ନାଉରିଙ୍କ ଟାର୍ଗେଟ୍‌ରେ ବବି
କହିଲେ, ବାହାର ଦୁନିଆ ଦେଖନ୍ତୁ ବବି

ଅର୍ଗସ ବ୍ୟୁରୋ : ସୋସିଆଲ ମିଡିଆରେ ପ୍ରଣବ ପ୍ରକାଶ ଦାସଙ୍କ ପୋଷ୍ଟକୁ ନେଇ କାଉଣ୍ଟର କଲେ ବିଜେପି ବିଧାୟକ ନାଉରୀ ନାୟକ । ଏକ୍ସରେ ପୋଷ୍ଟ କରି ୫୫ ନମ୍ବର ଜାତୀୟ ରଜପଥର ଦୁରାବସ୍ଥା ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପ୍ରଶ୍ନ କରିଥିଲେ ବିଜେଡି ସାଂଗଠନିକ ସଂପାଦକ ତଥା ସମ୍ବଲପୁର ଲୋକସଭା ଆସନରେ ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସ । ସୋସିଆଲ ମିଡିଆରେ ପ୍ରଣବଙ୍କୁ କାଉଣ୍ଟର କରିଛନ୍ତି ରେଙ୍ଗାଲି ବିଧାୟକ ନାଉରୀ ନାୟକ।

ସେ ଲେଖିଛନ୍ତି ପ୍ରଣବ ବାବୁ, ଆପଣ କ୍ରୀତଦାସ ମାନସିକତା ରଖି ଓଡ଼ିଆ ତଥା ଓଡ଼ିଶାର ସ୍ବାଭିମାନ ପ୍ରତି ଆଖି ବୁଜିଦେଇଛନ୍ତି । ନିଜେ ଆଗ କ୍ରୀତଦାସ ମାନସିକତାରୁ ବାହାରକୁ ବାହାରନ୍ତୁ । ଆପଣଙ୍କ ୨୫ ବର୍ଷ ସରକାର ନିଜ ବିଫଳ ରୂପାନ୍ତରଣକୁ ଲୁଚାଇବାକୁ ଚେଷ୍ଟା କେଲେ ବି କେବେ ଲୁଚିବନି । ଆଜି ରାଜ୍ୟରେ ସାଧାରଣ ଲୋକମାନେ ମୌଳିକ ସୁବିଧାରୁ ବଞ୍ଚିତ ଅଛନ୍ତି । କେଉଁଠି ପିଇବା ପାଣି ମିଳୁନି ତ କେଉଁଠି ଲୋକମାନେ ଡାକ୍ତରଖାନାରେ ସ୍ଵାସ୍ଥ୍ୟସେବାରୁ ବଞ୍ଚିତ ଅଛନ୍ତି ।

ଗଣମାଧ୍ୟମରେ ନିତିଦିନ ରୋଗୀମାନେ ଓ ପ୍ରସୂତି ମହିଳା ମାନେ ଖଟିଆରେ ନିଆଯାଉଥିବା ପ୍ରକାଶ ପାଉଛି । ନିକଟରେ କୁଚିଣ୍ଡା ସିମେଲବାହାଲ ଗାଁ ସମେତ ଯୁଯୁମୁରା ବ୍ଲକ ବେଲପାଣି ଗାଁ ସମେତ ଅନେକ ଅଞ୍ଚଳରେ ରୋଗୀଙ୍କୁ ଭାରରେ, ଖଟିଆରେ ନେବାର ଦୃଶ୍ୟ ସାମ୍ନାକୁ ଆସିଛି । ଯାହା ରାଜ୍ୟବାସୀଙ୍କୁ ବ୍ୟତିବ୍ୟସ୍ତ କରିଛି । ଓଡ଼ିଶାର ଶିଶୁମାନେ ଅପପୁଷ୍ଟିର ଶୀକାର ହେଉଛନ୍ତି । ଆପଣଙ୍କ ଜିଲ୍ଲା ନଗଡାରେ ଆଜି ବି ଲୋକମାନେ ଜର୍ଜରିତ ଅବସ୍ଥାରେ ଅଛନ୍ତି ଓ ସେମାନେ କେଉଁ ଅବସ୍ଥାରେ ଅଛନ୍ତି, ଆପଣମାନେ କେବେ ଭାବିଛନ୍ତି କି ?

ରାଉରକେଲା, ସମ୍ବଲପୁର ପରେ ବୁର୍ଲାରେ ହଇଜାରେ ଲୋକ ପ୍ରାଣ ହରାଇବା ବେଳେ ଆଜି ଆପଣଙ୍କ ପୁରୁଣା ଗୃହ ଜିଲ୍ଲା କଟକରେ ମଧ୍ୟ ଜଣ୍ଡିସ ବ୍ୟାପିବାର ଖବର ଆସିଛି । ଭୁବନେଶ୍ବର ଓ କଟକରେ ଡ୍ରେନରେ ପଡ଼ି ଲୋକମାନେ ପ୍ରାଣ ହରାଉଛନ୍ତି । ୨୫ ବର୍ଷର ରୂପାନ୍ତରଣର ଉପଲବ୍ଧି କ’ଣ ଏସବୁ ? ଆମ ନେତା ଧର୍ମେନ୍ଦ୍ର ପ୍ରଧାନ ସମ୍ବଲପୁର ପାଇଁ କଣ କରିଛନ୍ତି ସାଧାରଣ ଜନତା ଜାଣିଛନ୍ତି । ୧୯୯୨ ମସିହାରୁ ଆଜି ପର୍ଯ୍ୟନ୍ତ ନିଜ ଛାତ୍ର ରାଜନୀତିକ ଜୀବନରୁ ଆଜି ପର୍ଯ୍ୟନ୍ତ ସମ୍ବଲପୁର ସହ ତାଙ୍କର ସମ୍ପର୍କ ରହିଛି । ନିର୍ବାଚନ ଆସିଲା ବୋଲି ଆଜି ଆପଣଙ୍କୁ ସମ୍ବଲପୁର କଥା ମନେ ପଡୁଛି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV