ପାର୍ଟ ପ୍ଲଟ ପଞ୍ଜୀକରଣ ପାଇଁ ଆସିଲା SOP । ପାର୍ଟ ପ୍ଲଟ୍‌ ପଞ୍ଜୀକରଣ ପାଇଁ ଜାରି ହେଲା ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଡ୍ୟୁର ବା ଏସଓପି । ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଜାରି ହୋଇଛି ଏସଓପି । ଜମି ବିକ୍ରିର ସରଳୀକରଣ ହୋଇଛି । ଗ୍ରାମାଞ୍ଚଳରେ ଜଳାଶୟ ବ୍ୟତୀତ ଅନ୍ୟ ସମସ୍ତ ପ୍ରକାର କିସମର ଜମି ଲାଗି ବିନା କୌଣସି ଅନୁମୋଦନରେ ହୋଇପାରିବ ପାର୍ଟ ପ୍ଲଟ୍‌ ପଞ୍ଜିକରଣ ।

ଜଳାଶୟ କିସମ ଜମି କ୍ଷେତ୍ରରେ ପାର୍ଟ ପ୍ଲଟ୍‌ ନୁହେଁ, ସମ୍ପୂର୍ଣ୍ଣ ପ୍ଲଟ୍‌ର ପଞ୍ଜୀକରଣ ସମ୍ଭବପର ହୋଇପାରିବ । ଟାଉନ୍‌ ପ୍ଲାନିଂ ଅଥରିଟି ଅଧୀନରେ ଆସୁଥିବା ଅଞ୍ଚଳରେ ଅଥରିଟିର ବିନା ଲିଖିତ ଅନୁମତିରେ ହୋଇପାରିବନି ପାର୍ଟ ପ୍ଲଟ୍‌ ପଞ୍ଜିକରଣ, କିନ୍ତୁ ବଂଶାନୁକ୍ରମିକ ପାରିବାରିକ ଜମି କ୍ଷେତ୍ରରେ ବିନା ଅନୁମୋଦନରେ ପାର୍ଟ ପ୍ଲଟ୍‌ ପଞ୍ଜିକରଣ ହୋଇପାରିବ ।

ଏଥିସହ ପଢ଼ନ୍ତୁ: ନବୀନଙ୍କ ନାଁ ନେଇ BJD ନେତାଙ୍କୁ ଠକୁଥିଲେ ପାଣ୍ଡିଆନ୍‍, ଶ୍ରୀମୟୀ ଖୋଲିଦେଲେ ସବୁ ଗୁମର

ସେହିପରି ଏକ ବଡ଼ ପ୍ଲଟରୁ ଗୋଟିଏ ଥର ପାଇଁ ୫୦୦ ବର୍ଗମିଟରରୁ କମ୍‌ ପରିମାଣର ପାର୍ଟ ପ୍ଲଟ୍‌ ପଞ୍ଜିକରଣକୁ ଅନୁମତି ମିଳିବ । ତେବେ ସେଇ ଜମି ରିଅଲ ଇଷ୍ଟେଟ୍‌ ଉଦ୍ଦେଶ୍ୟରେ ବ୍ୟବହାର ହୋଇପାରିବ ନାହିଁ । ସେହିପରି ଚାଷ ଜମି କ୍ଷେତ୍ରରେ ପାର୍ଟ ପ୍ଲଟ୍‌ ପଞ୍ଜିକରଣ ସମ୍ଭବପର ।

କୃଷିଜମି ପ୍ଲଟ୍ କ୍ଷେତ୍ରରେ ଯଦି ଜମି ଏହାର କୃଷି କିସମ ଶ୍ରେଣୀର ଥାଏ ତେବେ ଉପବିଭାଜନ ଅନୁମତିପ୍ରାପ୍ତ । ଆବେଦନକାରୀମାନଙ୍କୁ ଜମିର କୃଷି କାର୍ଯ୍ୟରେ ବ୍ୟବହାର ଜାରି ରହିବା ନେଇ ଏକ ସ୍ୱ-ଘୋଷଣା (ଫର୍ମ ଡି) ଦାଖଲ କରିବାକୁ ପଡ଼ିବ । ସହରାଞ୍ଚଳରେ ପାରିବାରିକ ସଂପତ୍ତିର ପାର୍ଟ ପ୍ଲଟ ପାଇଁ ରିଅଲ୍ ଇଷ୍ଟେଟ୍ ଉପଯୋଗ ପାଇଁ ଉଦ୍ଦିଷ୍ଟ ନ ଥିବା ଛୋଟ ଉପବିଭାଜନ ସହ-ଅଂଶୀଦାର ବିଭାଜନ ହୋଇପାରିବ । ତେବେ ଏଥିରେ ପାରସ୍ପରିକ ସହମତି ଏବଂ ସମାନୁପାତିକ ଅଂଶ ବଣ୍ଟନ ଥିବା ଜରୁରୀ ।

ଅଧିକ ପଢ଼ନ୍ତୁ ଓଡ଼ିଶା ଖବର...

Argus News | argus news | Odisha Latest News, Breaking News, Trending News, Live TV