Argus News - ଏସଆଇ କେଳେଙ୍କାରୀ, ଅର୍ଗସରେ ମହାଖୁଲାସା

ଦଶପଲ୍ଲା ପୁରୁଣା ପୋଇବାଡି ଖଳି ସାହିରେ ଏଇ ଫାର୍ମ ହାଉସରୁ ଜବତ ହୋଇଛି ଏସଆଇ ଚାକିରି କେଳେଙ୍କାରୀର ଦଲାଲ ମୁନ୍ନା ମହାନ୍ତିର ଥାର୍ ଗାଡି। ଏଇ ଫାର୍ମ ହାଉସ୍ ହେଉଛି ବିଜେଡି ନେତା ପିଙ୍କୁ ପାତ୍ରଙ୍କର।

ଅଭିଯୋଗ ଅନୁସାରେ ରିଙ୍କୁ ମହାରଣାର ଖାସ୍ ପିଙ୍କୁ। ପିଙ୍କୁ ପାତ୍ରଙ୍କ ବାପା ଗାଁ ଗାଁ ବୁଲି ଲୁଗା ବେପାର କରୁଥିଲେ। ମାତ୍ର କେଇ ଦିନରେ ପିଙ୍କୁ ପାତ୍ର କେମିତି ହୋଇଗଲେ କୋଟିପତି। ସହର ଭିତରେ ଇଏ ହେଉଛି ପିଙ୍କୁଙ୍କ ବିରାଟ ଘର। ପିଙ୍କୁ ଗିରଫ ଅଭିମନ୍ୟୁ ଦୋରାଙ୍କ ମଧ୍ୟ ଅନୁଗତ। ଏସଆଇ କଳେଙ୍କାରୀରେ ଦଶପଲା ବିଜେଡି ବିଧାୟକ ରମେଶ ବେହେରାଙ୍କ ସଂପୃକ୍ତି ଅଭିଯୋଗ ଆଣିଛନ୍ତି ବିଜେପି ନେତା ତଥା 2024 ନିର୍ବାଚନରେ ବିଜେପି ପ୍ରାର୍ଥୀ ରମେଶ ବେହେରା ।

ସେପଟେ ମୁନ୍ନା ମହାନ୍ତିର କେଳେଙ୍କାରୀର ଖୋଲୁଛି ଗୋଟିଏ ପରେ ଗୋଟିଏ ଗୁମର। ମୁନ୍ନାର ଜବତ ଗାଡ଼ି ବାହାରେ ବି ଅଛି ଆହୁରି ଅନେକ ଗାଡ଼ି। ଜେସିବି ନମ୍ବର OD33AG4742। ଏ ଗାଡି ରହିଛି ମୁନ୍ନା ମହାନ୍ତିର ଭଉଣୀ ନାଁରେ। ଚର୍ଚ୍ଚା ହେଉଛି ମୁନ୍ନା ଓ ତା ସଂପର୍କୀୟଙ୍କ ନାଁରେ ଆହୁରି 3 ଟ୍ରାକ୍ଟର, ଗୋଟିଏ ହିଟାଚି, 2ଟି ହାଇୱା ଥିବା ଚର୍ଚ୍ଚା ହେଉଛି। ଅଭିଯୋଗ ହେଉଛି ଟାକରା ବାଲିଘାଟରୁ ବେଆଇନ ବାଲି ଚାଲାଣରେ ଲାଗୁଥିଲା ଗାଡି ।

ରିଙ୍କୁ ତା' ସଂପର୍କୀୟ ଘରେ କଲାପଥରରେ ରହୁଥିଲା, ସେତେବେଳରୁ ରିଙ୍କୁ ଓ ମୁନ୍ନାର ସଂପର୍କ, ରିଙ୍କୁ ହିଁ ମୁନ୍ନାର ଭୁବନେଶ୍ବରର 9 ନମ୍ବରରେ ଚା' ଦୋକାନ ପାଇଁ ସହଯୋଗ କରିଥିଲା ପ୍ରଶ୍ନପତ୍ର ଲିକ୍ ମାଷ୍ଟର ଶଙ୍କର ସହ ମୁନ୍ନାର ସଂପର୍କ ହେଲା, ତା' ପରେ ପ୍ରଶ୍ନପତ୍ର ଲିକ୍ ନେଟୱେର୍କ ଜାଲ ବିଛାଇଲେ ଶଙ୍କର ଓ ମୁନ୍ନା ।