ଭୁବନେଶ୍ୱର: ରାତି ପାହିଲେ ନୂଆବର୍ଷ । 2023କୁ ବିଦାୟ ଦେଇ 2024କୁ ସ୍ୱାଗତ କରିବାକୁ ସମସ୍ତେ ବ୍ୟାକୁଳ ।  ଭୋଜି ଭାତ, ନାଚଗୀତ କରିବାରେ ସମସ୍ତେ ବ୍ୟସ୍ତ । ବଡ ବଡ ହୋଟେଲ ମାନଙ୍କରେ ଜିରୋ ନାଇଟ୍ ସେଲିବ୍ରେସନ କରିବାକୁ ସ୍ୱତନ୍ତ୍ର ବ୍ୟବସ୍ଥା ହୋଇଛି । ସେପଟେ ସୁରକ୍ଷାକୁ ଦୃଷ୍ଟିରେ ରଖି ରାଜଧାନୀରେ ସ୍ୱତନ୍ତ୍ର ବ୍ୟବସ୍ଥା ହୋଇଛି । 29 ଜାଗାରେ ନାକା ବନ୍ଦୀ କରିବ ପୋଲିସ । 18 ଟି ସ୍ଥାନରେ ଡ୍ରିଙ୍କ୍ ଆଣ୍ଡ୍ ଡ୍ରାଇଭ ଚେକିଂ କରାଯିବ । ଯେ କୌଣସି ପରସ୍ଥିତିର ମୁକାବିଲା ପାଇଁ 4 ଟି କୁଇକ୍ ଆକ୍ସନ୍ ଟିମ୍ ସହ ସ୍ପେଶାଲ ଷ୍ଟ୍ରାଇକିଂ ଫୋର୍ସ ପ୍ରସ୍ତୁତ ହୋଇ ରହିବେ । ରାଜଧାନୀ ପାଇଁ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କରାଯାଇଥିବାବେଳେ 4 ଅତିରିକ୍ତ ଡିସିପି, 7  ଏସିପି ଓ 24 ଇନ୍ସପେକ୍ଟରଙ୍କ ସହ 14 ପ୍ଲାଟୁନ ଫୋର୍ସ ମୁତୟନ କରାଯାଇଛି । 

ଆହୁରି ପଢନ୍ତୁ ଓଡିଶା ଖବର...