Videos
|
Odisha

SSB Exam Postponed / ପରୀକ୍ଷାର୍ଥୀଙ୍କ ପାଇଁ ବଡ଼ ଖବର; SSB ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଳର୍କ ନିଯୁକ୍ତି ପରୀକ୍ଷା ସ୍ଥଗିତ

Sushanta Sahoo
Browse all articles by Sushanta Sahoo
·25 mins ago·2 min read
ପରୀକ୍ଷାର୍ଥୀଙ୍କ ପାଇଁ ବଡ଼ ଖବର; SSB ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଳର୍କ ନିଯୁକ୍ତି ପରୀକ୍ଷା ସ୍ଥଗିତ
SSB Junior Assistant Exam Postponed

Key Points

ବାତ୍ୟା 'ଅକଭାନ'ର ସମ୍ଭାବ୍ୟ ପ୍ରଭାବକୁ ନଜରରେ ରଖି SSB ପକ୍ଷରୁ ହେବାକୁ ଥିବା ୨ଟି ନିଯୁକ୍ତି ପରୀକ୍ଷା ସ୍ଥଗିତ ରଖାଯାଇଛି । ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଳର୍କ ପଦବୀ ପାଇଁ ହେବାକୁ ପରୀକ୍ଷା ସ୍ଥଗିତ ରହିଛି ।
ଭୁବନେଶ୍ଵର: ଓଡ଼ିଶା ଉପକୂଳ ମୁହାଁ ବାତ୍ୟା 'ଅକଭାନ' । ବାତ୍ୟା ମୁକାବିଲା ପାଇଁ ପ୍ରଶାସନ ପ୍ରସ୍ତୁତି ଚଳାଇଛି । ଆଉ ବାତ୍ୟା 'ଅକଭାନ'ର ସମ୍ଭାବ୍ୟ ପ୍ରଭାବକୁ ନଜରରେ ରଖି SSB ପକ୍ଷରୁ ହେବାକୁ ଥିବା ୨ଟି ନିଯୁକ୍ତି ପରୀକ୍ଷା ସ୍ଥଗିତ ରଖାଯାଇଛି ।

SSB ପକ୍ଷରୁ ହେବାକୁ ଥିବା ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଳର୍କ ପଦବୀ ପାଇଁ ହେବାକୁ ପରୀକ୍ଷା ସ୍ଥଗିତ ରଖାଯାଇଛି । ଆସନ୍ତା ୨୧ ଓ ୨୩ ତାରିଖରେ ହେବାକୁ ଥିବା ପରୀକ୍ଷା ସ୍ଥଗିତ ରହିଛି । ପରୀକ୍ଷାର୍ଥୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ଗ୍ରହଣ କରାଯାଇଛି ।

ଏଥିସହ ପଢ଼ନ୍ତୁ: ଆସୁଛି ବାତ୍ୟା 'ଅକଭାନ'; ୭ ଜିଲ୍ଲାରେ ସ୍କୁଲ୍ ଛୁଟି ଘୋଷଣା 

ତେବେ ଅନ୍ୟ ତାରିଖର CBT ପରୀକ୍ଷା ପୂର୍ବ ନିର୍ଦ୍ଧାରିତ ସୂଚୀ ଅନୁସାରେ ହେବ । ପୂର୍ବ ନିର୍ଦ୍ଧାରିତ ତାରିଖ ନଭେମ୍ବର ୨୫ ଓ ୨୭ ତାରିଖ ଏବଂ ଡିସେମ୍ବ ୧ ଏବଂ ୨ ତାରିଖରେ CBT ପରୀକ୍ଷା ଅନୁଷ୍ଠିତ ହେବ । ଏବେ ସ୍ଥଗିତ ରଖା ଯାଇଥିବା ଜୁନିୟର ଆସିଷ୍ଟାଣ୍ଟ ଓ ଜୁନିୟର କ୍ଳର୍କ ପଦବୀ ପାଇଁ ହେବାକୁ ଥିବା ପରୀକ୍ଷା ତାରିଖ ପରବର୍ତ୍ତୀ ସମୟରେ ଜାରି କରାଯିବ ।


ସ୍ଥଗିତ ହୋଇଥିବା ନଭେମ୍ବର ୨୧ ଓ ୨୩ ତାରିଖର ପରୀକ୍ଷା ଲାଗି ନୂଆ ତାରିଖ ପରେ ଘୋଷଣା କରାଯିବ । ଏନେଇ ପରୀକ୍ଷାର୍ଥୀମାନେ SSBର ଅଫିସିଆଲ୍ ୱେବସାଇଟ୍‌ରେ ନିୟମିତ ଅପଡେଟ୍ ଦେଖିବାକୁ ବୋର୍ଡ ପକ୍ଷରୁ ପରାମର୍ଶ ଦିଆଯାଇଛି ।

ମାଟ୍ରିକ ପରୀକ୍ଷା ଫର୍ମ ପୂରଣ ଅବଧି ବୃଦ୍ଧି

ସେପଟେ ବାତ୍ୟା ପାଇଁ ମାଟ୍ରିକ ପରୀକ୍ଷା ଫର୍ମ ପୂରଣ ଅବଧି ବୃଦ୍ଧି କରାଯାଇଛି । ନଭେମ୍ୱର ୩୦ ତାରିଖ ପର୍ଯ୍ୟନ୍ତ ଫର୍ମ ପୂରଣ କରି ପାରିବେ ଦଶମ ଶ୍ରେଣୀ ଛାତ୍ରଛାତ୍ରୀ । ଏ ନେଇ ମାଧ୍ୟମିକ ଶିକ୍ଷା ପରିଷଦ (BSE) ପକ୍ଷରୁ ବିଜ୍ଞପ୍ତି ଜାରି କରାଯାଇଛି ।

ଏଥିସହ ପଢ଼ନ୍ତୁ: ନଭେମ୍ବର ୩୦ ପର୍ଯ୍ୟନ୍ତ ମାଟ୍ରିକ ପରୀକ୍ଷା ଫର୍ମ ପୂରଣ ଅବଧି ବୃଦ୍ଧି 

ହାଇସ୍କୁଲ ସାର୍ଟିଫିକେଟ, ମଧ୍ୟମା ଓ ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପରୀକ୍ଷା ପାଇଁ ଫର୍ମ ପୂରଣ ତାରିଖ ମିଆଦି ବୃଦ୍ଧି କରିଛି ମାଧ୍ୟମିକ ଶିକ୍ଷା ପରିଷଦ । ପୂର୍ବରୁ ମାଟ୍ରିକ ପରୀକ୍ଷା ଫର୍ମ ପୂରଣର ଶେଷ ତାରିଖର ନଭେମ୍ୱର ୨୨ ରହିଥିଲା । ଏବେ ବାତ୍ୟା 'ଅକଭାନ'କୁ ଦୃଷ୍ଟିରେ ରଖି ବୋର୍ଡ ଫର୍ମ ପୂରଣ ତାରିଖ ବୃଦ୍ଧି କରିଛି ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: