ବଲାଙ୍ଗୀର: ଅବିକଳ ଗାଁ ପରିବେଶ । ଗାଡ଼ିଆ, କୁନି କୁନି ମାଟି ଘର, ଚାଳ ଘର, କାଠ ତିଆରି ଛୋଟ ହଳ, ଗାଁ ମନ୍ଦିର, ଭାଗବତ ଟୁଙ୍ଗି, କୂଅ, ପୁଣି ଓଡ଼ିଆ ଘରର ଝୋଟି ଚିତା ଏ ସବୁରେ ଆଖି ଲାଗି ଯାଉଛି । ଲାଗୁଛି ଯେମିତି ଛୋଟ ପିଲା ଖେଳିବା ପାଇଁ ଏ ସବୁ କିଏ ତିଆରି କରିଛି । କିନ୍ତୁ ପ୍ରକୃତ କଥା ଟି ହେଉଛି ଏ ସବୁ ତିଆରି ହୋଇଛି ମା' ସରସ୍ୱତୀଙ୍କ ଆଗମନରେ ।

ବଲାଙ୍ଗୀର ଜିଲ୍ଲା ସଇଁନ୍ତଳା, ସରକାରୀ ଉଚ୍ଚ ବାଳିକା ଅନୁସୂଚୀତ ଜାତି ଓ ଜନଜାତୀ ବିଦ୍ୟାଳୟର ଛାତ୍ରୀ ମିଶି ଏ ସବୁ ତିଆରି କରିଛନ୍ତି । ସରସ୍ୱତୀଙ୍କ ପୂଜା ପାଇଁ ସ୍କୁଲର ପୂଜା ସ୍ଥାନକୁ ଗାଁ ଥିମ୍ ରେ ସଜାଇଛନ୍ତି । ଯାହାକି ସମସ୍ତଙ୍କୁ ବେଶ ଆକୃଷ୍ଟ କରୁଛି । ଗାଁ ପରିବେଶ କ'ଣ ? କେମିତି ? ଏ ସବୁକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ଏମିତି ଏକ ଛୋଟ ଗାଁ ର ମାହୋଲ ତିଆରି କରିଛୁ ବୋଲି ସ୍କୁଲର ଛାତ୍ରୀ କହିଛନ୍ତି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV