ଭୁବନେଶ୍ବର: କେନ୍ଦ୍ରୀୟ ଉଦ୍ୟାନ କୃଷି ପରୀକ୍ଷଣ କେନ୍ଦ୍ର ଭୁବନେଶ୍ୱର ପକ୍ଷରୁ ଉଦ୍ୟାନ କୃଷିମାନଙ୍କ ଦକ୍ଷତା ବିକାଶ କାର୍ଯ୍ୟକ୍ରମ ଭୁନେଶ୍ବର ସ୍ଥିତ ଆଂଚଳିକ କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ଜାତୀୟ ଧାନ ଗବେଷଣା ସଂସ୍ଥାନ କଟକର ନିର୍ଦେଶକ ଡକ୍ଟର ଅମରେଶ ନାୟକ ଯୋଗ ଦେଇ ଆଇ .ଆଇ. ଏଚ. ଆର୍ ବେଙ୍ଗାଳୁରୁ ଦ୍ଵାରା ବିକଶିତ ପନିପରିବା ବିହନ ଓ ଜ୍ଞାନ କୌଶଳ ବ୍ୟବହାର ଦ୍ଵାରା ଚାଷୀ ମାନଙ୍କ ଆର୍ଥିକ ଉନ୍ନତି ହୋଇପାରିଛି ତେଣୁ ଚାଷୀ ମାନେ ଏହି ଜ୍ଞାନ କୌଶଳ ବ୍ୟବହାର କରିବା ପାଇଁ ପରାମର୍ଶ ଦେଇଥିଲେ ।

କେନ୍ଦ୍ରୀୟ ଉଦ୍ୟାନ ପରିକ୍ଷଣ କେନ୍ଦ୍ର ଭୁବନେଶ୍ୱର ର ମୁଖ୍ୟ ଡକ୍ଟର ଗୋବିନ୍ଦ ଆଚାର୍ଯ୍ୟ ଙ୍କ ସଭାପତିତ୍ବରେ ଅନୁଷ୍ଟିତ ଅନୁସୂଚିତ ଜାତି ଚାଷୀ ମାନଙ୍କ ଦକ୍ଷତା ବିକାଶ କାର୍ଯ୍ୟକ୍ରମରେ ବେଙ୍ଗାଳୁରୁ ର ପ୍ରଧାନ ବୈଜ୍ଞାନିକ ଡକ୍ଟର ସେନ୍ଥିଲ କୁମାର ଯୋଗଦେଇ ଉଦ୍ୟାନ କୃଷିରେ ହେଉଥିବା ଲାଭ ସମ୍ପର୍କ ରେ ବୁଝାଇ ଥିଲେ ।

ଭୁବନେଶ୍ୱର ସ୍ଥିତ କେନ୍ଦ୍ରୀୟ ଉଦ୍ୟାନ କୃଷି ପରୀକ୍ଷଣ କେନ୍ଦ୍ରର ପ୍ରଧାନ ବୈଜ୍ଞାନିକ ଡକ୍ଟର ପି ଶ୍ରୀନିବାସ, ବୈଜ୍ଞାନିକ ଡକ୍ଟର ସତ୍ୟପ୍ରିୟ ସିଂ, ଡକ୍ଟର ଏ ଭି ଭି କୌଣ୍ଡନ୍ୟ,ବରିଷ୍ଟ ବୈଜ୍ଞାନିକ ଡକ୍ଟର ଦୀପା ସାମନ୍ତ ଓ ବୈଷୟିକ ଅଧିକାରୀ ପୂର୍ଣ୍ଣ ଚନ୍ଦ୍ର ମାଝୀ ମୋନୋଜ ପଟନାୟକ ଉଦ୍ୟାନ କୃଷିର ବିଭିନ୍ନ ବିଭାଗରେ ତାଲିମ୍ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ ରେ ରିନା ପଟନାୟକ ଓ ଅରୁଣ କୁମାର ବାରିକ ସହିଯୋଗ କରିଥିଲେ ।

ଏହି କାର୍ଯ୍ୟକ୍ରମରେ ଗଜପତି,ଗଞ୍ଜାମ,କଟକ,ପୁରୀ ଯାଜପୁର ଓ ଢେଙ୍କାନାଳ ଜିଲ୍ଲାର 250 ଜଣ ଚାଷୀ ମାନଙ୍କୁ ଚାଷ ଉପକରଣ ପ୍ରଦାନ କରାଯାଇଥିଲା ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV