ମୟୂରଭଞ୍ଜ:  ଏସିଆର ଦ୍ୱିତୀୟ ଜୈବମଣ୍ଡଳ ହେଉଛି ଶିମିଳିପାଳ । ଶିମିଳିପାଳକୁ ଘାରିଛି ନିଆଁ ଡର । ଶିମିଳିପାଳ ଅଭୟାରଣ୍ୟରେ ନିଆଁ ଲାଗିଲେ ନିଆଁ ଲିଭାଇବା ବଡ଼ କଷ୍ଟକର ହେଇଥାଏ । ଥରେ ଶିମିଳିପାଳ ଅଭୟାରଣ୍ୟରେ ନିଆଁ ଲାଗିଲେ ଅନେକ ଦିନ ଧରି ନିଆଁ ଜଳୁଥାଏ ।  ଶିମିଳିପାଳରେ ଏମିତି ଅନେକ ସ୍ଥାନ ଅଛି  ଯେଉଁଠି ନିଆଁ ଲାଗିଲେ ସଙ୍ଗେ ସଙ୍ଗେ ବନ ବିଭାଗ କର୍ମଚାରୀ ଜାଣି ପାରନ୍ତି ନାହଁ । କିମ୍ବା  ସେଟେଲାଇଟ ରିପୋର୍ଟ 4 ଘଣ୍ଟା ବିଳମ୍ବ ଆସୁଥିବାରୁ ସେହି ସମୟ ମଧ୍ୟରେ  ନିଆଁ ଅନେକ ସ୍ଥାନରେ ବ୍ୟାପି ଯାଇଥାଏ । 

ଚଳିତବର୍ଷ  ଶିମିଳିପାଳ ଅଭୟାରଣ୍ୟକୁ ସୁରକ୍ଷା ଦେବା ପାଇଁ ନୂତନ ଟେକ୍ନୋଲୋଜିକୁ ଗୁରୁତ୍ୱ ଦେଉଛନ୍ତି ଶିମିଳିପାଳ କର୍ତ୍ତୃପକ୍ଷ । ଶିମିଳିପାଳ ଅଭୟାରଣ୍ୟରେ ନିଆଁ ରୋକିବା ପାଇଁ ଶିମିଳିପାଳ କର୍ତ୍ତୃପକ୍ଷ ଅଭୟାରଣ୍ୟରେ ଲଗାଇବେ 360 ସରଭିଲେନ୍ସ କ୍ୟାମେରା ।  ଏହି କ୍ୟାମେରା ଲାଗିବା ସ୍ଥାନର ଚତୁଃର୍ପାଶ୍ୱର ୧୫ କିଲୋମିଟର ଭିତରେ ଭିଡିଓ ଏବଂ ଫୋଟ ତୁରନ୍ତ ପଠାଇବ  କଣ୍ଟ୍ରୋଲ ରୁମକୁ । 

ନିଆଁ ଲାଗିଲେ କିମ୍ବା ବନ୍ୟଜନ୍ତୁ ଶିକାରୀ ପ୍ରବେଶ କଲେ ତାହା ସଙ୍ଗେ ସଙ୍ଗେ ଜାଣିହେବ । ଏହି କ୍ୟାମେରା ଲାଗିଲେ ସମସ୍ୟା ସମାଧାନ ହେବ ବୋଲି ଆଶଙ୍କା କରାଯାଉଛି । 360 ସରଭିଲେନ୍ସ କ୍ୟାମେରା ଲାଗିଲେ ତାହା ଓଡ଼ିଶାର ପ୍ରଥମ ଘଟଣା ହେବ । ଏଥି ସହିତ ନିଆଁ ଲିଭାଇବା ପାଇଁ ଏବଂ ବନ୍ୟଜନ୍ତୁ ଶିକାରୀ ରୋକିବା ପାଇଁ ଥର୍ମାଲ ଡ୍ରୋନ କ୍ୟାମେରା ବ୍ୟବହାର କରାଯାଉଛି ।

ଆହୁରି ପଢନ୍ତୁ ଓଡିଶା ଖବର...