ଅର୍ଗସ ବ୍ୟୁରୋ: ନୂଆପଡା ଜିଲ୍ଲା ବୋଡେ଼ନ ବ୍ଲକ ଭଇସାଦାନୀ ପଞ୍ଚାୟତର ଦୁର୍ଗମ ବଣ ପାହାଡ଼ ଘେରା ମାଓ ଇଲାକା କୋଦୋଭଟା  l ଏଠାରେ ଥିବା  ସରକାରୀ ପ୍ରାଥମିକ ସ୍କୁଲରେ ଦୁଇ ଜଣ ଶିକ୍ଷକ ନିୟୋଜିତ ଅଛନ୍ତି l ଠିକ ସମୟରେ ଶିକ୍ଷକ ଆସୁନଥିବା ଯୋଗୁଁ ଛାତ୍ରଛାତ୍ରୀ କେତେବେଳେ ସ୍କୁଲ ବାରଣ୍ଡାରେ ବୁଲୁଛନ୍ତି ତ ପୁଣି କେତେବେଳେ ସ୍କୁଲ ପରିସରରେ ବୁଲା ବୁଲି କରୁଛନ୍ତି ।  ଏପରି ସ୍ଥିତିରେ ଶିକ୍ଷକ ଆସିବେ କେତେବେଳେ ଆଉ ଶିକ୍ଷାଦାନ ହେବ କେତେବେଳେ l

କୋଦୋଭଟା ସ୍କୁଲରେ ଆଖ ପାଖ ଅନେକ ଗାଁର ପିଲା ପଢିବାକୁ ଆସନ୍ତି l ହେଲେ ଏଠାରେ ଶିକ୍ଷକ ବିଳମ୍ବରେ ଆସୁଥିବାରୁ ପିଲା ଛୁଆଙ୍କ ପାଠପଢା ଅସୁବିଧା ହେଉଥିବା ଅଭିଯୋଗ କରିଛନ୍ତି ଅଭିଭାବକ ।  ଠିକ ସମୟରେ ଶିକ୍ଷକ ମାନେ ସ୍କୁଲକୁ ଆସିବାକୁ ସ୍ଥାନୀୟ ଲୋକେ ଦାବି କରିଛନ୍ତି  l ଏ ନେଇ ପଚାରିବାରୁ ସିଆରସିସିକୁ ପଠାଇ ତଦନ୍ତ କରାଯିବ ବୋଲି କହିଛନ୍ତି ବୋଡେ଼ନ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ୱର ମେହେର l କୋଦୋଭଟା ସ୍କୁଲରେ ଏମିତି ଶିକ୍ଷାଦାନ ହେଲେ କେମିତି ଶିକ୍ଷାର ବିକାଶ ହେବ ? ପିଲା କେମିତି ଶିକ୍ଷା କ୍ଷେତ୍ରରେ ଆଗକୁ ବଢିବେ l

ଅଧିକ ପଢ଼ନ୍ତୁ ଓଡିଶା ଖବର: