ଲକ୍ଷେ ୨୦ ହଜାର ବଦଳରେ ଏଣିକି ମିଳିବ ଲକ୍ଷେ ୮୦ ହଜାର

ଅର୍ଗସ ବ୍ୟୁରୋ: ରାଜ୍ୟରୁ ହଟିବ ଚାଳଘର । ସମସ୍ତ ରାଜ୍ୟବାସୀଙ୍କୁ ସୁରକ୍ଷିତ ପକ୍କା ଘର ଯୋଗାଇ ଦେବେ ରାଜ୍ୟ ସରକାର । ପଞ୍ଚାୟତିରାଜ ବିଭାଗ ପକ୍ଷରୁ ବଡ଼ ପ୍ରସ୍ତୁତି । ସୁରକ୍ଷିତ ପକ୍କା ଘର ସହ ଆଦର୍ଶ ଗୃହ ନିର୍ମାଣ ପାଇଁ ଯୋଜନା । ସେଥିପାଇଁ ଆବାସ ନିର୍ମାଣର ଆର୍ଥିକ ସହାୟତା ବଢାଇବାକୁ ଯାଉଛନ୍ତି ସରକାର । ଏ ନେଇ ପଞ୍ଚାୟତିରାଜ ମନ୍ତ୍ରୀ କହିଛନ୍ତି ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକାରୀଙ୍କୁ ୧ ଲକ୍ଷ ୨୦ ହଜାର ବଦଳ ରେ ଏଣିକି ୧ ଲକ୍ଷ ୮୦ ହଜାର ଟଙ୍କା ମିଳିବ ।  ମନରେଗା କୁ ଆର୍ଥିକ ରାଶି ମିଶାଇଲେ ପ୍ରଧାନମନ୍ତ୍ରୀ ୨ ଲକ୍ଷ ଟଙ୍କା ମିଳିବ । ସେହିପରି ଶୌଚାଳୟ ପାଇଁ ପୂର୍ବରୁ ୧୨ ହଜାର ଟଙ୍କା ଦିଆ ଯାଉଥିଲା ବର୍ତ୍ତମାନ ତାକୁ ୨୦ ହଜାର ଟଙ୍କା ଦିଆଯିବା ପାଇଁ ବ୍ୟବସ୍ଥା କରାଯାଇଛି । ପ୍ରତି ଆବାସ ଘରକୁ ମଡେଲ ଗୃହ ଭାବେ ନିର୍ମାଣ କରାଇବେ ରାଜ୍ୟ ସରକାର । ପାଣି, ଶୌଚାଳୟ, ବିଜୁଳି, ସବୁ ଆବାସ କୁ ମଡେଲ ଗୃହ ନିର୍ମାଣ କରହିବ । ଏ ନେଇ ଖୁବଶୀଘ୍ର ଗାଇଡ଼ ଲାଇନ ଆସିବ ବୋଲି କହିଛନ୍ତି ମନ୍ତ୍ରୀ । 

ସେହିପରି କାହାକୁ ମିଳିବ ରାଜ୍ୟ ସରକାରଙ୍କ ନୂଆ ଯୋଜନା ଅନ୍ତଦ୍ଵୟ ଗୃହ ଯୋଜନା । ବିଭାଗୀୟ ମନ୍ତ୍ରୀ ରଖିଛନ୍ତି ବିସ୍ତୁତ ତଥ୍ୟ । ମନ୍ତ୍ରୀ କହିଛନ୍ତି ବାତ୍ୟା, ବନ୍ୟା, ହାତୀ ଦ୍ୱାରା ଘର ନଷ୍ଟ କିମ୍ବା ବିଭିନ୍ନ କାରଣ ରୁ ଘର ପୋଡ଼ିଗଲେ  ସେହି ସବୁ ଲୋକଙ୍କୁ ମିଳିବ ରାଜ୍ୟ ସରକାରଙ୍କ ନୂଆ ଯୋଜନା ଅନ୍ତଦ୍ଵୟ ଗୃହ ଯୋଜନାରେ ଘର ଯୋଗାଇ ଦିଆଯିବ ।

ସେପଟେ ମୋ ଘର ଯୋଜନା କୁ ପୂର୍ବ ବିଜେଡି ସରକାର ଉପରେ ବର୍ଷିଛନ୍ତି ମନ୍ତ୍ରୀ । ମନ୍ତ୍ରୀ କହିଛନ୍ତି ପୂର୍ବ ସରକାର ମୋ ଘର ଯୋଜନା କେବଳ ନିର୍ବାଚନ ପାଇଁ ଲାଗୁ କରିଥିଲେ । ଏହି ଯୋଜନା ରେ କୌଣସି ଲୋକ ଉପକୃତ ହୋଇ ନାହାନ୍ତି । ଯୋଜନାର କୌଣସି ନିର୍ଦ୍ଦିଷ୍ଟ ଗାଇଡ଼ ଲାଇନ ନାହିଁ । 

ଆବାସ ଟଙ୍କା ବଢିବା ନେଇ ରାଜ୍ୟ ସରକାରଙ୍କ ଘୋଷଣା ପରେ ଗାଁ ଗାଁ ରେ ଲୋକଙ୍କ ଭିତରେ ଖୁସିର ଲହରୀ ଦେଖିବାକୁ ମିଳିଛି । ସମସ୍ତେ ରାଜ୍ୟ ସରକାରଙ୍କ ଏହି ଘୋଷଣା କୁ ସ୍ୱାଗତ କରିଛନ୍ତି ।

ପୂର୍ବ ବିଜେଡି ସରକାର ଆବାସ ଯୋଜନାକୁ ଦୁର୍ନୀତିର ଗନ୍ତାଘର କରିଥିଲା । ଦଳୀୟ ଭିତ୍ତିରେ ମଧ୍ୟ ଯୋଜନା ବାଣ୍ଟିବାର ହେଉଥିଲା ଅଭିଯୋଗ । ବର୍ତ୍ତମାନର ବିଜେପି ସରକାର ଦୁର୍ନୀତି କୁ ବନ୍ଦ କରିବା ସହ ଯୋଗ୍ୟ ଲୋକ ଙ୍କୁ ପକ୍କା ଘର ଦେବାକୁ ଆରମ୍ଭ କରିଛନ୍ତି ପ୍ରସ୍ତୁତି । 

ଆହୁରି ପଢନ୍ତୁ ଓଡିଶା ଖବର...