ଅର୍ଗସ ବ୍ୟୁରୋ : ୪୨୦ ସରପଞ୍ଚ । ଏ କଥା ଆମେ କହୁନୁ । ଆମ ହାତରେ ଲାଗିଥିବା ତଥ୍ୟ କହୁଛି । କାମ କଲେନି, ବୈଠକ ବି କଲେନି ଶେଷରେ ଅଭିଯୋଗ ହେବାରୁ ମିଛ ଦସ୍ତଖସ୍ତ ମାରି ନାଟକ କଲେ । ତାହା ପୁଣି ପୋଲିସ ବାବୁଙ୍କ ଦସ୍ତଖସ୍ତ । ଏଭଳି କିଛି ସଙ୍ଗିନ ଅଭିଯୋଗ ଆସିଛି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକରୁ । ଅଭିଯୋଗ ଆସିଛି ସରପଞ୍ଚ ଗଣନାଥ ସାହୁଙ୍କ ବିରୋଧରେ ।

ମିଛି ଢାଙ୍କିବାକୁ ଯାଇ ୪୨୦ କେସରେ ଫସିଲେ ସରପଞ୍ଚ ବାବୁ । ଥାନାରେ ମାମଲା ରୁଜୁ ହେବା ସହ ସଙ୍ଗିନ ଅଭିଯୋଗ ବି ଲାଗିଛି । ହେଲେ ସ୍ୱାସ୍ଥ୍ୟ ମନ୍ତ୍ରୀଙ୍କ ପାଖ ଲୋକ ବୋଲି କାର୍ଯ୍ୟାନୁଷ୍ଠାନ ନେବାକୁ ପଛାଉଛି ଜିଲ୍ଲା ପ୍ରଶାସନ । ଅଭିଯୋଗ ଅନୁସାରେ ସରପଞ୍ଚ ମହାଶୟ ତିନି ମାସ ଧରି ମାସିକ ବୈଠକ ନକରି ବିଭିନ୍ନ ଉନ୍ନୟନ ପ୍ରକଳ୍ପକୁ ମନମୁଖିଭାବେ ପାରିତ କରିଦେଲେ । ଏନେଇ ୱାର୍ଡ ମେମ୍ବରମାନେ ଜିଲଲ୍ଲାପାଳଙ୍କ ପାଖରେ ଅଭିଯୋଗ କରିବାରୁ ରେଜିଷ୍ଟର ହଜି ଯାଇଥିବା ବାହାନା କଲେ । ପରେ ପୁଣି ରେଜିଷ୍ଟର ମିଳିଥିବା କହି ପଛରେ ୱାର୍ଡ ମେମ୍ବରମାନଙ୍କ ଦସ୍ତଖସ୍ତ କରିବା ପାଇଁ ଚେଷ୍ଟା କଲେ ।

ତେବେ ସରପଞ୍ଚ ବାବୁଙ୍କ ସବୁ ମିଛ ଧରାଇ ଦେଲା ସୂଚନା ଅଧିକାର ଆଇନ । ମେଣ୍ଡା ଫାଣ୍ଡରେ ଦେଇଥିବା ଲିଖିତ ଅଭିଯୋଗର କୌଣସି ଷ୍ଟେସନ ଡାଇରି ହୋଇନଥିବା ଆରଟିଆଇ ତଥ୍ୟରେ ସ୍ପଷ୍ଟ ଜଣା ପଡିଛି । ତେବେ ଫାଣ୍ଡି ବାବୁଙ୍କ ମିଛ ଦସ୍ତଖସ୍ତ କରି ପ୍ରଶାସନକୁ ଚକମା ଦେଇଛନ୍ତି ଏବି ୪୨୦ ସରପଞ୍ଚ । ମନ୍ତ୍ରୀଙ୍କ ପାଖ ଲୋକ ବୋଲି ମନମୁଖି କାର୍ଯ୍ୟ କରୁଛନ୍ତି ସରପଞ୍ଚ । ଫଳରେ ଅସୁବିଧା ଭୋଗୁଛନ୍ତି ପଞ୍ଚାୟତବାସୀ । ଦେଖିବାକୁ ବାକି ରହିଲା କେବେ ପୋଲିସ ନେଉଛି କାର୍ଯ୍ୟନୁଷ୍ଠାନ ।

Argus News | argus news | Odisha Latest News, Breaking News, Trending News, Live TV