ଅର୍ଗସ ବ୍ୟୁରୋ: ଓଡ଼ିଶା ଗସ୍ତର ଦ୍ୱିତୀୟ ଦିନରେ ଆଜି କେନ୍ଦୁଝରର ଗୋନାଶିକାରେ ଆଦିମ ଜନଜାତିଙ୍କୁ ଭେଟିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଦଣ୍ଡବୋଷ ହେଲିପ୍ୟାଡରେ ପହଞ୍ଚି ରାଇସୁଆଁ AIRSTRIP ରୁ ସଡ଼କପଥରେ ଗୋନାଶିକାରେ ପହଞ୍ଚିଛନ୍ତି । ଅପରାହ୍ନରେ କେନ୍ଦୁଝର ସର୍କିଟ ହାଉସରେ ପହଁଞ୍ଚି ମଧ୍ୟାନ୍ନ ଭୋଜନରେ ଯୋଗଦେବେ । ପରେ କେନ୍ଦୁଝରର ଗମ୍ଭାରିଆ ସ୍ଥିତ ଧରଣୀଧର ବିଶ୍ବବିଦ୍ୟାଳୟ ନର୍ଥ କ୍ୟାମ୍ପସରେ ଆଦିବାସୀ ପ୍ରଦର୍ଶନୀ ଏବଂ କେନ୍ଦୁଝର ଆଦିବାସୀ ସଂସ୍କୃତି ଉପରେ ଜାତୀୟ ପାଠ୍ୟଚକ୍ରରେ ଯୋଗଦେବାର କାର୍ଯ୍ୟକ୍ରମ ରହିଛି ।

ରାଷ୍ଟ୍ରପତିଙ୍କ ସ୍ବାଗତ ପାଇଁ ଧରଣୀଧର ବିଶ୍ୱବିଦ୍ୟାଳୟ ପକ୍ଷରୁ ଆୟୋଜନ ଚୁଡାନ୍ତ ପ୍ରକ୍ରିୟାରେ ପହଁଞ୍ଚିଛି । ଏହି ଉତ୍ସବରେ ରାଷ୍ଟ୍ରପତି ଯୋଗ ଦେଉଥିବାରୁ ଶିକ୍ଷକ ଏବଂ ଛାତ୍ରଛାତ୍ରୀମାନେ ଉତ୍ସାହିତ ଅଛନ୍ତି । ଅପରାହ୍ନ ୩.୩୦ ରୁ ଧରଣୀଧର ବିଶ୍ବ ବିଦ୍ୟାଳୟରୁ ରାଇସୁଆଁ‌ ଅଭିମୁଖେ ଯାତ୍ରା କରିବେ । ଅପରାହ୍ନ ୪ ଟା ରେ ରାଇସୁଆଁରୁ ଭୂବନେଶ୍ବର ଗସ୍ତ କରିବେ ।

ପରେ ରାଇସୁଆଁ‌ ଅଭିମୁଖେ ଯାତ୍ରା କରି ସେଠାରୁ ଭୁବନେଶ୍ବର ଆସି ଉତ୍କଳ ବିଶ୍ବବିଦ୍ୟାଳୟରେ 53ତମ ସମାବର୍ତ୍ତନ ଉତ୍ସବରେ ଯୋଗଦେବେ ରାଷ୍ଟ୍ରପତି । ରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ମାର୍ଚ୍ଚ 1 ରେ ବ୍ରହ୍ମପୁର ବିଶ୍ବବିଦ୍ୟାଳୟର 25 ତମ ସମାବର୍ତ୍ତନ ଉତ୍ସବରେ ଯୋଗ ଦେବେ ମହାମହିମ । ସେହିପରି ମାର୍ଚ୍ଚ 2 ତାରିଖରେ ରେଢାଖୋଲରେ ସନ୍ଥକବି ଭୀମଭୋଇଙ୍କ ପୀଠ ପରିଦର୍ଶନ କରିବେ ମହାମହିମ ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV