ଅର୍ଗସ ବ୍ୟୁରୋ : ପାନୀୟ ଜଳ ଯୋଗାଣରେ ବିଳମ୍ବ ହେଲେ ତୁରନ୍ତ ନିଆଯିବ କାର୍ଯ୍ୟନୁଷ୍ଠାନ । ବାହାର ଠିକାଦାରଙ୍କୁ ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ରବି ନାୟକଙ୍କ କଡା ତାଗିଦ । କାମ ନେଇଥିବା ଏଜେନ୍ସି ମାନେ ବିଳମ୍ବ କଲେ ସେମାନଙ୍କ ଉପରେ ପେନାଲ୍ଟି ପକାଇବେ ସରକାର । କିଛି ଏଜେନ୍ସି ଉପରେ ଆକ୍ସନ ଆରମ୍ଭ ହୋଇ ସାରିଛି । ପୂର୍ବ ସରକାର ସମୟରେ ଏହି ବ୍ୟବସ୍ଥା ନଥିଲା । ଶିଘ୍ର କାମ ସାରିବା ନେଇ ପୂର୍ବ ସରକାରଙ୍କ ଆନ୍ତରିକତାର ନଥିଲା । ସେଥିପାଇଁ ଯେଉଁ ଏଜେନ୍ସି ସବୁ କାମ କରୁଥିଲେ, ସେମାନେ ଖାମଖିଆଲି ଭାବେ କାମ କରୁଥିଲେ । ତେଣୁ ଏବେ ଏଜେନ୍ସି ମାନଙ୍କୁ ତାଗିଦ କରିଛି ପଞ୍ଚାୟତିରାଜ ବିଭାଗ । ଯେଉଁ ଏଜେନ୍ସି ମାନେ କାମ କରିବାରେ ବିଳମ୍ବ କରିବେ ସେମାନଙ୍କ ଉପରେ ପେନାଲ୍ଟି କରାଯାଉଛି । ଲୋକଙ୍କ ପାଖରେ ପାଣି ଯଥାଶୀଘ୍ର ପହଞ୍ଚାଇବା ପାଇଁ ସରକାର ପଦକ୍ଷେପ ନେଉଛନ୍ତି । ୨୦୨୫ ଡିସେମ୍ବର ସୁଦ୍ଧା ସମଗ୍ର ଓଡ଼ିଶାରେ ପାନୀୟ ଜଳ ଯୋଗାଣ କରାଯିବ ବୋଲି କହିଛନ୍ତି ମନ୍ତ୍ରୀ ।

ପୂର୍ବ ବିଜେଡି ସରକାରରେ ପାନୀୟ ଜଳ ପ୍ରକଳ୍ପ ଗୁଡିକର ସବୁ କାମ କରୁଥିଲେ ତାମିଲ ଠିକାଦାର । ତାମିଲ ବାବୁ ପାଣ୍ଡିଆନଙ୍କ ଅହେତୁକ ଅନୁକମ୍ପାରୁ ନିମ୍ନ ମାନର କାମ କରି ଶହ ଶହ କୋଟି ଉଠାଉଥିଲେ ବାହାର କଣ୍ଟ୍ରାକ୍ଟର । ଏଇ ଯେମିତି ଯାଜପୁର ଜିଲ୍ଲାରେ ପାନୀୟ ଜଳ ପ୍ରକଳ୍ପ ନାଁରେ ହୋଇଛି ୯୦୦ କୋଟିର ବଡ ଘୋଟାଲା

କିଛି ଦିନ ତଳେ ଅର୍ଗସରେ ହୋଇଥିଲା ଏହାର ଖୁଲାସା । ପଦାରେ ପଡିଛି ତାମିଲନାଡୁର ଠିକା ସଂସ୍ଥା 'ମେଗା'ର ବଡ କେଳେଙ୍କାରୀ । ଦଶରଥପୁର, ବିଞ୍ଝାରପୁର, ବଡ଼ଚଣା, ଧର୍ମଶାଳା, ରସଲପୁର ସମେତ ଯାଜପୁରର ୧୦ଟି ବ୍ଲକରେ ମେଗା କମ୍ପାନୀକୁ ଦିଆଯାଇଥିଲା ପ୍ରାୟ ହଜାରେ କୋଟି ଟଙ୍କାର ପାନୀୟ ଜଳ ପ୍ରକଳ୍ପ । ସବୁଠି ନିମ୍ନମାନର କାମ । ପୁଣି କୌଣସି ବି ସ୍ଥାନରେ ସମ୍ପୂର୍ଣ୍ଣ ହୋଇନାହିଁ ପ୍ରକଳ୍ପ । ଲୋକଙ୍କୁ ପାଣି ମିଳିନି । କିନ୍ତୁ ପ୍ରକଳ୍ପ ରାଶିର ୯୦ ପ୍ରତିଶତ ବା ୯୦୦ କୋଟି ଟଙ୍କା ଉଠାଇ ନେଇଯାଇଛି ତାମିଲନାଡୁର ଠିକା ସଂସ୍ଥା 'ମେଗା' । କେବଳ ଯାଜପୁର ନୁହେଁ ସାରା ଓଡିଶାରେ ପାଣ୍ଡିଆନଙ୍କ ଇଶାରାରେ ତାମିଲ ଠିକାଦାର କାମ ନ କରି ଲୋକଙ୍କ ହନ୍ତସନ୍ତ କରିଥିବାର ଆସିଛି ସଂଙ୍ଗୀନ ଅଭିଯୋଗ

ଅଧିକ ପଢନ୍ତୁ : ନବୀନ ପଟ୍ଟନାୟକ ଯଦି ସବୁ ଅଞ୍ଚଳ ବୁଲିଥାନ୍ତେ, ତେବେ...

ତେବେ ଅଣ ଓଡିଆ ଠିକାଦାରଙ୍କୁ ପୂର୍ବ ବିଜେଡି ସରକାରରେ କିପରି ପୋଷା ଯାଉଥିଲା ତାହାର ସୂଚନା ଅଧିକାର ଆଇନରେ ହୋଇଛି ତାର ଖୁଲାସା । ରାସ୍ତା, ପୋଲ, ସରକାରୀ ଅଫିସ୍ ଭଳି ବଡ଼ ବଡ଼ ଭିତ୍ତିଭୂମି ନିର୍ମାଣ ସହ ମେଗା ପାନୀୟ ଜଳ ପ୍ରକଳ୍ପ ସବୁର କାମ ପାଉଥିଲେ ବାହାର ରାଜ୍ୟର ଠିକାଦାର । ୨୦୧୮ ରୁ ୨୦୨୩ ମସିହା ମଧ୍ୟରେ ୨୦୦ ଅଣ ଓଡିଆ ଠିକାଦାରଙ୍କୁ ଓଡ଼ିଶାର ପ୍ରାୟ ୧ ଲକ୍ଷ କୋଟି ଟଙ୍କାର ପ୍ରକଳ୍ପ ଦିଆଯାଇଛି । କେବଳ ୨୦୧୯-୨୦ ଓ ୨୦୨୦-୨୧ ମସିହାରରେ ୧୭ ଅଣ ଓଡ଼ିଆ ଠିକାଦାରଙ୍କୁ ୩୫ ହଜାର କୋଟି ଟଙ୍କାର ବୃହତ ପାନୀୟ ଜଳ ପ୍ରକଳ୍ପ ଦିଆଯାଇଛି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV