North Odisha Flood / ଫୁଲୁଛି ସୁବର୍ଣ୍ଣରେଖା, ବୁଡ଼ୁଛି ଉତ୍ତର ଓଡ଼ିଶା...ବାରମ୍ବାର ବନ୍ୟାରେ ଭାଙ୍ଗୁଛି ଜନଜୀବନ
·1 hour ago·2 min read
Key Points
ଫୁଲୁଛି ସୁବର୍ଣ୍ଣରେଖା, ବୁଡ଼ୁଛି ଉତ୍ତର ଓଡ଼ିଶା
ବାରମ୍ବାର ବନ୍ୟାରେ ଭାଙ୍ଗୁଛି ଜନଜୀବନ
ବାଲିଆପାଳ ଓ ଭୋଗରାଇର ୨୫ଟି ପଞ୍ଚାୟତ ଜଳବନ୍ଦୀ
ବାରମ୍ବାର ବନ୍ୟାରେ ଭାଙ୍ଗୁଛି ଜନଜୀବନ
ବାଲିଆପାଳ ଓ ଭୋଗରାଇର ୨୫ଟି ପଞ୍ଚାୟତ ଜଳବନ୍ଦୀ
ଉତ୍ତର ଓଡ଼ିଶା ପାଇଁ ଆଉ ଏକ ସଙ୍କଟ । ସୁବର୍ଣ୍ଣରେଖା ନଦୀରେ ପୁଣି ଥରେ ମାଡ଼ିଆସୁଛି ବନ୍ୟା । ଉପରମୁଣ୍ଡ ମୟୁରଭଞ୍ଜ ଓ ଝାଡ଼ଖଣ୍ଡରେ ପ୍ରବଳ ବର୍ଷା ଯୋଗୁଁ ସୁବର୍ଣ୍ଣରେଖାର ଜଳସ୍ତର ହୁ ହୁ ହୋଇ ବଢ଼ିବାରେ ଲାଗିଛି । ଜାମଶୋଳାଠାରେ ବିପଦ ସଙ୍କେତ ୪୯.୧୬ ମିଟର ଥିବା ବେଳେ ଜଳସ୍ତର ୫୧.୭୪ ମିଟରରେ ପ୍ରବାହିତ ହେଉଛି । ସେହିପରି ରାଜଘାଟରେ ବିପଦ ସଙ୍କେତ ୧୦.୩୬ ମିଟର ଥିବା ବେଳେ ଜଳସ୍ତର ବଢ଼ି ୧୧.୫୯ ମିଟରରେ ପହଞ୍ଚିଛି । ଫଳରେ ବାଲେଶ୍ୱର ଜିଲ୍ଲାର ଜଳେଶ୍ୱର, ଭୋଗରାଇ, ବସ୍ତା ଓ ବାଲିଆପାଳ ବ୍ଲକର ଶହ ଶହ ଗାଁ ଜଳବନ୍ଦୀ ହୋଇପଡ଼ିଛି । ଏନେଇ ସତର୍କ କରିଛନ୍ତି ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ।
ଗତ ୧୫ ଦିନ ଭିତରେ ଭୋଗରାଇ ଓ ବାଲିଆପାଳବାସୀ ୩-୩ଟି ବନ୍ୟାର ଦାଉ ସହିଲେଣି । ବାଲିଆପାଳ ବ୍ଲକର ୯ଟି ପଞ୍ଚାୟତର ୧୦୦ରୁ ଅଧିକ ଗାଁ ଜଳବନ୍ଦୀ ହୋଇଥିବା ବେଳେ ରାସ୍ତା ଉପରେ ୪ ଫୁଟ୍ର ବନ୍ୟା ପାଣି ଚାଲୁଛି । ରୂଆ ଯାଇଥିବା ଧାନ ତଳି ଓ ଆସବାବପତ୍ର ସବୁ ପାଣିରେ ଭିଜି ନଷ୍ଟ ହୋଇଯାଇଛି । ଲୋକେ ଗୃହପାଳିତ ପଶୁଙ୍କୁ ଧରି ନାହିଁ ନଥିବା ଦୁର୍ଦ୍ଦଶା ଭୋଗୁଛନ୍ତି । ବାଲେଶ୍ୱର ଜିଲ୍ଲାପାଳ, ବିଡିଓ, ତହସିଲଦାର ଓ ଓଡ୍ରାଫ୍ ଟିମ୍ ସହ ମଣୁନଗର ଓ ଅନ୍ୟ ବନ୍ୟାଞ୍ଚଳ ବୁଲି ସ୍ଥିତି ଅନୁଧ୍ୟାନ କରୁଛନ୍ତି । ଏସଆରସିଙ୍କ ପକ୍ଷରୁ ୯ଟି ବୋଟ୍ ଓ NDRF/ODRAF ଟିମ୍ ନିୟୋଜିତ ହୋଇଛନ୍ତି ।
ବାଲେଶ୍ବର ଜିଲ୍ଲାର ବାଲିଆପାଳ ଏବଂ ଭୋଗରାଇ ଦୁଇଟି ବ୍ଲକର ୨୫ଟି ପଞ୍ଚାୟତ ବନ୍ୟା ଘେରରେ ଅଛନ୍ତି । ପ୍ରଶାସନ ଗ୍ରାଉଣ୍ଡ ଜିରୋରେ ବିପନ୍ନଙ୍କୁ ସହାୟତା କରୁଥିବା କହିଛନ୍ତି ।
କେବଳ ସୁବର୍ଣ୍ଣରେଖା ନୁହେଁ, ବୈତରଣୀ ଓ ତା'ର ଶାଖା ନଦୀ କାଣୀର ବନ୍ୟା ଜଳ ଯାଜପୁର ଓ ଭଦ୍ରକରେ ସ୍ଥିତି ସଙ୍ଗୀନ କରିଛି । ଯାଜପୁର ଜିଲ୍ଲା ଦଶରଥପୁର ବ୍ଲକର ତରପଦା ପଞ୍ଚାୟତ ଡୋଭାବିଲଠାରେ କାଣୀନଦୀ ବନ୍ଧରେ ହୋଇଥିବା ଘାଇ ଦେଇ ପୁଣି ବନ୍ୟା ପାଣି ଗାଁରେ ପଶିଛି । ୧୯ଟି ପଞ୍ଚାୟତର ୬୨ଟି ଗାଁ ପ୍ରଭାବିତ ହୋଇଥିବା ବେଳେ ୧୦୦ରୁ ଉର୍ଦ୍ଧ୍ୱ ପରିବାର ମାସେ ହେବ ନଦୀବନ୍ଧ ଉପରେ ପାଲ ତଳେ ଜୀବନ ବିତାଉଛନ୍ତି ।
ଗତ ୧୫ ଦିନ ଭିତରେ ଭୋଗରାଇ ଓ ବାଲିଆପାଳବାସୀ ୩-୩ଟି ବନ୍ୟାର ଦାଉ ସହିଲେଣି । ବାଲିଆପାଳ ବ୍ଲକର ୯ଟି ପଞ୍ଚାୟତର ୧୦୦ରୁ ଅଧିକ ଗାଁ ଜଳବନ୍ଦୀ ହୋଇଥିବା ବେଳେ ରାସ୍ତା ଉପରେ ୪ ଫୁଟ୍ର ବନ୍ୟା ପାଣି ଚାଲୁଛି । ରୂଆ ଯାଇଥିବା ଧାନ ତଳି ଓ ଆସବାବପତ୍ର ସବୁ ପାଣିରେ ଭିଜି ନଷ୍ଟ ହୋଇଯାଇଛି । ଲୋକେ ଗୃହପାଳିତ ପଶୁଙ୍କୁ ଧରି ନାହିଁ ନଥିବା ଦୁର୍ଦ୍ଦଶା ଭୋଗୁଛନ୍ତି । ବାଲେଶ୍ୱର ଜିଲ୍ଲାପାଳ, ବିଡିଓ, ତହସିଲଦାର ଓ ଓଡ୍ରାଫ୍ ଟିମ୍ ସହ ମଣୁନଗର ଓ ଅନ୍ୟ ବନ୍ୟାଞ୍ଚଳ ବୁଲି ସ୍ଥିତି ଅନୁଧ୍ୟାନ କରୁଛନ୍ତି । ଏସଆରସିଙ୍କ ପକ୍ଷରୁ ୯ଟି ବୋଟ୍ ଓ NDRF/ODRAF ଟିମ୍ ନିୟୋଜିତ ହୋଇଛନ୍ତି ।
ବାଲେଶ୍ବର ଜିଲ୍ଲାର ବାଲିଆପାଳ ଏବଂ ଭୋଗରାଇ ଦୁଇଟି ବ୍ଲକର ୨୫ଟି ପଞ୍ଚାୟତ ବନ୍ୟା ଘେରରେ ଅଛନ୍ତି । ପ୍ରଶାସନ ଗ୍ରାଉଣ୍ଡ ଜିରୋରେ ବିପନ୍ନଙ୍କୁ ସହାୟତା କରୁଥିବା କହିଛନ୍ତି ।
କେବଳ ସୁବର୍ଣ୍ଣରେଖା ନୁହେଁ, ବୈତରଣୀ ଓ ତା'ର ଶାଖା ନଦୀ କାଣୀର ବନ୍ୟା ଜଳ ଯାଜପୁର ଓ ଭଦ୍ରକରେ ସ୍ଥିତି ସଙ୍ଗୀନ କରିଛି । ଯାଜପୁର ଜିଲ୍ଲା ଦଶରଥପୁର ବ୍ଲକର ତରପଦା ପଞ୍ଚାୟତ ଡୋଭାବିଲଠାରେ କାଣୀନଦୀ ବନ୍ଧରେ ହୋଇଥିବା ଘାଇ ଦେଇ ପୁଣି ବନ୍ୟା ପାଣି ଗାଁରେ ପଶିଛି । ୧୯ଟି ପଞ୍ଚାୟତର ୬୨ଟି ଗାଁ ପ୍ରଭାବିତ ହୋଇଥିବା ବେଳେ ୧୦୦ରୁ ଉର୍ଦ୍ଧ୍ୱ ପରିବାର ମାସେ ହେବ ନଦୀବନ୍ଧ ଉପରେ ପାଲ ତଳେ ଜୀବନ ବିତାଉଛନ୍ତି ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ସେହିପରି ଭଦ୍ରକ ଆଖୁଆପଦାଠାରେ ବୈତରଣୀ ବିପଦ ସଙ୍କେତ ନିକଟରେ ପ୍ରବାହିତ ହେଉଛି । ବୋଡକ ନିକଟରେ ୨୦ ନମ୍ବର ଜାତୀୟ ରାଜପଥର ୧୦୦ ଫୁଟର କଂକ୍ରିଟ୍ ରାସ୍ତା ପୁଣି ଥରେ ଧୋଇଯିବାରୁ ଚାନ୍ଦବାଲି ବ୍ଲକର ଆରଡ଼ି, ଓଳଗ, ସୁନ୍ଦରପୁର ଓ ନାନ୍ଦପୁର ପଞ୍ଚାୟତର ୨୪ଟି ଗାଁ ଜଳବନ୍ଦୀ ହୋଇପଡ଼ିଛି । ଅନ୍ୟପଟେ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବ୍ଲକର ପୁରୁଣାପାଣି, ସିନ୍ଦୁରଗୌରୀ ଓ ବଡ଼ଗାଁରେ ଲଗାଣ ବର୍ଷାରେ ଅନେକ ମାଟିଘର ଭୁଶୁଡ଼ି ପଡ଼ିବାରୁ ସେମାନେ ଏବେ ବେସାହାରା ହୋଇପଡ଼ିଛନ୍ତି ।
ଲଗାଣ ବର୍ଷା ଯୋଗୁଁ ମୟୁରଭଞ୍ଜ ରାଇରଙ୍ଗପୁରର ବିଭିନ୍ନ ଗାଁରେ ଭୁଶୁଡ଼ିଛି ଅନେକ ଘର । କେତେକ ପରିବାରଙ୍କୁ ବ୍ଲକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ତୁରନ୍ତ କ୍ଷୟକ୍ଷତି ଆକଳନ କରି ସରକାରୀ ନିୟମ ଅନୁସାରେ କ୍ଷତିପୂରଣ ଓ ଆବଶ୍ୟକ ସହାୟତା ପ୍ରଦାନ କରିବାକୁ ପ୍ରଶାସନ ନିକଟରେ ଦାବି କରାଯାଇଛି ।
ଲଗାଣ ବର୍ଷା ଯୋଗୁଁ ମୟୁରଭଞ୍ଜ ରାଇରଙ୍ଗପୁରର ବିଭିନ୍ନ ଗାଁରେ ଭୁଶୁଡ଼ିଛି ଅନେକ ଘର । କେତେକ ପରିବାରଙ୍କୁ ବ୍ଲକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ତୁରନ୍ତ କ୍ଷୟକ୍ଷତି ଆକଳନ କରି ସରକାରୀ ନିୟମ ଅନୁସାରେ କ୍ଷତିପୂରଣ ଓ ଆବଶ୍ୟକ ସହାୟତା ପ୍ରଦାନ କରିବାକୁ ପ୍ରଶାସନ ନିକଟରେ ଦାବି କରାଯାଇଛି ।
Related Topics
Explore more stories