ଭଦ୍ରକ: ବାସୁଦେବପୁର ବ୍ଲକର ଚାନ୍ଦିମାଳ ଜବାହର ନବୋଦୟ ବିଦ୍ୟାଳୟର ଜଣେ ଛାତ୍ରୀର ସନ୍ଦେହ ଜନକ ମୃତ୍ୟୁ ହୋଇଛି । ମୃତକ ବିଦ୍ୟାଳୟର ଦ୍ୱାଦଶ ଶ୍ରେଣୀର ଛାତ୍ରୀ ଅର୍ପିତା ବେହେରା ବୋଲି ଜଣାପଡିଛି । ଧାମନଗର ଆଠଘରିଆ ଅଂଚଳର ସୁରେନ୍ଦ୍ର ବେହେରାଙ୍କ ଝିଅ ହେଉଛନ୍ତି ଅର୍ପିତା । ସେ ବାସୁଦେବପୁର ବ୍ଲକର ଚାନ୍ଦିମାଳ ଠାରେ ଥିବା ଜବାହର ନବୋଦୟ ବିଦ୍ୟାଳୟରେ ରହି ପାଠ ପଢୁଥିଲେ । 

ଆଜି ସକାଳେ ଗୁରୁତର ଅବସ୍ଥାରେ ଵିଦ୍ୟାଳୟର ଷ୍ଟାଫ୍ ଉଦ୍ଧାର କରି ବାସୁଦେବପୁର ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ୍ୟୁ ଖବର ପ୍ରଚାରିତ ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ତେବେ ଝିଅକୁ ମାରିଦେଇଥିବା ନେଇ ଅଭିଯୋଗ ଆଣିଛନ୍ତି ମୃତ ଛାତ୍ରୀର ପରିବାର ଲୋକ । ଘଟଣା ସ୍ଥଳରେ ପୋଲିସ ଓ ସାଇଣ୍ଟିଫିକ ଟିମ ପହଂଚି ଘଟଣାର ତଦନ୍ତ କରୁଛି । ପୁରା ଗାଁରେ ଶୋକାକୂଳ ପରିବେଶ ଦେଖିବାକୁ ମିଳିଛି ।   

ଆହୁରି ପଢନ୍ତୁ ଓଡିଶା ଖବର...