ଜଗତସିଂହପୁର:  ପାରାଦୀପ କାଉଡିଆ ନଦୀରେ ଅଘଟଣ। ହଠାତ ନଦୀକୁ ଡେଇଁ ପଡିଲେ ଛାତ୍ର। ଅଠରବାଙ୍କି କାଉଡିଆ ନଦୀରେ ଘଟିଛି ଘଟଣା। ପୋଲ ନିକଟରେ ଥିବା ମୋବାଇଲ ଓ ସାର୍ଟ କୁ ପୋଲିସ ଜବତ କରିଛି । ଘଟଣାସ୍ଥଳରେ ଅଗ୍ନିଶମ ବିଭାଗ କିମ୍ବା ଓଡ୍ରାଫ ଟିମ ପହଞ୍ଚି ଖୋଜାଖୋଜି ଆରମ୍ଭ କରିଛି । ଘଟଣାସ୍ଥଳରେ ଛାତ୍ରର ପରିବାର  ଏବଂ ସ୍ଥାନୀୟ ବାସିନ୍ଦା ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।  

ନିଖୋଜ ଛାତ୍ରର ଘର ସ୍ଥାନୀୟ ଅମ୍ବିକା ସ୍କୁଲରେ ପାଠ ପଢୁଥିବା ଵେଳେ ସେ  ଗୋପୀନାଥ କଲୋନୀ ର ଉଲ୍ଲାସ ଲେଙ୍କାଙ୍କ ପୁଅ ତ୍ରିଲୋଚନ ଲେଙ୍କା ବୋଲି ସୂଚନା ମିଳିଛି । ଘଟଣା ସ୍ଥଳରେ ପୋଲିସ ମୁତୟନ ରହିଥିବା ବେଳେ ପାଣିକୁ ଡେଇଁବାକୁ ନେଇ ପରିବାର ଓ ସାହି ପଡିସା ଅସ୍ବୀକାର କରିଛନ୍ତି । ପୋଲ ଉପରେ ସନ୍ଦେହଜନକ ଅବସ୍ଥାରେ ତ୍ରିଲୋଚନ ର ମୋବାଇଲ ଏବଂ ଡ୍ରେସ ରହିଥିବା ବେଳେ ତ୍ରିଲୋଚନ କୌଣସି ପରିସ୍ଥିତି ରେ ନଦୀକୁ ଡେଇଁ ନ ଥିବା ନେଇ ପରିବାର ଲୋକ ଅଭିଯୋଗ କରିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର