ଅର୍ଗସ ବ୍ୟୁରୋ: 2024 ସାଧାରଣ ନିର୍ବାଚନ ପାଇଁ ସୁରକ୍ଷା ପ୍ରସ୍ତୁତି ।  ଜିଲ୍ଲା ବର୍ଡରରେ ଓ ରାଜ୍ୟ ବର୍ଡ଼ରରେ ପାରା ମିଲିଟାରୀ ଫୋର୍ସ ମୁତୟନ ନେଇ ନିଷ୍ପତି ହୋଇଛି । ଓଡିଶାରେ ମୁତୟନ ହୋଇଛନ୍ତି 75 କମ୍ପାନୀ ସେଣ୍ଟ୍ରାଲ ଆର୍ମ ପୋଲିସ ଫୋର୍ସ । 35 କମ୍ପାନୀ CRPF, 35 କମ୍ପାନୀ BSF ଓ 5 କମ୍ପାନୀ CISF ଫୋର୍ସ ମୁତୟନ ହୋଇଛନ୍ତି । ଦୁଇଟି ପର୍ଯ୍ୟାୟରେ ପ୍ରି ପୋଲ୍ ପାଇଁ ସମସ୍ତ ଫୋର୍ସ ମୁତୟନ ହୋଇ ସାରିଛନ୍ତି । ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ସିଆରପିଏଫ ଆଇଜି ଅର୍ଚନା ସିଭରେ । 

ପେଟ୍ରୋଲିଂ ସହ ନକ୍ସଲ ବିରୋଧୀ ଅପରେସନରେ ଏବେ ପାରା ମିଲିଟାରୀ ଫୋର୍ସ କାମ କରୁଛି । ନିର୍ବାଚନ କମିଶନଙ୍କ ନିର୍ଦେଶ ପରେ କେନ୍ଦ୍ର ଗୃହ ବିଭାଗ CRPF ଆଇଜିଙ୍କୁ ଷ୍ଟେଟ ଫୋର୍ସ କୋଡିନେଟର ଦାୟିତ୍ତ୍ବ ଦିଆଯାଇଛି । ପ୍ରି ପୋଲ୍ ସମୟରେ ପାରା ମିଲିଟାରୀ ଫୋର୍ସ କ'ଣ କାମ କରୁଛି କେନ୍ଦ୍ର ଗୃହ ମନ୍ତ୍ରାଳୟ ଓ ନିର୍ବାଚନ କମିଶନଙ୍କୁ ପଠାଯାଉଛି । ଛତିଶଗଡ ବର୍ଡରରୁ ନକ୍ସଲ ଅନୁପ୍ରବେଶ ସମ୍ଭାବନାକୁ ଦୃଷ୍ଟିରେ ରଖି 2023ରେ CRPF 4 ଟି ନୂଆ କ୍ୟାମ୍ପ ଲଗାଇଛି ଯେଉଁଠି କୋବ୍ରା ଫୋର୍ସ ମୁତୟନ ହୋଇଛନ୍ତି । 

ନକ୍ସଲ ଅଞ୍ଚଳରେ ମୁତୟନ ଥିବା ପେଟ୍ରୋଲିଙ୍ଗ୍ ଗାଡି ଉପରେ ହେଡ୍ କ୍ୱାର୍ଟରରୁ ନଜର ରଖାଯିବ । ଓଡିଶାରେ ଓଡ଼ିଆ ନକ୍ସଲ ନାହାନ୍ତି ବୋଲି କହିଛନ୍ତି ସିଆରପିଏଫ ଆଇଜି । ଗତ କିଛି ମାସ ଭିତରେ ଯିଏ ବି ଧରା ପଡିଛନ୍ତି ସମସ୍ତେ ଛତିଶଗଡ଼ର ବୋଲି ସେ କହିଛନ୍ତି ।

ଆହୁରି ପଢନ୍ତୁ ଓଡିଶା ଖବର...