ଚାଷୀ ମାନେ ଆଖି ସ୍କାନ କରି ଧାନ ଦେଇଥିଲେ । ହେଲେ ଟଙ୍କା ପାଇଁ ଆଜି କାଲି କହି ଦିନ ଗଡାଇ ଚାଲିଥିଲେ ସୋସାଇଟିର ସମ୍ପାଦକ । ପରେ ଚାଷୀ ମାନେ ଏ ବାବଦରେ ଯୋଗାଣ ବିଭାଗ ଅଧିକାରୀଙ୍କ ନିକଟରୁ ଜିଲାପାଳ ପର୍ଯ୍ୟନ୍ତ ସମସ୍ତଙ୍କ ନିକଟରେ ଅଭିଯୋଗ କରିଥିଲେ ସୁଦ୍ଧା ଚାଷୀ ମାନେ ତାଙ୍କ ଧାନ ବିକା ଟଙ୍କା ପାଇନଥିଲେ । ଫଳରେ ବାଧ୍ୟ ହେଇ ଆଜି ଚାଷୀ ମାନେ ରାସ୍ତାରୋକ କରିଥିଲେ । ତୁରନ୍ତ ସେମାନଙ୍କୁ ତାଙ୍କର ଟଙ୍କା ମିଳିବାକୁ ଦାବି କରିଥିଲେ । ନ ହେଲେ ଚାଷୀ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି। 

ଅଧିକ ପଢ଼ନ୍ତୁ ଓଡ଼ିଶା ଖବର