ଅର୍ଗସ ବ୍ୟୁରୋ: ଟିଟିଲାଗଡ଼ ଜେଲ୍‌ରୁ ଦୁଇ କଏଦୀ ଫେରାର ଘଟଣାରେ ଆଉ ଜଣେ ନିଲମ୍ବିତ । ସମ୍ବଲପୁର ସର୍କଲ ଅଧୀକ୍ଷକ ଟିଟିଲାଗଡ଼ ଜେଲ୍‌ରେ କାର୍ଯ୍ୟରତ ୱାର୍ଡେନ ସଙ୍ଗୀତା ଗିରି ନିଲମ୍ବିତ । ପୂର୍ବରୁ ୱାର୍ଡେନ୍ ଦାନୀ ଦୋରାଙ୍କୁ ନିଲମ୍ବନ କରିଥିଲେ ଜେଲ୍ ପୋଲିସ୍ ଡିଜି । ଘଟଣାକୁ 6 ଦିନ ବିତିଯାଇଥିଲେ ମଧ୍ୟ ଫେରାର୍ କଏଦୀଙ୍କ ସମ୍ପର୍କରେ ପୁଲିସ୍ ଟେର୍ ପାଇପାରି ନାହିଁ ।

ଫେରାର ୨ କଏଦୀ ସୁମିତ ବିହାରୀ ଓ ଶୋଭାବନ ରଣା ଜେଲ୍‌ର ଅନ୍ୟାନ୍ୟ କାମ ସହ କମ୍ପ୍ୟୁଟର କାମ ମଧ୍ୟ କରୁଥିଲେ । କିଛି ମାସ ପୂର୍ବରୁ ଶୋଭାବନ ମାନସିକ ରୋଗରେ ପୀଡ଼ିତ ଥିବା ଦର୍ଶାଇ କଟକରେ ମାସେରୁ ଅଧିକ ସମୟ ଚିକିତ୍ସିତ ହୋଇଥିଲା । ସେହି ସମୟରୁ ସେ ଫେରାର ମାରିବା ପାଇଁ ଯୋଜନା ପ୍ରସ୍ତୁତ କରିଥିବା ଜଣାପଡିଛି । ନରବଳୀ ଘଟଣାର ହତ୍ୟା ଅଭିଯୁକ୍ତ ଏହି ଦୁଇ କଏଦୀ ।

ଆହୁରି ପଢନ୍ତୁ ଓଡିଶା ଖବର...