ଆଖିରୁ ଝରି ପଡ଼ୁଛି ଧାର ଧାର ଲୁହ... କାନ୍ଦି କାନ୍ଦି ଗାଉଛନ୍ତି ସୌମ୍ୟରଞ୍ଜନଙ୍କ ଗୁଣ । ସମସ୍ତଙ୍କ ମୁହଁରେ ସୌମ୍ୟରଞ୍ଜନଙ୍କୁ ନେଇ ଗୋଟିଏ କଥା ''ଆମ ପୁଅ ବହୁତ ଭଲ ଥିଲା'' ।

ଲୁହ , କାନ୍ଦ , ଅସହାୟ.. ସତେ ଯେମିତି ପରିବାର ଉପରେ ଏକା ସାଙ୍ଗରେ ଦାଉ ସାଧିଛନ୍ତି । କାନ୍ଦର କୋଳାହର ଭିତରୁ ଛୁଟି ଆସୁଛି ସୌମ୍ୟରଞ୍ଜନଙ୍କର ଗୁଣର ପ୍ରସଂଶା । ପୁରା ଗାଁ ଏବେ ସୌମ୍ୟରଞ୍ଜନଙ୍କୁ ହରାଇ କାନ୍ଦୁଛି । ଲୁହର ଲମ୍ବା ଧାର ଆଖିରୁ ଝରି ଚାଲିଛି ।

ମା'ର ଖାଲି କୋଳ ଏବେ ଚିତ୍କାର କରି କହୁଛି । ମୋ ପୁଅକୁ କିଏ ମୋତେ ଫରାଇ ଦିଅ । ବାପାଙ୍କ ଠାରୁ ଅଜା ସମସ୍ତ ଥର ଥର କଣ୍ଠରେ ସୌମ୍ୟରଞ୍ଜନକୁ ନେଇ ଗୁଣଗାନ । ସେ କେତେ ଭଲ ଥିଲେ । ଗାଁ ଲୋକଙ୍କୁ କେତେ ଭଲ ପାଉଥିଲେ । ପାଠ ପଢ଼ିବା ପାଇଁ କେତେ ପରିଶ୍ରମ କରୁଥିଲେ । କାନ୍ଦି କାନ୍ଦି ସମସ୍ତେ କହି ଯାଉଛନ୍ତି ।

ସୌମ୍ୟରଞ୍ଜନ ଦେଖିବାକୁ ସିନା ବହୁତ ହୃଷ୍ଟପୃଷ୍ଟ ଥିଲେ କିନ୍ତୁ ତାଙ୍କ ହୃଦୟ ବହୁତ କୋମଳ ଥିଲା। କାହାକୁ ରାଗିକି କଥା ପଦେଇ କହି ନାହାଁନ୍ତି । ଗାଁ ଲୋକଙ୍କୁ ବହୁତ ଭଲ ପାଉଥିଲେ । ରାସ୍ତା ଚାଲିକି ଗଲା ବେଳେ ବୁଡ଼ି ମା ଠାରୁ ବୁଢ଼ା ଅଜା ସମସ୍ତଙ୍କ ସହ ମଜା ମସ୍ତି କରୁଥିଲେ । ଯାହାକୁ ଏବେ ପୁରା ଗାଁ ଝୁରୁଛି । ଯିଏ ତା ଜୀବନରେ ଆଗକୁ ବଢ଼ିବା ପାଇଁ ବହୁତ କଷ୍ଟ କରିଥିଲା ସେ ତା ଜୀବନକୁ ଭଲରେ ବଞ୍ଚିପାରିଲା ନାହିଁ ବୋଲି କହୁଛନ୍ତି ସମସ୍ତେ । ବିନା ଦୋଷରେ ଆଜି ସୌମ୍ୟରଞ୍ଜନଙ୍କୁ ଦଣ୍ଡ ମିଳିଛି । ଏମିତି କହି କହି ଅଜାଙ୍କ ଆଖିରେ ବି ଲୁହ ଅଟକୁ ନାହିଁ ।

ଏଥିସହ ପଢ଼ନ୍ତୁ : ବୟଫ୍ରେଣ୍ଡ୍ ରୁମରେ ଗାର୍ଲଫ୍ରେଣ୍ଡକୁ ଗଣଦୁଷ୍କର୍ମ, ୪ ଛାତ୍ର ଗିରଫ

ଯେଉଁ ମା ଗୋଟିଏ ଭେଣ୍ଡିଆ ପୁଅକୁ ହରାଇଛି ତା ଛାତି ବା କେମିତି ସହିବ । ସେ କଣ ଆଉ କେବେ ହସି ପାରିବ ନା ତା ପୁଅକୁ କେବେ ଆଉ ନିଜ କୋଳରେ ଧରିପାରିବ। ତାଙ୍କ ପୁଅ ପରେ ଅଫେରା ରାଇଜର ରାଜକୁମାର ପାଲଟି ଯାଇଛନ୍ତି । ପୁଅ ରାଇଜର ରାଜା ହେଲେ ମା' ବହୁତ ଖୁସି ହୁଏ । କିନ୍ତୁ ସୌମ୍ୟରଞ୍ଜନ ଏମିତିକା ରାଇଜର ରାଜା ହୋଇଛନ୍ତି ଯେ ମାର ଆଖିରୁ ଲୁହ ସୁଖୁ ନାହିଁ । ପଣତ ଟେକି ପୁଅକୁ ଫେରାଇ ଦେବା ପାଇଁ ଗୁହାରି କରୁଛନ୍ତି ।

ଯେଉଁ ବାପା ପୁଅକୁ ନେଇ ଗର୍ବ କରୁଥିଲେ। ଶେଷ ସମୟରେ ସାହାର ହେବେ ବୋଲି ଭାବିଥିଲେ। ସେହି ବାପାର କାନ୍ଧ ପୁଅର ଶବକୁ ବୋହିବ। କେମିତିବା ଏ ପ୍ରଭୁଙ୍କର ବିଧାନ। ଏତେ ଦୁଃଖ କଣ ପାଇଁ। ପୁଅକୁ ହରାଇ ଆବାକ ହୋଇପଡ଼ିଛନ୍ତି ଏହି ବାପା ଜଣକ।